8/9/2020
Today from Hiiraan Online:  _
Wararka Maanta- Arbaco, Oct 31, 2012
Maamulka Kismaayo oo Isugu yeeray Ganacatada ku Dhaqan Degmadaasi


Arbaco, Oktoobar 31, 2012 (HOL) —Maamulka KMG ee Degmada Kismaayo ayaa maanta kulan ugu yeeray ganacsatada reer Kismaayo, iyadoona kulanka uu ka dhici doono xarunta degmada Kismaayo.

Mid kamid ah ganacsatada reer Kismaayo oo HOL qadka teleefonka ugu waramay ayaa sheegay in maanta lagu wargeliyay in ay kasoo qeybgalaan kulan ka dhici doona xarunta degmada Kismaayo, salaadda duhur kadib.

Mar aan weydinnay waxyaalaha kulanka looga hadli doono ayuu sheegay in ilaa imika aan loo sheegin mawduuca kulanka looga hadli doono balse lagu wargeliyay oo qura inay soo xaadiraan.

“Shirka waxa la filayaa in salaadda duhur kadib uu furmo, waxaana lagu casuumay ganacsatada kuwa yar yar iyo kuwa waaweynba,” ayuu hadalkiisii raaciyay.

Ilaa imika lama garanayo waxyaalaha kulanka looga hadli doono, haseyeeshee waxa loo maleynayaa in kulankani diirada lagu saari doono arimo la xiriira wadashaqeyn dhexmarta maamulka cusub iyo ganacsatada reer Kismaayo iyo weliba arimo ku saabsan dhoofinta dhuxusha oo maalmihii u danbeeyay uu muran ka taagnaa.

Qaar kamid ah ganacsatada reer Kismaayo oo wabaahinta la hadlay ayaa cabasho ka muujiyay dhuxusha la mamnuucay, waxayna ka codsadeen dowladda Soomaaliya in ay fasaxdo in la daabulo dhuxusha karooran gudaha iyo daafaha magaalada Kismaayo.

Kulanka maanta ka furmi doona xarunta degmada Kismaayo ayaa noqonaya kii ugu horeeyay oo dhexmara ganacsatada reer Kismaayo iyo maamulka KMG tan iyo intii ciidamada huwanta ah ay la wareegeen gacan ku heynta degmadaasi.

Xasan Nuur, Hiiraan Online
[email protected]
Kismayo, Soomaaliya

 

 










Click here
10/31/2012 8:07 AM EST
Arbaco, Oktoobar 31, 2012 (HOL) — Maxkamadda gobolka Banaadir ayaa maanta ku ridday xukunno isugu jira xabsi iyo lacag ganaax ah laba nin oo bishii September ee lasoo dhaafay lagu qabtay qamri iyo xashiis fara badan, iyadoo xukunka labadan ruux lagu dhawaaqay markii dhageysiga dacwaddooda ay dhammaatay.

10/31/2012 6:38 AM EST
Arbaco, Oktoobar 31, 2012 (HOL) — Cutubyo ka tirsan ciidamada dowladda Jabuuti ee qeybta ka ah howlgalka midowgga Africa ee AMISOM ayaa maalintii shalay gaaray magaalada Baladweyne ee xarunta gobolka Hiiraan.

10/31/2012 6:36 AM EST
Arbaco, Oktoobar 31, 2012 (HOL) — Askari ka tirsan ciidamada maamulka gobollka Hiiraan ayaa maanta bartamaha magaalada Baladweyne toogasho ku dillay taliyihii howlgalinta ciidamada maamulka Muumin Maxamed Maxamuud.

10/31/2012 3:49 AM EST
Arbaco, Oktoobar 31, 2012 (HOL) — Iska-horimaad xooggan ayaa xalay fiidkii ku dhexmaray deegaanka Goof-guduud ee duleedka degmada Baydhabo ciidamada dowladda Soomaaliya iyo kuwa Itoobiya oo iskaashanaya iyo xoogagga Al-shabaab, iyadoo dagaalkan uu kusoo beegmay xilli ay ciidamada Itoobiya ka wadaan gobolka Bay dhaqdhaqaaqyo ciidan.

10/31/2012 3:38 AM EST
Arbaco, Oktoobar 31, 2012 (HOL) — Saddex qof oo kasoo jeeda hal qoys ayay xalay biriqi ku dishay deegaan ka tirsan degmada Ceeldheer ee gobolka Galguduud kaddib roobab xoog badan oo ka da'ay degmadaas, iyadoo sidoo kalena biriqdani waxay dhaawacday laba qof oo isla qoyskaas ka tirsan.

10/31/2012 3:22 AM EST
Arbaco, Oktoobar 31, 2012 (HOL) —Faahfaahin dheeri ah ayaa kazoo baxeyso qarax xooggan oo baramaha magaalada Kismaayo xalay lagula eegtay ciidamo katirsan kuwa dowladda oo wax ka iibsanayay goob Qaadka lagu iibiyo oo ku taal Xaafadda Calanleey.

10/31/2012 3:20 AM EST
Arbaco, Oktoobar 31, 2012 (HOL) — Ururka horumarinta haweenka Soomaaliyeed ee IIDA ayaa shalay oo Salaado ahayd kusoo bandhigatay xaruntooda Muqdisho buug ay ku faahfaahinayaan xuquuqda uu dastuurka KMG ah ee dalku siinayo haweenka iyo halganka ay haweenku u soo galeen sidii dastuur lagu heli lahaa.

10/31/2012 2:41 AM EST
Arbaco, Oktoobar 31, 2012 (HOL) — Kooxo aan la garanayn ayaa xalay toogtay mid ka mid ah ciidamada booliiska Kenya mid kalena dhaawac u geystay kaddib markii ay rasaas ku fureen ciidamadan oo howlo ammaanka lagu adkeynayay ka waday bartamaha degmada Gaarsiga ee xarunta gobolka Waqooyi-bari Kenya.