Abaaraha ka jira Gobolka Bari oo sababay xanuun-no iyo xirfadlayaal caafimaad oo loo Diray Deeganada ay Abaartu saamaysay
Talaado, November, 29,
2016 (HOL) -Wasaarad-da caafimaadka
Puntland ayaa koox xirfadlayaal caafimaad ah maanta u dirtay deegaanada abaartu ay
saamaysay ee gobolka Bari si ay adeegyo caafimaad ugu fidiyaan boqolaal qof oo
ku dhibaataysan qaybo kamid ah gobolka Bari.
Isu-duwaha wasaarad-da caafimaadka ee gobolka Bari Siciid Maxamed Waraabe
ayaa
warbaahinta u sheegay in kooxahaan ay u diyaarsan yihiin sidii ay ugu gurman lahaayeen
goobaha ay abaaruhu ku dhufteen.
“Qorshuhu waxa uu yahay in ay gaaraan 42 deegaan oo hoostaga
gobolka Bari ,sababtoo ah abaarta hadda jirta waxa ay maraysaa meeshii ugu
xumayd ,waxaana jira xanuuno ka dhashay abaarta” ayuu yiri isu-duwaha oo xusay
in shaqaalahan ay yihiiin xirfad-layaal caafimaad oo tababaran.
Gudoomiyaha gobolka Bari Yuusuf Maxamed Wacays Dhado oo kamid
ahaa mas’uuliyiinti sagootiyay kooxdan caafimaad ayaa sheegay in dhamaan deegaanada
ay tagayaan ay ku qaabili doonaan dadka
ay abuurtu ku dhufatay oo qaarkood uu sheegay in ay u soo qaxeen magaalada
Bosaaso.
“Ma aha mid naga qorsoon dhamaanteen sida abaartu ay waxyeelo
ugu gaysatay dadkii iyo duunyadii ku noolaa gobolada Bari iyo Gardafuu , waxaan
kula dar-daramayaan in ay howlahooda si wanaagsan u gutaan “ ayuu isna yiri
wasiirka caafimaadka Puntland C/naasir Cismaan Ciise oo goobta ka hadlay.
Ugu danbayn , kooxdan caafimaad ayaa sii mari doona deegaano ay
kamid yihiin Ufeyn , Carmo, Iskushuban ,Baargaal , Caluula iyo Xaabo ,waxaana
dhamaantood ay gar-gaar caafimaad u fidin dadka ay soo riteen xanuunada ay
abaartu keentay.
Faysal M. Hassan
[email protected]