Wasaaradda Caafimaadka Puntland oo Kulan Dib-u Eegis ah ku Qabatay Magaalada Bosaaso
Talaado, November, 29,
2016 (HOL) Kulankan oo ahaa mid lagu qiimaynayo shaqooyinka ay wasaarad-da
caafimaadka ka qabatay gobolka Bari ayaa waxaa ka soo qayb-galay xubno ka
socday laamaha caafimaadka ee howl-gala degmada Bosaaso.
Wasiirka Caafimaadka Puntland Cabdinaasir Cismaan Ciise oo shirka furay
ayaa sheegay in dhankooda uu muhiimad weyn u leeyahay kulankan dib loogu
qiimaynayay howlaha wasaaradda ee bilihii tagay ,kuwaasi oo qaarkood uu sheegay
in si wanaagsan loogu guulaystay.
“Waxaa naga go’aan in muddo gaaban gudaheed aan ku dhamaystirno howlaha
wasaaradda ee na horyaala , waana in aan saxnaa hadii ay jiraan dhaliilo dhanka
shaqada ah “ ayuu yiri wasiirka caafimaadka oo ka hadlay goobta.
“ Horey uma dhici jirin in la qabto shir caynkan oo kale ah ,waana in la hubiyaa adeegyada caafimaad ee ay
bixiyaan laamaha hoostaga wasaaradda caafimaadka “ ayuu mar kale yiri wasiirka oo
u mahad-celiyay xubnaha la shaqeeya.
Ugu danbayn,Isu- duwaha wasaarad-da caafimaadka gobolka Bari Siciid
Maxamed Waraabe ayaa sheegay in wasaarad-da ay ku howlan-tahay dar-dar galinta howlaha caafimaad ee gobolka
Bari ,kuwaasi oo uu sheegay in loo baahan-yahay dhamaystirkooda ka hor sanadka
cusub.
Faysal M. Hassan
[email protected]