8/9/2020
Today from Hiiraan Online:  _
Wararka Maanta- Isniin, Nov 26, 2012
Madaxweynaha Somalia oo Markii ugu Horreysay safar ugu Ambabaxay Dalal ay ka mid yihiin Itoobiya iyo Jabuuti


Isniin, November 26, 2012 (HOL) — Madaxweynaha dowladda Soomaaliya, Xasan Sheekh Maxamuud ayaa safarkii ugu horreeyay maanta ugu ambabaxay dalalka Jabuuti, Itoobiya iyo Kenya oo daris la ah Soomaaliya, waxaana safarkiisa ku wehliya xubno ka tirsan dowladda.

Dalalka uu madaxweynuhu safarka u aaday ayaa waxaa Soomaaliya ka joogo ciidammo qayb ka ah howgalka AMISOM iyo kuwo aan qayb ahayn, isagoo madaxda dalalka kala hadli doono arrimaha Soomaaliya.

Madaxweynaha oo safarkiisa uu qaadan doono muddo hal toddobaad ah ayaa wuxuu ku hormari doonaan dalka Jabuuti, isagoo halkaas kula kulmi doono madaxda dalkaas, sidoo kalena wuxuu booqan doonaa dalka Itoobiya, isagoo ugu dambeynna tegi doona dalka Kenya.

Safarkan ayaa noqonaya kii labaad oo madaxweynaha Soomaaliya uu dalka uga baxo tan iyo markii xilkan loo doortay bishii September ee sannadkan, isagoo safarkii midkan ka horreeyay ku tagay dalka Uganda.

Dowladda Soomaaliya oo noqonaysa tii ugu horreysay oo rasmi ah oo Soomaaliya ay yeelato tan iyo markii ay burburtay dowladdii dhexe ayaan isku dayaysa inay xiriir wanaagsan la sameyso dalalka caalamka, ayna dib u soo celiso ammaankii ka jiray Soomaaliya.

Madaxda Soomaalida ayaa inta badan lagu xantaa inay tagaan dalka Itoobiya markii ay xukunka qabtaan, iyadoo aan la ogeyn waxa ay booqashadan kaga duwan tahay kuwii ay ku tegi jireen dalkaas madaxdii hore ee Soomaaliya.

Maxamed Xaaji Xuseen, Hiiraan Online
[email protected]
Muqdisho, Soomaaliya









Click here
11/26/2012 12:15 PM EST
Isniin, November 26, 2012 (HOL) —Wafdigii uu hogaaminayay madaxweeynaha dowladda Federaalka Soomaaliya Mudane Xasan Sheekh Max’uud ayaa maanta gaaray dalka Jabuuti, iyadoona halkaasi ay si diiran ugu soo dhaweeyeen madaxda dalkaasi.

11/26/2012 8:36 AM EST
Isniin, November 26, 2012 (HOL) — Munaasabad uu xilka kula wareegayay guddoomiyihii cusub ee Jaaamacadda Soomaaliya ayaa maanta lagu qabtay xarunta Jaamacadaas ee magaalada Muqdisho.

11/26/2012 7:50 AM EST
Isniin, November 26, 2012 (HOL) — Xildhibaannada baarlamaanka Somalia ayaa maanta cod aqlabiyad ah ku ansixiyay miisaaniyadda uu baarlamaanku ku shaqeyn doono sannadka soo socda, iyadoo saxaafadda loo diiday inay goobjoog ka noqoto kulankan.

11/26/2012 7:24 AM EST
Isniin, November 26, 2012 (HOL) — Guddiga doorashooyinka Somaliland ayaa soo saaray amar lagu joojinayo isku socodka gaadiidka magaalooyinka dhexdiisa iyo goboladaba maalinta arbacada ee doorashada golaha deegaanku dhacayso, isla markaana aanay magaalooyinka wax gaadiid ahi soo gali doonin kana bixi doonin inta ay socoto codeyntu.

11/26/2012 7:18 AM EST
Isniin, November, 26, 2012 (HOL) – Munaasabad siweyn loo soo agaasimay oo lagu qabtay magaalada Baladweyne ayeey afar sano kadib gollaha odayaasha dhaqanka gobollka Hiiraan waxaa ay maanta gudoomiye cusub u doorteen Shiikh Max’ed Shiikh Xusseen Maryacade.

11/26/2012 7:16 AM EST
Isniin, November 26, 2012 (HOL) — Dhaqdhaqaaq ciidan oo xoog leh ayaa laga dareemayaa gobollada Sanaag iyo Haylaan ee Puntland, kaddib markii uu soo dhowaadey xilligii la qaban lahaa doorashooyinka goleyaasha deegaanka ee ay ku loollami doonaan ururada siyaasadda ee Somaliland.

11/26/2012 7:14 AM EST
Isniin, November 26, 2012 (HOL) — Ururrada bulshada rayidka ah ee Soomaaliyeed ayaa maanta loo qabtay kulan ulan gaar ah oo ku saabsan sidii shacabka loogu dhiirrigelin lahaa inaysan qarsan xubnaha Al-Shabaab ee ku dhuumaaleysanaya xaafadaha Muqdisho iyo gobollada dalka.

11/26/2012 2:23 AM EST
Isniin, November 26, 2012 (HOL) — Israsaaseyn qaddar daqiiqado ah socotey ayaa xalay xaafadda Garsoor ee magaalada Gaalkacayo ku dhex martay ciidamo ka tirsan Booliska Puntland iyo dabley hubeysan oo aan ilaa iyo hadda haybtooda la aqoonsan.

11/26/2012 2:22 AM EST
Isniin, November 26, 2012 (HOL) — Waxaa shalay xarigga laga jaray xabsiga dhexe ee magaalada Qardho ee xarunta gobolka Karkaar oo ah kan ugu weyn guud ahaan deegaannada Puntland, isla markaana dhismihiisa la waday afartii sano ee lasoo dhaafay.

11/26/2012 1:58 AM EST
Isniin, November 26, 2012 (HOL) — Kooxo hubeysan ayaa toogasho ku dilay saakay guddoomiyihii suuqa weyn ee Bakaaraha, Axmed Nuurre Owdiini iyo sarkaal ka tirsanaa ciidamada dowladda Soomaaliya oo lagu magacaabi jiray, Col. Axmed Cali Siyaad, iyadoo kooxaha dilka geystay ay u suurogashay inay goobta ka baxsadaan.

11/26/2012 1:36 AM EST
Isniin, November 26, 2012 (HOL) — Madaxweynaha dowladda Soomaaliya, Xasan Sheekh Maxamuud ayaa sheegay in ciddii lagu helo kufsi lagu fulinayo dil toogasho, isagoo sidoo kalena sheegay inaysan jiri karin isbaarooyin lacago lagu qaadayo.