3/28/2024
Today from Hiiraan Online:  _
Wararka Maanta- Arbaco, May 9 , 2012
Qoysaska ku Dhaqan Deegaanka Deg-Ilima ee Gobolka Jubada Hoose oo ka Cabanaya Dhibaatooyin Nolol Xumo

Arbaco, May 09, 2012 (HOL) — Qoysaska danyarta ah ee ku dhaqan deegaanka Deg-ilima oo hoostaga degmada Afmadow ee Gobolka Jubada Hoose ayaa waxa soo wajahday xaalad nolol xumo oo aad u liidata.

Qoysaskan oo gaaraya Boqollaal ayaa waxa kamid ah qoysas dhawaan kasoo barakacay dagaallo iyo duqeymo xooggan oo ciidamada huwanta ah iyo Al-shabaab ku dhexmaray deegaanka Hoosingoow, ee gobolka Jubada Hoose.

Dhibaatooyinka ay dadkani ka cabanayaan ayaa waxa kamid ah Raashiin la'aan, Hoy la'aan iyo weliba dhibaatooyin dhanka caafimaadka ah oo lasoo darsay, iyadoona ilaa imika aysan jirin cid u gurmatay dadkaasi dhibaateeysan.

C/raxmaan Sheekh Aadan oo kamid ah odoyaasha deegaanka ayaa warbaahinta u sheegay in ay aad u liidato xaaladda guud ee dadka ku dhaqan deegaanka Deg-ilima, isagoona sheegay in qoysaskii dhawaan kusoo barakacay deegaanka ay dul-saar ku yihiin qoysaskii hore ugu noolaa deegaanka, arintaasoo uu sheegay in ay uga sii dartay dhibaatada markii hore heysatay.

Sidoo kale waxa uu ugu baaqay hay'adaha samafalka iyo weliba bulshada Soomaaliyeed in ay lasoo gaaraan kaalmo deg deg ah, wuxuuna sheegay in hadii aan kaalmo lala soo gaarin ay kasii dari doonto xaaladda ay haatan ku suganyihiin qoysaska ku dhaqan deegaanka Deg-ilima ee gobolka Jubada Hoose.

Gobolka Jubada Hoose oo kamid ah gobollada ay sida ba'an u saameeyeen dagaallada u dhexeeya xoogagga Al-shabaab iyo ciidamada dowladda KMG, kuwa Raaskaambooni oo kaashanaya Militariga Kenya ayaa waxa ka jirto xaalad biniaadanimo oo aad u liidata, waxaana jirtay in hay'ado samafal ay raashiin ka qeybiyeen deegaanka Dhoobley iyo deegaano ku dhow dhow, haseyeeshee Deeqahaasi ma ahayn kuwo ku filan dadka ay soo barakiciyeen abaaraha iyo dagaallada ee ku sugan qeybo katirsan gobolka Jubada Hoose.

Xasan Nuur, Hiiraan Online
[email protected]
Kismaayo, Soomaaliya













Click here
5/9/2012 6:51 PM EST
Arbaco, May 10, 2012(HOL):-Waxaa si heer qaran ah loogu aasay magaalada Nairobi ee caasimadda Dalka Kenya Marxuum Cabdi Xayi Cusmaan Garaad oo shalay ku geeriyooday magaalada Nairobi.

5/9/2012 6:48 AM EST
Arbaco, May 09, 2012 (HOL) — Jamaal Cusmaan oo ah wariye u shaqeeya Tv-ga Channel-4 oo saldhiggiisu yahay dalka Ingiriiska ayaa ku guuleystay abaal-marinta sannadkan ee suxufiyiinta caalamka.

5/9/2012 6:30 AM EST
Arbaco, May 09, 2012 (HOL) — Dood-cilmiyeedkan oo ay soo qabanqaabisay UYS oo ah hay'adda Midowga Dhallinyarada Soomaaliyeed ayaa looga hadlay sida lagu xoojin karo nabada loogana wada-shaqeyn karo ammaanka caasimadda, kaasoo ay ka qeyb-galeen boqolaal haween oo ka socday qaybaha ururrada haweenka.

5/9/2012 4:12 AM EST
Arbaco, May 09, 2012 (HOL) — Jen. Yuusuf Maxamed Siyaad (Indhacadde) oo ka mid ahaa xubnihii sida weyn uga soo horjeeday dastuurka cusub ee Soomaaliya ayaa iska bedelay mowqifkaas kaddib markii uu sheegay in dastuurka laga saarayo dhammaan qodobbadii dhaliyay muranka.

5/9/2012 3:59 AM EST
Arbaco, May 09, 2012 (HOL) — Ra'iisul wasaaraha Soomaaliya, Cabdiweli Maxamed Cali ayaa diiday in xil ka qaadis lagu sameeyo maareeyaha dekedda Muqdisho inta lagu jiro xilligan kala guurka ah, kaddib markii uu dhawaan madaxweynuhu xilka ka qaaday maareeyaha.

5/9/2012 3:40 AM EST
Arbaco, May 09, 2012 (HOL) — Guddoomiyaha majmaca culummada Soomaaliyeed, Sheekh Axmed Dhicisoow ayaa sheegay in maalinta Jimcaha ah ee soo socota uu Muqdisho ka dhici doono dibabax looga soo horjeedo dastuurka cusub ee Somalia oo uu muran badan ka taagan yahay.

5/9/2012 3:30 AM EST
Arbaco, May 09, 2012 (HOL) — Kooxo hubeysan ayaa xalay laba qof ku toogtay degmada degmada Dharkeynley ee gobolka Banaadir, sidoo kalena waxaa xalay uu qarax miino ka dhacay waddada soddobka gaar ahaa inta u dhexeysa isgoysyada Black Sea iyo Baar Ubax, waxaana halkaas ku dhintay ruux la sheegay inuu aasayay miinada.