8/9/2020
Today from Hiiraan Online:  _
Wararka Maanta- Isniin, Nov 26, 2012
Jaamacadda Soomaaliya ee Muqdisho oo yeelatay Guddoomiye Cusub Kaas oo si rasmi ah xilka ula wareegay Maanta


Isniin, November 26, 2012 (HOL) — Munaasabad uu xilka kula wareegayay guddoomiyihii cusub ee Jaaamacadda Soomaaliya ayaa maanta lagu qabtay xarunta Jaamacadaas ee magaalada Muqdisho.

Waxaa munaasabadaas ka qybgalay bulshada qaybaheeda kala duwan oo isugu jira ganacsato waxgarad, aqoonyahano, maamulka, macalimiinta, ardayda, waalidiin iyo marti sharaf kale oo lagu casuumay.

Ugu horeyn waxaa munaasabada ka hadlay guddoomiyaha guddiga sare ee Jaamacadda, Maxamed Macalin Axmed oo sheegay in ujeedada xafladan ay tahay inay xilalka ku kala wareegaan maamulkii hore iyo midka cusub ee Jaamacadda, isagoo xusay in jaamacada oo la aasaasay sanadkii 2005-tii uuna hadda xilka qabanayo gudoomiyihii toddobaad.

Sidoo kale, waxaa ka hadlay guddoomiyaha xilka ka dagay, Yaxye Ibraahin Cali Hareeri isagoo ka sheekeeyay marxaladihii ay Jaamacadu soo martay saddexdii sano ee uu xilka hayay, wuxuuna tilmaamay in markii xilka uu la wareegayey ay wax dhiganayeen 100-arday, haatanna ay aradaydu yihiin 4,700, wuxuuna tilmaamay in jaamacada ka shaqeeyaan boqolaal qof.


"Marxaladaha aan kusoo shaqeynay kuwa ugu daranaa waxaa ka mid ahaa colaadihii adkaa ee soo maray Muqdisho sanadihii dambe kuwaasoo si weyn noo saameeyay, waxaan aragnay madaafiic fasallada kusoo dhacaysa oo arday dhimasho iyo dhaawac u geysatay, waxaan soo aragnay waddooyin xiran, intii aan shaqada waday jaamacada dhowr mar ayay xarunteeda ka guurtay dagaallada awgeed ILAAHAY mahadiis sabarkeenii iyo dedaalkeenii kaddib waxaan ku guulueysanay inaan jaamacada meel sare gaarsiino," ayuu yiri Yaxye oo ugu baaqay maamulka, macalimiinta, ardayda iyo waalidiinta inay si wanaagsan ula shaqeeyaan maamulka cusub.

Munaasabaddaas waxaa sidoo kale ka hadlay guddoomiyaha cusub ee jaaamacadda Soomaaliya, Dr. Maxamed Cabdiwali Sheekh Yuusuf Garaad oo ugu horreyn uga mahadceliyey maamulkii hore heerka uu jaamacadda soo gaarsiiyey.

"Waxaan wax ku bartay canshuurtii shacabka Soomaaliyeed; si billaash ah ayaana Jaamacaddii ummada uga baxay, waxaan wax dalka ka maqnaa ku dhawaad 30-sano sababta igu kaliftay inaan hadda imaadana waxay tahay si aan dadkeyga iyo dalkeyga ula qeybsado dhibaatada maadaama xiligu dheeraaday wax baddana la maqnaa," ayuu hadalkiisa ku furay mas'uulka cusub ee maamulka jaamacadda la wareegay.

Gudoomiyaha cusub ayaa ballan-qaaday inuu jaaamacada kusoo kordhin doono Kambas cusub, sarena u qaadi doono tayada iyo qalabka aqooneed ee ay ku bartaan ardaya jaamacada wax ka dhigata, wuxuuna ka dalbaday maamulka iyo macalimiinta iyo waalidiinta iney xilkaas cusub ee uu qaaday gacan ku siiyaan.

Ugu dambeyn waxaa goobtaas ka hadlay xubno ku hadlayey qeybaha bulshada sida ganacsatada, ardayda, macalimiinta iyo waalidiinta ardayda wax ka barta jaamacadda, kuwasoo sheegay in Jaamacaddu ay door muhiim ah ka qaadatay sare u qaadidda aqoonta ardayda Soomaaliyed, waxayna ballan-qaadeen inay la shaqeyn doonaan maamulka cusub ee jaamacadda.





