8/9/2020
Today from Hiiraan Online:  _
Wararka Maanta- Isniin, Nov 26, 2012
Guddiga Doorashooyinka Somaliland oo soo saaray Amar lagu Joojinayo inay Gaadiidkju socdaan Maalinta doorashada dhacayso


Isniin, November 26, 2012 (HOL) — Guddiga doorashooyinka Somaliland ayaa soo saaray amar lagu joojinayo isku socodka gaadiidka magaalooyinka dhexdiisa iyo goboladaba maalinta arbacada ee doorashada golaha deegaanku dhacayso, isla markaana aanay magaalooyinka wax gaadiid ahi soo gali doonin kana bixi doonin inta ay socoto codeyntu.

Gudoomiyaha guddida doorashooyinka Somaliland Eng: Ciise Yuusuf Maxamed (Xamari) ayaa shaaciyey in maalinta doorashadu dhacayso la xayiray dhaqdhaqaaqii gaadiidka ee magaalooyinka dhexdiisa iyo gobolada, waxaanu amar ku siiyey in ciidanka amnigu ay qaban doonaan wixii ay gaadiid arkaan ee ka hor yimaadaa amarkaasi ilaa inta laga gaadhayo sideedda habeenimo ee Arbacadda ay bishu tahay 28, November.

"waxaanu wada ogsoonahay in doorashadda goleyaasha deegaanka ee dalkan Jamhuuriyadda Somaliland loo dareeri doono maalinta arbacadda ee 28 ka November, 2012, sidaas darteed, komishanka doorashooyinkka Qaranku markuu arkay qodobka 27aad ee xeerka doorashooyinka, xeer Lr.20-2/2005 wuxuu xayirayaa maalinta doorashadda dhaqdhaaqa gaadiidka dawlada, Gaadiidka dadweynaha, ka hay’adaha caalamiga ah iyo maxaliga, Gaadiidka xisbiyadda iyo ururadda iyo kuwa shirkadaha gaarka loo leeyahay, laga bilaabo lixda saac ee subaxnimo ilaa 8adda saac ee fiidnimo"ayaa lagu yidhi qoraal la soo gaadhsiiyey HOL oo uu ku saxeexan yahay Guddoomiyaha guddida doorashooyinka Somaliland.

Si kastaba ha ahaatee, waxa ilaa shalay si habsami ah u socday raridda sanaaduuqdii codeynta ee gobolada iyo degmooyinka fog fog, waxaana loo diraariyey inay ka qaybqaataan ardayda jaamacadaha Somaliland iyo ciidamada kala duwan haday noqon lahayd Militari, boolis iyo ciidanka Asluubta, waxaana shaqo weyni ka socotaa maalmihii u dambeeyey xarunta guddida doorashooyinka.

Inta badan doorashadu marka ay dhacayso waxa la isku bedelaa ardayda jaamacadaha oo gobolo kala duwan loo kala diraa si ay u ilaaliyaan cadaaladda iyo masuuliyadda doorashada, maadaama ay iyagu masuul ka yihiin goobaha doorashooyinku ka dhacayaan, waxaana guud ahaan shacabka iyo xisbiyada tartamayaan si weyn ugu kalsoon yihiin doorka ay ardayda jaamacaduhu ka ciyaaraan maamuladda goobaha ay madaxda ka yihiin ee doorashooyinku ka dhacaan, taas oo yaraata inuu khilaaf ka dhasho ama lagu murmo marka la codeynayo iyo tirida codadka oo markiiba goob kasta lagu tirinayo loona soo gudbiyo degmooyinka ay hoos yimaadaa, ka dibna gobolada loo sii gudbiyo, ugu dambayna loo gudbin doono xarunta guud ee guddida doorashooyinka.

Wasaaradda Arrimaha gudaha ayaa iyaguna u diyaarisay ciidamadii hawshaasi baaxada leh ka bixi lahayd, kuwaas oo goob kasta la geynayo ciidan ku filan iyo kuwa kayd ah si haddii ay wax dhacaan gurmad degdeg ah u heli karaan.

Sidoo kale, maalinta doorashooynku dhacayaan ayaa gabi ahaan la xidhaa isku socodka magaalooyinka dhexdiisa iyo goboladda, kuwaas oo aanay waxna ka bixin waxna soo galin si amniga loo ilaaliyo, waxa kale oo arrintaasi ilaalinaysa in dadkii laba codeyn lahaa aanay fursad u helin inay goob kale tagaan, maadaama oo aanay jirin gaadiid ay raaci lahaayeen, waxaase jira gaadiid kooban oo fasax ka haysta guddida doorashooyinka oo ay siiyaan madaxda xisbiyada iyo kormeerayaasha caalamiga ah iyo kuwa gudahaba.

Dhanka kale, waxa jira musharaxiin badan oo ka sharaxan goboladda u dhow dhow magaaladda Hargeysa, kuwaas oo ilaa xalay guranayey dad farobadan si ay ugu soo codeeyaan, waxaana ilaa xalay magaaladda Hargeysa ka baxey gaadiid aad u faro badan oo daad guraynayey dad dhallinyaro u badan, isagoo musharax waliba ku dadaalayo inuu taageerayaal ka soo kaxaysto magaalooyinka u dhow dhow si ay ugu codeeyaan, waxaana la sheegayaa inay jiraan magaalooyin badan oo dadkii la guranayey buux dhaafiyeen.

