3/29/2024
Today from Hiiraan Online:  _
Wararka Maanta- Khamiis, May 3 , 2012
Wasiirka Arrimaha Gudaha iyo Ammaanka Qaranka Dowladda Soomaaliya oo xariga ka jaray Barnaamijyo lagu xasilinayo Muqdisho

Khamiis, May 03, 2012 (HOL) — Wasiirka arrimaha gudaha iyo ammaanka Qaranka DKMG ah ee Soomaaliya, C/samad Macallin Maxamuud ayaa maanta si rasmi ah xariga uga jaray barnaamijka xasilinta Muqdisho oo ay iska kaashanayaan hay’adda Mareykanka u qaabilsan horumarinta caalamiga (USAID) iyo hay’adda Ingiriiska (UK) u qaabilsan horumarinta dibadda (DFID), iyadoo barnaamijkan lagu taageerayo $9.5 malyuun oo ah deeq ka timid dowladaha Mareykanka iyo UK.

Saraakiisha dowladda KMG ah oo isugu jiray kuwa heer qaran, gobol iyo madaxda degmooyinka ayaa la shaqeynayay gudiyada nabadda ee 16-ka degmo ee Muqdisho si ay u soo diyaariyaan mashaariic bulshada loo hirgelinayo.

Mashaariicdaas oo ay taageerayaan USAID iyo DFID, Soomaaliduna ay u bixiyeen "Dan-Guud", waxaa loogu talo galay inay sare u qaadaan xasilinta xarunta dalka Soomaaliya ee Muqdisho iyo dib-u-heshiisinta.

Barnaamijyadan waxay qayb ka yihiin iskaashiga u dhexeeya USAID, DFID iyo TFG-da ee hawlaha xasilinta, si loo dhiirri-geliyo dhisidda aragti-mideysan oo heer degmo ah oo loo marayo horumarinta heer degmo kuwaasoo abuuri kara saameyn deg-deg ah.

Hawlaha la qabanayo waxaa soo doortay iyadoo heshiis lagu yahay guddiyada nabada degmooyinka gobolka Banaadir iyo xubnihii ka socday bulshada waxayna isugu jiri karaan bannaynta wadooyinka xirmay, iftiiminta waddooyinka, dhisid iyo dayactir ama munaasabadaha bulshada.

"Waxaan u aragnaa barnaamijka Dan-Guud inuu yahay mashruucii ugu weynaa ee laga hirgeliyo Muqdisho muddooyinkii dhawaa… Dowladda Soomaaliya yididdiilo ayay u tahay dadaalka USAID iyo DFID wayna ka mahad-naqaysaa deeqdaas. Waxaan filaynaa inaan aragno mustaqbalka dhow barnaamijyo caynkan oo kale ah oo laga fuliyo dibadda Muqdisho," ayuu yiri wasiir arrimaha gudaha Soomaaliya, Cabdisamad Macallin.

Guddoomiyaha gobolka Banaadir, Maxamuud Axmed Nuur (Tarsan) oo isaguna ka hadlay ayaa yiri: "Anigoo ku hadlaya magaca dadka Muqdisho, waxaan jeclaan lahaa inaan si kal iyo laab ah ugu mahadceliyo USAID iyo DFID mashaariicda kala duwan ee degmooyinka Muqdisho ay ku maal-gelinayso. Waxaan hubaa in Dan-Guud ay ka caawin doonto sidii magaaladu ay uga kici lahayd dambaska."

USAID iyadoo garabsanaysa dadka Soomaaliyeed waxay inka badan $300 oo malyuun oo gargaar ah ku bixisay tan iyo sanadkii 2011-dii si loo caawiyo baahida dhinacyada gargaarka, nabadda iyo soo-kabsashada.
Barnaamijka DFID ee gargaarka Soomaaliya wuxuu qorsheynayaa inuu ku qarash-gareeyo cel-celis ahaan sanadkiiba £69 Malyuun oo lacagta Ingiriiska ah tan iyo sanadka 2015-ka, taasoo dhiirri-gelinaysa xasiloonida mudada fog isla markaana si toos ah u horumarinaysa nolosha dadka saboolka ah ee Soomaaliyeed.

Labada dal ee Mareykanka iyo Ingiriisku waxay aaminsan yihiin in guulo waaewyn laga gaari xaslinta dalka Soomaaliya, si dadka Soomaaliyeed iyo ay u helaan xilliga dhow xasiloonida iyo nabad.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
5/3/2012 12:42 PM EST
Khamiis, May 03, 2012(HOL): Xaflad si aad u heer sarraysa loo soo agaasimay laguna soo dhawaynayey Cayaaryahanaddii weyneyd ee kooxda Muqdisho, iyo Xulka Qranka K/Kolayga soomaaliyeed Luul Cusmaan Sabriye ayaa lagu qabtay Magaalada Stockholm ee caasimadda dalka Sweden.