Maxamed Xaaji Xuseen, Hiiraan Online
[email protected]
Muqdisho, Soomaaliya










Click here
11/26/2012 12:15 PM EST
Isniin, November 26, 2012 (HOL) —Wafdigii uu hogaaminayay madaxweeynaha dowladda Federaalka Soomaaliya Mudane Xasan Sheekh Max’uud ayaa maanta gaaray dalka Jabuuti, iyadoona halkaasi ay si diiran ugu soo dhaweeyeen madaxda dalkaasi.

11/26/2012 7:50 AM EST
Isniin, November 26, 2012 (HOL) — Xildhibaannada baarlamaanka Somalia ayaa maanta cod aqlabiyad ah ku ansixiyay miisaaniyadda uu baarlamaanku ku shaqeyn doono sannadka soo socda, iyadoo saxaafadda loo diiday inay goobjoog ka noqoto kulankan.

11/26/2012 7:24 AM EST
Isniin, November 26, 2012 (HOL) — Guddiga doorashooyinka Somaliland ayaa soo saaray amar lagu joojinayo isku socodka gaadiidka magaalooyinka dhexdiisa iyo goboladaba maalinta arbacada ee doorashada golaha deegaanku dhacayso, isla markaana aanay magaalooyinka wax gaadiid ahi soo gali doonin kana bixi doonin inta ay socoto codeyntu.

11/26/2012 7:18 AM EST
Isniin, November, 26, 2012 (HOL) – Munaasabad siweyn loo soo agaasimay oo lagu qabtay magaalada Baladweyne ayeey afar sano kadib gollaha odayaasha dhaqanka gobollka Hiiraan waxaa ay maanta gudoomiye cusub u doorteen Shiikh Max’ed Shiikh Xusseen Maryacade.

11/26/2012 7:16 AM EST
Isniin, November 26, 2012 (HOL) — Dhaqdhaqaaq ciidan oo xoog leh ayaa laga dareemayaa gobollada Sanaag iyo Haylaan ee Puntland, kaddib markii uu soo dhowaadey xilligii la qaban lahaa doorashooyinka goleyaasha deegaanka ee ay ku loollami doonaan ururada siyaasadda ee Somaliland.

11/26/2012 7:14 AM EST
Isniin, November 26, 2012 (HOL) — Ururrada bulshada rayidka ah ee Soomaaliyeed ayaa maanta loo qabtay kulan ulan gaar ah oo ku saabsan sidii shacabka loogu dhiirrigelin lahaa inaysan qarsan xubnaha Al-Shabaab ee ku dhuumaaleysanaya xaafadaha Muqdisho iyo gobollada dalka.

11/26/2012 2:23 AM EST
Isniin, November 26, 2012 (HOL) — Israsaaseyn qaddar daqiiqado ah socotey ayaa xalay xaafadda Garsoor ee magaalada Gaalkacayo ku dhex martay ciidamo ka tirsan Booliska Puntland iyo dabley hubeysan oo aan ilaa iyo hadda haybtooda la aqoonsan.

11/26/2012 2:22 AM EST
Isniin, November 26, 2012 (HOL) — Waxaa shalay xarigga laga jaray xabsiga dhexe ee magaalada Qardho ee xarunta gobolka Karkaar oo ah kan ugu weyn guud ahaan deegaannada Puntland, isla markaana dhismihiisa la waday afartii sano ee lasoo dhaafay.

11/26/2012 2:11 AM EST
Isniin, November 26, 2012 (HOL) — Madaxweynaha dowladda Soomaaliya, Xasan Sheekh Maxamuud ayaa safarkii ugu horreeyay maanta ugu ambabaxay dalalka Jabuuti, Itoobiya iyo Kenya oo daris la ah Soomaaliya, waxaana safarkiisa ku wehliya xubno ka tirsan dowladda.

11/26/2012 1:58 AM EST
Isniin, November 26, 2012 (HOL) — Kooxo hubeysan ayaa toogasho ku dilay saakay guddoomiyihii suuqa weyn ee Bakaaraha, Axmed Nuurre Owdiini iyo sarkaal ka tirsanaa ciidamada dowladda Soomaaliya oo lagu magacaabi jiray, Col. Axmed Cali Siyaad, iyadoo kooxaha dilka geystay ay u suurogashay inay goobta ka baxsadaan.

11/26/2012 1:36 AM EST
Isniin, November 26, 2012 (HOL) — Madaxweynaha dowladda Soomaaliya, Xasan Sheekh Maxamuud ayaa sheegay in ciddii lagu helo kufsi lagu fulinayo dil toogasho, isagoo sidoo kalena sheegay inaysan jiri karin isbaarooyin lacago lagu qaadayo.