3/28/2024
Today from Hiiraan Online:  _
Wararka Maanta- Arbaco, May 2 , 2012
Badow xalay ka dhaqan galay Degmada Dhuusa-mareeb ee Gobolka Galguduud kaddib Ismiidaamintii shalay ka dhacay

Arbaco, May 02, 2012 (HOL) — Magaalada Dhuusa-mareeb ee xarunta u ah gobolka Galguduud ayaa saakay ku waabariisatay Bandow galinkii danbe ee shalay ku soo rogeen maamulka Ahlu Sunna Waljameeca kaddib weerarkii Ismiidaaminta ahaa ee shalay ka dhacay.

Mas’uuliyiinta maamulka Ahlu Sunna Waljameeca ayaa sheegay in Bandowga lagu soo rogay degmada Dhuusa-mareeb uu ahaa mid lagu xaqiinayo amaanka degmada, iyadoo la mamnuucay isku socodka dadka iyo gadiidka.

Maalintii shalay galinkii danbe ayaa qof naftiis hure ah waxaa uu weerar ku qaaday goob maqaaxi ah oo ay fadhiyeen mudanayaal ka tirsan baarlamaanka Soomaaliya iyo rag siyaasiyiin ah oo maalmihii ugu danbeeyayba socdaal ku marayay qeybo ka mid ah gobollada dhexe, waxaana weerarkaa ku naf-waayay Shan ruux oo ay ka mid ahaayeen xildhibaan Yuusuf Mirre Seeraar iyo xildhibaan C/wali Shiikh Max’ed Aw- Max’uud.

Sidoo kale waxaa weerarkaasi ku dhaawacmay Siyaasiga Axmed C/salaan Xaaji Aadan oo horkacayay wafdiga ama mas’uuliyiinta maalintii shalay weerarka lagu qaaday, waxaana sidoo kale halkaa iyagana ku dhaawacmay xildhibaan Gen C/risaaq Isaaq Biixi iyo xildhibaan Xusseen Samatar.

Daahir Amiin Jeesoow oo ka mid ah mudanayaasha baarlamaanka oo goob-joog u ahaa dhacdadii shalay ayaa sheegay in uu arkayay qof weerarka Ismiidaaminta ah geystay ka hor inta uusan is qarxin.

"Anniga waxaa ay Idhaheygu qabteen wiil dhalinyarro ah oo laamiga soo goynaya, dhinaceena ayuu u soo dhaqaaqay, waxaa uu afka ku sitay Khaad, meel aan naga fogeyn ayuu soo istaagay, kadibna waxaan ka war-helay isaga oo mar kaliya ku dhawaaqaya Allaahu Akbar qaraxa ayaana dhacay," ayuu yiri xildhibaan Daahir Amiin Jeesow.

Waxaa uu intaa ku darray xildhibaanka in maanta la aasayo mudanayaashii baarlamaanka iyo dadkii kale ee  ku dhintay weerarkaas, waxaana uu amaan u soo jeediyay ciidamada maamulka Ahlu Sunna Waljameeca oo uu sheegay in ay ku dadaalayeen sugida amaanka kadib markii uu qaraxu dhacay.

Dadka ku dhaqan degmada Dhuusa-mareeb ayaa sheegay in weerarka ka dhacay shalay degmada Dhuusa-mareeb uu ahaa kii ugu horeeyay ee ka dhacay degmada, maadaama ay markii hore dhagta uun ka maqli  jireen weerarada noocaas oo kale ah.

C/raxmaan Diini, Hiiraan Online
[email protected]
Beledweyne, Soomaaliya













Click here
5/2/2012 11:15 AM EST
Arbaco, May 02, 2012(HOL): Guddoomiyaha Guddiga Fulinta Ahlu Sunna Waljamaaca ee Gobollada Dhexe Maxamed Yuusuf Xeefow ayaa sheegay in dhaawacyadii ka dhashay qaraxii shalay ka dhacay Dhuusamareeb loo qaaday Magaalada Addis Ababa ee dalka Itoobiya.

5/2/2012 8:59 AM EST
Arbaco, May 02, 2012 (HOL) — Guddoomiyaha gobolka Banaadir ahna duqa Muqdisho, Maxamuud Axmed Nuur (Tarsan) iyo wafdi uu hoggaaminayo ayaa dib ugu soo laabtay Muqdisho maanta, kaddib markii ay safar shaqo ku tageen dalka Uganda.

5/2/2012 8:51 AM EST
Arbaco, May 02, 2012 (HOL) — Axmed C/salaan Xaaji Aadan oo ka mid ahaa dadkii ay dhaawacyada culus kasoo gaareen qaraxii ismiidaaminta ahaa ee shalay ka dhacay degmada Dhuusomareeb ee gobolka Galguduud ayaa sheegay in weerarkii lagu dhaawacay uusan ka leexin doonin hadafkiisa.