5/3/2012 9:16 AM EST
Khamiis, May 03, 2012 (HOL) — Ra’iisul wasaaraha Soomaaliya, Cabdiweli Maxamed Cali ayaa maanta kulan la qaatay qeybaha kala duwan ee bulshadda Soomaliyeed; sida ururada, xubno ka tirsan culumaa’udiinka Ahlusunna iyo dhalinyaradda.

5/3/2012 8:57 AM EST
Khamiis, May 03, 2012 (HOL) — Hay'adaha samofalka ee HARO iyo WAMY ayaa ugu qaybiyay maanta oo Khamiis ah ugu qaybiyay Muqdihso 450-qoys oo barakacayaal ah gargaar isugu jiray dhar, raashin iyo caano-boore.

5/3/2012 8:42 AM EST
Khamiis, May 03, 2012 (HOL) — Guddidda Diiwaangelinta ururadda Siyaasadda iyo ansixinta axsaabta Somaliland, ayaa sheegay sagaalka urur ee qiimeynta ku hadhay in aanay buuxin shuruudihii laga rabay,isla markaana ay ka xun yihiin eeddaha ay usoo jeediyeen ururadaasi hadhay.

5/3/2012 8:39 AM EST
Khamiis, May 03, 2012 (HOL) — Xukuumadda Soomaaliya ayaa waxay waddaa qorshe ay isugu diyaarinayso inay xukunka ku wareejiso dowlad lasoo doortay marka la gaaro bisha Ogoosto ee sannadkan, markaasoo ay dhammaanayso xilliga dowladda KMG ah ay shaqeynayso.

5/3/2012 8:01 AM EST
Khamiis, May 03, 2012 (HOL) — Kulankan oo lagu qabtay hotel Saxafi ee Muqdisho ayaa waxaa kasoo qaybgalay waxgarad, suldaanno, dhallinyaro isugu jiray gabdho iyo wiilal iyo dad waayeel ah, waxaana looga hadlayay xoojinta nabadda iyo sidii ay Soomaaliya ku heli lahayd nabad.

5/3/2012 7:18 AM EST
Khamiis, May 03, 2012 (HOL) — Maalinta xoriyatul qawlka aduunka ayaa si weyn loogu xusay magaaladda Hargeysa ee Somaliland, kaas oo ay ka soo qaybgaleen suxufiyiinta ka hawlgalla magaaladda Hargeysa iyo masuuliyiin ka tirsan xukuumadda iyo xisbiga muxaafadka ah ee KULMIYE.

5/3/2012 7:16 AM EST
Khamiis, May 03, 2012 (HOL) — Ciidamada dowladda KMG ah ee Soomaaliya ayaa maanta is-hortaag ku sameysay shir ay Muqdihso ku yeelan lahaayeen siyaasiyiin iyo xildhibaanno kasoo horjeeda dowladda KMG ah, kuwaasoo uu ku jiray Sheekh Yuusuf Maxamed Siyaad (Indha-cadde).

5/3/2012 1:46 AM EST
Khamiis, May 03, 2012 (HOL) — Dowladda KMG ah ee Soomaaliya ayaa sheegtay in aan Muqdisho lagu qaban karin shirar aan lagu soo wargelin wasaaradda arrimaha gudaha iyo ammaanka Qaranka ee dowladda KMG ah.

5/3/2012 1:38 AM EST
Khamiis, May 03, 2012 (HOL) — Kooxo hubeysan ayaa xalay ku toogtay xaafadda garsoor ee waqooyiga degmada Gaalkacyo ee gobolka Mudug suxufi u shaqeynayay idaacadda Daljir oo lagu magacaabi jiray, Farxaan Jeemis Cabdulle xilli uu ka tagay goobtiisa shaqo uuna kusii socday gurigiisa.

5/3/2012 1:29 AM EST
Khamiis, May 03, 2012 (HOL) — Xoogagga Xarakada Al-shabaab ayaa la wareegay gacan ku haynta deegaanka Goobo oo ka tirsan degmada Maxaas ee gobolka Hiiraan gallinkii dambe ee shalay kaddib dagaal muddo kooban socday oo tuuladaas ku dhexmaray xoogagga Al-shabaab iyo kuwa Ahlusunna oo halkaas ku sugnaa.