SAWIRRO: Wajigii labaad Tababar u socda Dhallinyarada Gobolka Hiiraan oo ka dhacay Beledweyne
Jimco, September 09, 2016 (HOL) —
Wajiga labaad Tababar socon doona dhowka bilood ee nagu soo foolka leh, ayaa Maanta Dhalinyarada waxaa lagu barayay Xaquuqul Insaanka iyo kaalinta
dhalinyarrada, waxaana ka qeyb-galay mas'uuliyiinta ugu sarreysa Ururka Midowg dhalinyarrada
gobolka Hiiraan.
Guddoomiyaha ururka
dhalinyarrada gobolka Hiiraan Max'ed C/llaahi Buraale ayaa HOL u sheegay
ujeedada tababarkan laga leeyahay tahay in sare loo qaado wacyiga iyo aqoonta
dhalinyarada ee la xiriira arrimaha Aas-aaska u ah nolasha bulshada, waxaana uu
intaa ku darray in maanta dhalinyarrada wajigan labaad ku baranayaan xaquuqul
Insaanka oo ah qodob muhiim ah, gaar ahaan marka la eego dalkeena Soomaaliya oo
aad moodo in arinta ku saabsan dhowrista xaquuqda aadanaha tahay meeshii ugu
hooseysay.
Tababarka ayaa waxaa ka
qeyb-gallaya ilaa 50 dhalinyarro ah oo loo kala qeybiyay 25 wiil iyo 25 hablo
ah oo laga soo soo kala xullay degmooyinka gobolka Hiiraan, kuwaa oo si toos ah
uga faa'ideysan doona casharada tababaradan xiriirka noqonaya.
''Tababarkaan, Waxaa gacan ka
geystay Ururka SUFIS ee Fadhigiisu yahay Dalka Sweden, gaar ahaan Guddoomiyaha
ururkaan, Abuukar Caato oo isku howlan sidii uu tababarkan u qabsoomi lahaa,''
ayuu yiri Buraale.
Ugu dabmeyn, Dhallinyarada Tababarkaan ka Qeyb-qaadaneysa - ayaa sheegay in ay tahay markii ugu horeysay oo ay
madal siddan oo kale ah ku kulmaan dhalinyarro isaga kala timid degmooyinka
gobolka, taasoo ay ku tilmaameen Faa'iidada ugu weyn ee laga Dhaxli doono Tababarka
marka laga soo tago Casharrada lagu Qaadanayo.
C/raxmaan Diini, Hiiraan
Online
[email protected]
Beledweyne, Soomaaliya