5/2/2012 8:34 AM EST
Arbaco, May 02, 2012(HOL): Maalinta Khamiista ah oo bisha May ay tahay 3, sannadka 2012 waxaa loo dareerayaa doorashada duqa magaalada iyo golaha deegaanka ee London. Axsaab badan iyo dad iskood u tagaan ayaa u sharaxan jagooyinka, balse labada shaqsi ee ugu cad cad iminka waa Duqa jagada haya iminka oo ka socda xisbiga Muxaafidka ah (Conservative) Boris Johnson iyo duqii ugu horreeyey ee la doorto kaddib markay London qaadatay habkan doorashada tooska ah ee duqa magaalada oo ka socda xisbiga Shaqaalaha (Labour) Ken Livingstone.

5/2/2012 8:20 AM EST
Arbaco, May 02, 2012 (HOL) — Diyaarad gaar ah ayaa maanta kasoo qaadday degmada Baydhabo ee gobolka Bay 27-xubnood oo ka mid ah xildhibaannada uga qaybgalaya gobollada Bay iyo Bakool shirka ansixinta dastuurka DKMG ah ee bishan lagu qabanayo magaalada Muqdisho.

5/2/2012 8:09 AM EST
Arbaco, May 02, 2012 (HOL) — Madaxweynaha Soomaaliya, Sheekh Shariif Sheekh Axmed ayaa wareegto uu soo saaray maanta oo Arbaco ah wuxuu ku magacaabay xilka ra’iisul wasaare ku xigeen ahna wasiirka wasaaradda beeraha, xannaanada xoolaha, dhirta iyo daaqa dowladda KMG ah ee Soomaaliya.

5/2/2012 7:48 AM EST
Arbaco, May 02, 2012 (HOL) — Hay’adda Caruurta Dunida ee UNICEF ayaa warbixin ay soo saartay ku sheegtay in kumannaan caruur Soomaaliyeed ay khatar ugu jiraan inay dhintaan kaddib nafaqo-darro xooggan oo ku habsatay, iyadoo xustay in lacag la’aan awgeed aysan caawin karin.

5/2/2012 7:19 AM EST
Arbaco, May 02, 2012 (HOL) — Taliye cusub oo lagu magacaabo, Jen. Andrew Gutti ayaa maanta si rasmi ah ula wareegtay taliska ciidamada Midowga Afrika AMISOM ee ku sugna Soomaaliya, kaddib xaflad xilka lagu kala wareegsanayay oo maanta ka dhacday xarunta AMISOM ee Xalane.

5/2/2012 7:14 AM EST
Arbaco, May 02, 2012 (HOL) — Xaflad uu kasoo qaybgalay wasiirka gaashaandhiga ee Soomaaliya Xusseen Carab Ciise oo ka dhacday magaalada Nairobi ayaa shahaado sharaf lagu gudoonsiiyay danjiraha Soomaaliya u fadhiya dalka Kenya Maxamed Cali Nuur (Ameerika).

5/2/2012 6:28 AM EST
Arbaco, May 02, 2012 (HOL) — Magaalada Addis Ababa ee dalka Itoobiya ayaa la geeyay maanta dhaawacyada, Axmed C/salaan Xaaji Aadan, Xildhibaan Xuseen Samatar Warsame, wariye Bashiir Maxamed Salaad (Sanka) iyo afar qof oo shacab ah kuwaasoo ku dhaawacmay qaraxii shalay ka dhacay degmada Dhuuso-mareeb ee gobolka Galguduud.

5/2/2012 6:10 AM EST
Arbaco, May 02, 2012 (HOL) — Wafdi ka socda xisbiga Hiil Qaran oo ay hogaaminayaan xubno sare oo ka tirsan xisbigaasi ayaa booqasho ku tagay xeryaha qaxootiga ee Dhadhaab.

5/2/2012 3:11 AM EST
Arbaco, May 02, 2012 (HOL) — Ra’iisul wasaaraha xukuumadda Soomaaliya, C/weli Maxamed Cali ayaa haweenka Soomaaliyeed kala hadlay hirgelinta Roadmap-ka, ansixinta dastuurka cusub iyo dhismaha baarlamaanka kaddib kulan uu xalay kula yeeshay xafiiskiisa.

5/2/2012 2:53 AM EST
Arbaco, May 02, 2012 (HOL) — Xarakada Al-shabaab ayaa sheegtay in weerarkii ka dhacay degmada Dhuuso-mareeb ee gobolka Galguduud uu fuliyay dagaalyahan ka tirsan xoogaggooda uuna ahaa mid ay uga hor-tagayeen shirqool ay maleegayeen xildhibaannadii halkaas ku sugnaa.

5/2/2012 2:38 AM EST
Arbaco, May 02, 2012 (HOL) — Xidlhibaannadii ku dhaawacmay weerarkii ka dhacay degmada Dhuuso-mareeb ee gobolka Galguduud ayaa lagu wadaa in maanta loo qaado dalka Itoobiya si halkaas loogu soo daweeyo.