8/9/2020
Today from Hiiraan Online:  _
Wararka Maanta- Arbaco, Oct 31, 2012
Iskahorimaad ka dhacay duleedka Degmada Baydhabo ee Gobolka Bay iyo Ciidamada Itoobiya oo Dhaqdhaqaaqyo Ciidan wada


Arbaco, Oktoobar 31, 2012 (HOL) — Iska-horimaad xooggan ayaa xalay fiidkii ku dhexmaray deegaanka Goof-guduud ee duleedka degmada Baydhabo ciidamada dowladda Soomaaliya iyo kuwa Itoobiya oo iskaashanaya iyo xoogagga Al-shabaab, iyadoo dagaalkan uu kusoo beegmay xilli ay ciidamada Itoobiya ka wadaan gobolka Bay dhaqdhaqaaqyo ciidan.

Mas'uuliyiin ka tirsan dowladda oo ku sugan degmada Baydhabo ayaa sheegay in dagaalkaas ay soo qaadeen xoogag Al-shabaab ka tirsan ciidamadooduna ka hortageen khasaare xoogganna u geysteen, balse ma aysan sheegin khasaaraha dhankooda kaso gaaray dagaalka.

Goobjoogayaal ku sugan deegaanka uu dagaalku ka dhacay ayaa sheegay in markii uu dagaalku dhammaaday ay arkeen mayadadka laba qof oo xiran tuutaha milateriga; balse ma aysan sheegin ciidamadii ay ka tirsanaayeen.

Xaaladda deegaankii lagu dagaalmay xalay ayaa saakay deggen iyadoo ay ku sugan yihiin ciidamada Itoobiya iyo kuwa Soomaaliya, mana jiro hadal dagaalkan ku saabsan oo kasoo baxay dhinaca Xarakada Al-shabaab.

Dhanka kale, ciidamada Itoobiya ee ku sugang gobolka Bay ayaa waxay billaabeen dhaqdhaqaaqyo ciidan, iyadoo ciidamada Itoobiya ay intooda badan ka baxayaan degmada Baydhabo, iyagoo u dhaqaaqay deegaannada gobolkaas ay kaga sugan tahay Al-shabaab.

Xubno ka tirsan mas'uuliyiinta dowladda ee gobolka Bay ayaa si kooban uga hadlay dhaqdhaqaaqan ciidan iyagoo ku sheegay mid ay ciidamada Soomaaliya iyo kuwa Itoobiya ee caawinaya ay ku doonayaan inay qabsadaan deegaanno hor leh.

Degmooyin ka tirsan gobolka Bay ayaa waxaa weli gacanta ku haysa Al-shabaab iyadoo ciidamada dowladda iyo kuwa Itoobiya ee caawinaya tan iyo bishii labaad ee sannadkan isku dayayeen inay gobolka oo dhan ka qabsadaan xoogagga Al-shabaab oo muddo sanooyin ah ka talinayay.

Maxamed Xaaji Xuseen, Hiiraan Online
[email protected]
Muqdisho, Soomaaliya









Click here
10/31/2012 8:07 AM EST
Arbaco, Oktoobar 31, 2012 (HOL) — Maxkamadda gobolka Banaadir ayaa maanta ku ridday xukunno isugu jira xabsi iyo lacag ganaax ah laba nin oo bishii September ee lasoo dhaafay lagu qabtay qamri iyo xashiis fara badan, iyadoo xukunka labadan ruux lagu dhawaaqay markii dhageysiga dacwaddooda ay dhammaatay.

10/31/2012 6:38 AM EST
Arbaco, Oktoobar 31, 2012 (HOL) — Cutubyo ka tirsan ciidamada dowladda Jabuuti ee qeybta ka ah howlgalka midowgga Africa ee AMISOM ayaa maalintii shalay gaaray magaalada Baladweyne ee xarunta gobolka Hiiraan.

10/31/2012 6:36 AM EST
Arbaco, Oktoobar 31, 2012 (HOL) — Askari ka tirsan ciidamada maamulka gobollka Hiiraan ayaa maanta bartamaha magaalada Baladweyne toogasho ku dillay taliyihii howlgalinta ciidamada maamulka Muumin Maxamed Maxamuud.

10/31/2012 5:52 AM EST
Arbaco, Oktoobar 31, 2012 (HOL) —Maamulka KMG ee Degmada Kismaayo ayaa maanta kulan ugu yeeray ganacsatada reer Kismaayo, iyadoona kulanka uu ka dhici doono xarunta degmada Kismaayo.

10/31/2012 3:38 AM EST
Arbaco, Oktoobar 31, 2012 (HOL) — Saddex qof oo kasoo jeeda hal qoys ayay xalay biriqi ku dishay deegaan ka tirsan degmada Ceeldheer ee gobolka Galguduud kaddib roobab xoog badan oo ka da'ay degmadaas, iyadoo sidoo kalena biriqdani waxay dhaawacday laba qof oo isla qoyskaas ka tirsan.

10/31/2012 3:22 AM EST
Arbaco, Oktoobar 31, 2012 (HOL) —Faahfaahin dheeri ah ayaa kazoo baxeyso qarax xooggan oo baramaha magaalada Kismaayo xalay lagula eegtay ciidamo katirsan kuwa dowladda oo wax ka iibsanayay goob Qaadka lagu iibiyo oo ku taal Xaafadda Calanleey.

10/31/2012 3:20 AM EST
Arbaco, Oktoobar 31, 2012 (HOL) — Ururka horumarinta haweenka Soomaaliyeed ee IIDA ayaa shalay oo Salaado ahayd kusoo bandhigatay xaruntooda Muqdisho buug ay ku faahfaahinayaan xuquuqda uu dastuurka KMG ah ee dalku siinayo haweenka iyo halganka ay haweenku u soo galeen sidii dastuur lagu heli lahaa.

10/31/2012 2:41 AM EST
Arbaco, Oktoobar 31, 2012 (HOL) — Kooxo aan la garanayn ayaa xalay toogtay mid ka mid ah ciidamada booliiska Kenya mid kalena dhaawac u geystay kaddib markii ay rasaas ku fureen ciidamadan oo howlo ammaanka lagu adkeynayay ka waday bartamaha degmada Gaarsiga ee xarunta gobolka Waqooyi-bari Kenya.