3/29/2024
Today from Hiiraan Online:  _
Wararka Maanta- Isniin, May 28, 2012
AMSIOM oo sheegtay inay sugtay Ammaanka Deegannada ku yaalla inta u dhexeysa Muqdisho iyo Degmada Afgooye

Isniin, May 28, 2012 (HOL) — AMISOM ayaa sheegtay in ciidamadooda iyo kuwa DKMG ah oo iskaashanaya ay sugeen ammaanka deegaannada ku yaalla inta u dhexeysa magaalada Muqdisho iyo degmada Afgooye ee gobolka Shabeellada Hoose.

Ciidamada dowladda KMG ah iyo kuwa AMISOM ayaa waxay deegaannada iyo weliba degmada Afgooye kala wareegeen xoogagga Al-shabaab oo muddo saddex sano ka badan ka talinayay kaddib dagaallo socday muddo saddex maalmood ah.

"Howgalkan wadajirka ah waxay ciidamadeenna iyo kuwa dowladdu ku qabsadeen deegaannada Ceelasha-biyaha oo ahayd goobaha ay ka talinaysay Al-shabaab iyo degmada Afgooye oo 30-km u jirta Muqdisho," ayaa lagu yiri warsaxaafadeed ay Axaddii shalay soo saartay AMISOM.

Warsaxaafadeedka ayay sidoo kale ku sheegtay AMISOM in hadda ay hay'adaha samafalku ka shaqeyn karaan deegaannadaas, iyadoo la xusuusto in Al-shabaab ay horay uga joojiyeen hay'adaha samofalka inay caawiyaan 400,000 oo barakacayaal ah oo ku noolaa deegaannadaas.

Dadkii deegaannadan ku noolaa oo horay uga barakacay dagaallo ciidamadii TFG-da iyo kuwii Itoobiya ku dhexmarayay magaalada Muqdisho sannadihii 2007 illaa 2008 ayaa cabsi awgeed uga barakacay maalmihii ay dagaalladii u dhexeeya AMISOM, cioidamada DKMG ah iyo xoogagga Al-shabaab.

Hay'adda Qaramada Midoobay u qaabisan Qoxootiga ee UNCHR ayaa sheegtay in 9,200 oo qof ay ku barakaceen dagaalladii ay ciidamada DKMG ah iyo kuwa AMISOM ay ku qabsadeen degmada Afgooye.

"Howgalkii toddobaadka qaatay... wuxuu ahaa mid lagu xoreynayay dadka shacabka ah ee ku nool inta u dhexeysa Muqdisho iyo Afgooye, si fusad loogu siiyo hay'adaha gargaarku inay tagaan deegaannadaas oo ay caawiyaan dadkaas," ayaa lagu yiri warsaxaafadeedka ay AMISOM soo saartay.

Deegaannada u dhexeeya Muqdisho iyo Afgooye oo ay ka mid yihiin, Ceelasha, Lafoole iyo Xaawo Cabdi ayaa waxaa hadda gacanta ku haya ciidamada DKMG ah iyo kuwa AMISOM iyagoo ka sameysay saldhigyo waaweyn.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
5/28/2012 7:57 AM EST
Isniin, May 28, 2012 (HOL) — Maamulka Puntland ayaa sheegay in ciidamadooda ammaanku xirneen 11-burcadbadeed Soomaaliyeed ah, kuwaasoo watay hub isugu jira qoryaha fudud, kuwa culus iyo gaari.

5/28/2012 7:49 AM EST
Isniin, May 28, 2012 (HOL) — Qarax weyn oo ka dhacay magaalada Nairobi ee xarunta dalka Kenya ayaa waxaa ku dhaawacmay 35-qof oo shan ka mid ah la sheegay in dhaawacyadoodu yihiin kuwo culus.

5/28/2012 6:40 AM EST
Isniin, May 28, 2012 (HOL) — Madaxweynaha Somaliland, Axmed Maxamed Maxamuud (Siilaanyo) ayaa dhagax dhigay Madaarka Caalamiga ah Cigaal ee magaaladda Hargaysa oo laga bilaabay hawl dib loogu hagaajinayo madaarka, isla markaana laga dhigayo mid casri ah oo la jaanqaada madaarada caalamiga ah ee aduunka.

5/28/2012 6:38 AM EST
Isniin, May 28, 2012 (HOL) — Warar goor dhaw naga soo gaaray degmada Cadaado ee gobolka Galguduud ayaa sheegaya in dagaal khasaare sababta uu dhex-martay xoogag ka kala tirsan Ahlusunna Waljameeca iyo maamulka Ximin iyo Xeeb oo ka dhisan bartamaha Soomaaliya.

5/28/2012 6:34 AM EST
Isniin, May 28, 2012 (HOL) — Ra'iisul wasaaraha Soomaaliya, C/weli Maxamed Cali ayaa maanta oo Isniin ah kula kulmay magaalada Nairobi ee dalka Kenya dhiggiisa dalkaas, Raila Odinga iyagoo kawada hadlay arrimo ay ka mid yihiin xiriirka labada dal, arrimaha amniga iyo howlgallada ka socda Soomaaliya oo ay ciidamada Kenya qaybta ka yihiin.

5/28/2012 6:24 AM EST
Isniin, May 28, 2012 (HOL) — Ciidamada dowladda KMG oo garab ka helaya kuwa Kenya iyo Xarakada Al-shabaab ayaa saaka aroortii ku dagaalamay deegaanka Qooqaani ee gobolka Jubada Hoose, iyadoona dagaalkaasi uu ahaa mid aad u culus oo ay labada dhinac isu adeegsanayeen hubka noocyadiisa kala duwan.

5/28/2012 3:59 AM EST
Isniin, May 28, 2012 (HOL) — Kooxo bastoolado ku hubeysan ayaa xalay ku dilay degmada Wardhiigley ee gobolka Banaadir mid ka mid ah guddoomiye waaxeedyada maamulka degmadaas, iyadoo dilkan uu imaanayo xilli ay ciidamada dowladda KMG ah iyo kuwa AMISOM qabsadeen degmada Afgooye oo 30-km u jirta Muqdisho.

5/28/2012 3:38 AM EST
Isniin, May 28, 2012 (HOL) — Afhayeenka Xarakada Al-Shabaab, Sheekh C/casiis Abuu-Muscab oo la hadlay idaacadda ku hadasha afka Al-shabaab ee Andulus ayaa sheegay inuu weji cusub galay dagaalka ay kula jiraan ciidamada AMISOM iyo kuwa DKMG ah ee Soomaaliya.

5/28/2012 3:26 AM EST
Isniin, May 28, 2012 (HOL) — Wasiirka arrimaha dibadda ee dalka Turkiga, Ahmet Davutoğlu ayaa sheegay in Turkiga aysan wax dano dhaqaale iyo mid siyaasadeed ah ka lahayn Soomaaliya, sidoo kalena aysan u arag meel ay khatar weyn oo dhinaca ammaanka ah ka jirto.