Wararka Maanta: Talaado, Feb 23, 2016-Shir looga Hadlayo Arrimaha Somalia oo Maanta si rasmi ah uga fumay Dalka Turkiga (SAWIRRO)

Shir looga Hadlayo Arrimaha Somalia oo Maanta si rasmi ah uga fumay Dalka Turkiga (SAWIRRO)

Talaado, Feberaayo 23, 2016 (HOL) — Waxaa goor-dhow ka furmay Magaalada Istanbuul ee dalka Turkiga shir looga hadlayo Arrimaha Somalia, sida Doorashooyinka Sannadkan la filayo inay ka dhacaan Soomaaliya.

Shirkan ayaa waxaa ka qayb-galaya Madaxweynaha Soomaaliya Xasan Shiikh Maxamuud, Madaxweynaha Turkiga, Recep Tayyip Erdogan, Madaxda Maamul-goboleedyada ka jira Somalia marka laga reebo Madaxweynaha Puntland C/weli Gaas oo shirkaan ku casuunnaa laakiin kama uusan soo qayb-gelin.

Kulankan ayaa waxaa furay Madaxweynaha Turkiga Erdogan, markaas kaddibna waxaa ka hadlay Madaxweynaha Somaliya Xasan Sheekh, Waxaana Dhanka kale Shirkan Goob-joog ka ah mas’uuliyiin ka socda Beesha Caalamka oo uu ka mid yahay ku-xigeenka xoghayaha guud ee Qaramada Midoobay.

Dhanka kale, Waxaa shirkan ka Qayb-galaya wufuud kala duwan oo ka socda Maamullada Galmudug, Koonfur-galbeed iyo Jubbaland, kuwaas oo ay Hoggaaminayaan Madaxda ugu sarreeya maamulladaas.

Ugu dambeyntii, Furitaanka Shirkaan kaddib ayaa Waxaa Warbaahinta oo dhan loo Saaray dibadda, iyadoo uu jiro doono War-saxaafadeed laga soo saarayo shirka marka lasoo gaba-gabeeyo Arbacada Berri ah.

Ibrahim Baafo, Hiiraan Online
[email protected]
Istanbuul, Turkiga