Jilaaga Barkhad Cabdi oo ka Warbixyay Booqasho uu ku Tagay dalka Somalia
Sabti, Feberaayo 21, 2015 (HOL) — Jilaaga
Soomaaliyeed ee Barkhad Cabdi oo horey wax uga matalay filmkii Captain Phillips
,isla markaanaTom Hanks kula tartamay
biladda Oskarka ayaa ka warbixiyay booqasho uu ku tagay qaybo kamid ah
Soomaaliya.
Waxaa Barkhad oo dhinaca kaalmada kala shaqaynaya
hay’adda Adesso uu indhiiisa ku soo arkay horumarka nabadeed ee Soomaliya
,inkastoo wali ay jiraan caqabado dhowr ah oo ay wajahayaan shacabka ka soo
kabanaya colaadihii sokeeye.
“Aad baan ugu faraxsanahay in aan suurtagal ka
dhigay safarka aan ku imid dalkii aan ku dhashay,isla markaana aan arko
isbadalkii dhacay 20-kii sano ee la soo dhaafay “ayuu yiri Barkhad oo ka
hadlayay booqashada uu ku tagay deegaanno katirsan Puntland.
Barkhad meelaha uu booqday waxaa kamid ah gobolka
Bari deegaanno badan oo hoos taga oo ay ku jirto magaalada Bosaaso
,isagaoo la kulmay kuluumayasto badan oo
ka cabanaya maraakiibta shisheeye ee jariifka ka gaysanaya xeebaha Somaliya.
“Waxaan ku raja weynahay inaan gudbiyo sheeko ka
duwan tii hore ,waxaa jira jiilal lumay balse ,waxaaan doonayaa in ka
qayb-qaato caawinta Somaalida “ayuu mar kale yiri Barkhad.
“Markii aan tagay Soomaaliya ma arkin colaado
,abaaro iyo waliba gaajo ,waxaan indhahayga ku soo arkay dad naftooda
horumarinaya,sababta ay tani u dhacayso waa kaalmada ay ka helaan qoysaskoo
dadibadda kunool” ayaa kamid aha hadalada Barkhad.
Ugu danbayn, Barkhad oo ay Soomaaliya ugu
danbaysay isaga oo todobo sano jir ah ayaa ka dalbaday dowladda Maraykanka in
la fasaxo xanibaadda lagu soo rogay xawaalidhii lacagta usoo diri jiray
Somaliya si dad badan loo bad-baadiyo.
Faysal Mohamed Hassan
[email protected]