CAYAARAHA CECAFA 2013: Xulka Soomaaliya oo ku Aaday Xulal Adag oo ka socda Dalalka Zambia, Tanzania iyo Burundi
Sabti, November 16, 2013 (HOL) — Xulka kubadda cagta Qaranka Somalia ayaa ku qayb noqday xulalka adag ee dalalka Zambia, Tanzania iyo Burundi kaddib markii maanta la sameeyay isku aadka ciyaaraha Qaramada bariga iyo bartamaha Africa ee CECAFA Senior Challenge Cup, kaasoo lagu qaban doono dalka Kenya.
Xafladdii isku aadka ciyaarahan oo ka dhacay magaaladda Nairobi ayaa waxaa xulkennu nasiib u helay inuu qeybta B ciyaar wadaag kula noqdo dalalka adag oo ay sareyso xirfadooda ciyaaraha marka loo eego geeska iyo bariga Africa.
Dalka Kenya ee martigalinaya ciyaarahan ayaa ku qeyb noqday dalalka Ethiopia, Zanzibar iyo South Sudan, halka xulka koobka difaacanaya ee Uganda uu foodda dari doono dalalka Eritrea, Rwanda iyo Sudan.
Ciyaarahan ayaa billaabanaya 27-ka bishan, iyagoo socon doona ilaa December 12, 2013.
Dhinaca kale tababaraha xulka Soomaaliya Maxamed Cabdulle Farayare ayaa todobaadkii hore magacaabay 29 ciyaaryahan ee Soomaaliya ku matali doona tartankaas, kuwaas oo xilligan tababar ku sameynaya magaaladda Muqdisho.
“Waxaan soo xulay 29 ciyaaryahan, waxaana sameyn doonaa wax kasta oo ay natiijo wanaagsan uga keeni karaan ciyaarahan” ayuu yiri Farayare.
Liiska Ciyaartooyda Xulka Soomaaliya.
01. Jibril Hassan Mohamed
02. Saa’id Salah Hussein
03. Deeq Abdullahi Nur
04. Ahmed Abdullahi Moallim
05. Ahmed Abdulkadir Dayib
06. Muhsin Sharif Abdalla
07. Hassan Ali Roble
08. Hassan Hussein Ibrahim
09. Baasi Mohamud Bana
10. Adil Nur Ali
11. Mahmoud Abdi Nur
12. Daud Abdullahi Hassan
13. Adan Hussein Ibrahim
14. Mohamed Hassan Ali
15. Ahmed Osman Abdulle
16. Mahad Mohamed Haji
17. Said Mohamed Sheekh
18. Hassan Sidow Hilowle
19. Hamsa Mohamed Muqtar
20. Bile Mohiyadin Burale
21. Dadir Amin Ali
22. Shafi’i Abdi Farah
23. Mohamed Tahlil Shidane
24. Abdishakur Mahmoud Mohamed
25. Mohamed Nur Abdi
26. Yasin Ali Egal
27. Mohamed Abdi Hayow
28. Sidi Mohamed Omar
29. Ahmed Tahlil Ali
Farah Blue, Hiiraan Online
[email protected]
Minneapolis, Minnesota