Waxa kale oo jira dad caasimadda degan oo marka ay doorashadda gaadho dib ugu noqda deegaanadooda si ay ugu soo codeeyaan musharaxiinta ka soo jeedda deegaankoodda.

Si kastaba ha ahaatee, magaaladda Hargeysa waxa laga dareemayaa dhaqdhaaqa gaadiidka ka baxaya ee dadka faraha badan sida, waxaanu musharax waliba ku dadaalayaa sidii uu u soo bixi laha,isla markaana adeegsanaya qaab kasta oo uu dad u codeeya ku heli lahaa.

Barkhad-Ladiif M. Cumar, Hiiraan Online
[email protected]
Hargeysa, Somaliland










Click here
11/26/2012 12:15 PM EST
Isniin, November 26, 2012 (HOL) —Wafdigii uu hogaaminayay madaxweeynaha dowladda Federaalka Soomaaliya Mudane Xasan Sheekh Max’uud ayaa maanta gaaray dalka Jabuuti, iyadoona halkaasi ay si diiran ugu soo dhaweeyeen madaxda dalkaasi.

11/26/2012 8:36 AM EST
Isniin, November 26, 2012 (HOL) — Munaasabad uu xilka kula wareegayay guddoomiyihii cusub ee Jaaamacadda Soomaaliya ayaa maanta lagu qabtay xarunta Jaamacadaas ee magaalada Muqdisho.

11/26/2012 7:50 AM EST
Isniin, November 26, 2012 (HOL) — Xildhibaannada baarlamaanka Somalia ayaa maanta cod aqlabiyad ah ku ansixiyay miisaaniyadda uu baarlamaanku ku shaqeyn doono sannadka soo socda, iyadoo saxaafadda loo diiday inay goobjoog ka noqoto kulankan.

11/26/2012 7:18 AM EST
Isniin, November, 26, 2012 (HOL) – Munaasabad siweyn loo soo agaasimay oo lagu qabtay magaalada Baladweyne ayeey afar sano kadib gollaha odayaasha dhaqanka gobollka Hiiraan waxaa ay maanta gudoomiye cusub u doorteen Shiikh Max’ed Shiikh Xusseen Maryacade.

11/26/2012 7:16 AM EST
Isniin, November 26, 2012 (HOL) — Dhaqdhaqaaq ciidan oo xoog leh ayaa laga dareemayaa gobollada Sanaag iyo Haylaan ee Puntland, kaddib markii uu soo dhowaadey xilligii la qaban lahaa doorashooyinka goleyaasha deegaanka ee ay ku loollami doonaan ururada siyaasadda ee Somaliland.

11/26/2012 7:14 AM EST
Isniin, November 26, 2012 (HOL) — Ururrada bulshada rayidka ah ee Soomaaliyeed ayaa maanta loo qabtay kulan ulan gaar ah oo ku saabsan sidii shacabka loogu dhiirrigelin lahaa inaysan qarsan xubnaha Al-Shabaab ee ku dhuumaaleysanaya xaafadaha Muqdisho iyo gobollada dalka.

11/26/2012 2:23 AM EST
Isniin, November 26, 2012 (HOL) — Israsaaseyn qaddar daqiiqado ah socotey ayaa xalay xaafadda Garsoor ee magaalada Gaalkacayo ku dhex martay ciidamo ka tirsan Booliska Puntland iyo dabley hubeysan oo aan ilaa iyo hadda haybtooda la aqoonsan.

11/26/2012 2:22 AM EST
Isniin, November 26, 2012 (HOL) — Waxaa shalay xarigga laga jaray xabsiga dhexe ee magaalada Qardho ee xarunta gobolka Karkaar oo ah kan ugu weyn guud ahaan deegaannada Puntland, isla markaana dhismihiisa la waday afartii sano ee lasoo dhaafay.

11/26/2012 2:11 AM EST
Isniin, November 26, 2012 (HOL) — Madaxweynaha dowladda Soomaaliya, Xasan Sheekh Maxamuud ayaa safarkii ugu horreeyay maanta ugu ambabaxay dalalka Jabuuti, Itoobiya iyo Kenya oo daris la ah Soomaaliya, waxaana safarkiisa ku wehliya xubno ka tirsan dowladda.

11/26/2012 1:58 AM EST
Isniin, November 26, 2012 (HOL) — Kooxo hubeysan ayaa toogasho ku dilay saakay guddoomiyihii suuqa weyn ee Bakaaraha, Axmed Nuurre Owdiini iyo sarkaal ka tirsanaa ciidamada dowladda Soomaaliya oo lagu magacaabi jiray, Col. Axmed Cali Siyaad, iyadoo kooxaha dilka geystay ay u suurogashay inay goobta ka baxsadaan.

11/26/2012 1:36 AM EST
Isniin, November 26, 2012 (HOL) — Madaxweynaha dowladda Soomaaliya, Xasan Sheekh Maxamuud ayaa sheegay in ciddii lagu helo kufsi lagu fulinayo dil toogasho, isagoo sidoo kalena sheegay inaysan jiri karin isbaarooyin lacago lagu qaadayo.