5/26/2022
Today from Hiiraan Online:  _
Wararka Maanta- Sabti, Jun 9 , 2012
Dagaalyahanno taabacsan Dowladda KMG Soomaaliya oo sheegay inay ku dhow yihiin Magaalada Kismaayo ee Gobolka Jubbada Hoose


Sabti, June 09, 2012 (HOL) — Afhayeenka dagaalyahannada taageersan DKMG ah ee Raaskambooni, Cabdinaasir Seeraar Maax ayaa sheegay in xoogaggooda oo gacan ka helaya ciidamada dowladda KMG ah iyo kuwa Kenya oo ka tirsan AMISOM ay ku dhow yihiin magaalada Kismaayo ee xarunta gobolka Jubbada hoose.

C/naasir Seeraar wuxuu sheegay in Al-shabab ay dadka deegaanka hubeynayaan si ay u difaacaan magaalada haddii dagaalku gaaro, isagoo xusay in go'aankood uu yahay inay maalmaha soo socda degmadaas qabsadaan.

"Ciidamada isbahaysanaya waxay hadda ku sugan yihiin deegaanka Biibi oo 75-km u jirta Kismaayo, waxaana qorshaheennu inaan toddobaadyada soo socda gudaha u galno magaalada Kismaayo," ayuu yiri afhayeenka Raaskambooni oo VOA-da u warramayay.

Kumannaanka kun qof ee ku nool magaalada Kismaayo ayaa aad uga walaacsan xaaladda dagaal ee ku wajahan Kismaayo, iyadoo dhawaan ay magaaladaas duqeyn u geysteen maraakiib dagaal oo ay Kenya leedaahy.

Afhayeenka Raaskabooni ayaa sheegay inay si aad ah ula socdaan xalaadda gudaha Kisamayo ka jirta, isagoo xusay in wararka ay helayaan ay sheegayaan in Al-shabaab ay cuqaasha ku dhiirrigelinayaan inay dagaalamaan.

"Hoggaamiyeyaasha Al-shabaab waxay la kulmeen waxgaradka beelaha waxayna u sheegeen inay hubka qaataan ayna ka qaybqaataan dagaalka lagu difaacayo magaalada Kismaayo," ayuu Seeraar hadalkiisa ku daray, isagoo xusay inay iyagu rumeysan yihiin inay ka baxayaan Kismaayo.

Dhanka kale, wararka laga helayo magaalada Kismaayo ayaa waxay sheegayaan in Al-shabaab ay saldhigyo difaacyo ah ka sameysteen deegaanka Birta-dheer oo dhinaca galbeed kaga beegan magaalada Kismaayo, halkaasoo uu maro jidka isku xira magaalada Kismaayo iyo degmada Afmadow.

Birta Dheer ayaa ah goob muhiim u ah Al-shabaab, haddii laga qabsado aad ayay u adkaanaysaa inay difaacdaan magaalada Kismaayo ee xarunta Jubbada hoose oo la sheegay inay ka helaan dhaqaale badan.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
6/9/2012 8:00 AM EST
Sabti, June 09, 2012 (HOL) — Wasiir ku xigeenka wasaaradda gaadiidka cirka, dhulka iyo dekedaha dowladda KMG ah ee Soomaaliya, Cabdiraxmaan Kulmiye Xirsi (C/raxmaan Dheere) ayaa sheegay in muddo kooban lagu xiray magaalada Berbera ee Somaliland ayna si xun ula dhaqmeen maamulka garoonka diyaaradaha iyo ciidamadii xiray.

6/9/2012 7:53 AM EST
Sabti, June 09, 2012 (HOL) — Magaalada Beledweyne ee xarunta gobolka Hiiraan ayaa waxaa bilihii ugu dambeeyayba ka jiray ugu yaraan isku-day ay doonayaan hay’addaha samafalka ee ka howlgala Beledweyne in ay ku caawiyaan dadka jilicsan gaar ahaan caruurta iyo haweenka aan mudada dheer helin gargaarkii ay u baahnaayeen.

6/9/2012 6:58 AM EST
Sabti, June 09, 2012 (HOL) — Ciidammo Itoobiyaan ah oo wata gaadiid dagaal oo fara badan ayaa maanta soo buuxiyay degmada Luuq ee gobolka Gedo, halkaas oo ay gacanta ku hayaan ciidamada dowladda Soomaaliya.

6/9/2012 6:38 AM EST
Sabti, June 09, 2012 (HOL) — Kulankan oo lagu taageerayey shirkii dhawaan lagu qabtay dalka Turkiga ee looga arinsanayey aayaha Soomaaliya, ayaa waxaa ka soo qeybgalay kala dad kala duwan oo isugu jira aqoon-yahano, siyaasin, cuqaal iyo waliba qeybaha ee bulshada Soomaalida ah ee ku dhaqan gobolka Minnesota.

6/9/2012 6:35 AM EST
Sabti, June 09, 2012 (HOL) — Iska-horimaadkan ayaa yimid kaddib markii xoogag ka tirsan Al-shabaab ay saaka weerareen fariisimo ay ciidamada dowladda KMG, kuwa Raaskaambooni iyo ciidamada Kenya ay ku lahaayeen duleedka degmada Afmadow ee gobolka Jubbada Hoose.

6/9/2012 3:34 AM EST
Sabti, June 09, 2012 (HOL) — Xaaladda caafimaad ee wariye Maxamed Shariif oo ka mid ah wariyeyaasha u shaqeeya idaacadda Bar-Kulan oo xalay lagu dhaawacay Muqdisho ayaa soo wanaagsaneysa.

6/9/2012 3:22 AM EST
Sabti, June 09, 2012 (HOL) — Maxamed Cumar Xabeeb (Maxamed Dheere) oo soo qabtay xilka guddoomiyaha gobolka Banaadir iyo duqa Muqdisho ayaa lacagihii la dul-dhigay saraakiisha Al-shabaab ku sheegay inuu soo dhaweynayo; isagoo ku tilmaamay mid guul u ah Soomaaliya iyo calaamka oo dhan.

6/9/2012 3:19 AM EST
Sabti, June 09, 2012 (HOL) — Sheekh Fu'aad Maxamed Khalaf (Shan-gole) oo ka mid ahaa toddoba xubnood oo hoggaanka Al-shabaab ka tirsan ee Mareykanku uu sheegay inuu malaayiin dollar ku bixinayo xogtooda ayaa hadlalkaas ka jawaabay, isagoo sheegay in iyaguna ay xoolo nool ku bixniayaan xogta ku saabsan madaxda Mareykanka.