5/26/2022
Today from Hiiraan Online:  _
Wararka Maanta- Sabti, Jun 9 , 2012
Xaaladda Caafimaad ee Wariye Shariifka oo oo soo hagaagaysa kaddib dhaawac xalay loogu geystay Magaalada Muqdisho

Sabti, June 09, 2012 (HOL) — Xaaladda caafimaad ee wariye Maxamed Shariif oo ka mid ah wariyeyaasha u shaqeeya idaacadda Bar-Kulan oo xalay lagu dhaawacay Muqdisho ayaa soo wanaagsaneysa.

Wariyaha oo xalay lagu weeraray degmada Xamar-jajab xilli uu ku socday gurigiisa ayaa waxaa ku dhacay laba xabbadood, kuwaadoo middoo ay uga dhacday laabta halka midda kalena ay uga dhacday caloosha.

"Xaaladda caafimaad ee Wariye Shariifka way soo wanaagsanaysaan, waxaana laga saaray beer-yarada," ayuu yiri mid ka mid ah suxufiyiintii kale oo isbitaalka geeyay Shariifka, iyadoo miyirka wariyuhu uu joogo.

Maxamed Shariif ayaa wuxuu noqonayaa wariyihii labaad oo Muqdisho lagu weeraro kana badbaada isku day dil oo lagu qaarijin lahaa, iyadoo wariyihii ka horreeyay oo ahaa Muxyadiin Xusni oo Idaacadda Shabeelle ka tirsanaa ay laabta la saftay mid ka mid ah rasaas lagu furay oo la doonayay in lagu dilo.

"Saddex nin ayaa weerartay Maxamed Shariif waxayna doonayeen inay dilaan, balse markii xabbadaha ku billaabeen ayuu baxsaday, taasna waxay keentay in laba ka mid ah 10-xabbadood oo lagu furay ay ku dhacaan," ayaa laga soo xigtay dadkii ku sugnaa goobta lagu weeraray wariyaha.

Ma jirto cid sheegatay inay mas'uul ka tahay weerarka, iyadoo wararka qaarkood ay sheegayaan in kooxaha wariyaha weeraray ay ciidammo ka tirsan kuwa DKMG ah rasaas aan waxyeello u geystan ku fureen.

Magaalada Muqdisho ee xarunta Soomaaliya ayaa waxaa lagu dilay sannadkan oo kaliye saddex wariye oo wariyihii ugu dambeeyay la dilay dhammaadkii bishii lasoo dhaafay ee May, taasoo muujinaysa khatarta ay ku jiraan wariyeyaasha ka howl-gala.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
6/9/2012 8:00 AM EST
Sabti, June 09, 2012 (HOL) — Wasiir ku xigeenka wasaaradda gaadiidka cirka, dhulka iyo dekedaha dowladda KMG ah ee Soomaaliya, Cabdiraxmaan Kulmiye Xirsi (C/raxmaan Dheere) ayaa sheegay in muddo kooban lagu xiray magaalada Berbera ee Somaliland ayna si xun ula dhaqmeen maamulka garoonka diyaaradaha iyo ciidamadii xiray.

6/9/2012 7:53 AM EST
Sabti, June 09, 2012 (HOL) — Magaalada Beledweyne ee xarunta gobolka Hiiraan ayaa waxaa bilihii ugu dambeeyayba ka jiray ugu yaraan isku-day ay doonayaan hay’addaha samafalka ee ka howlgala Beledweyne in ay ku caawiyaan dadka jilicsan gaar ahaan caruurta iyo haweenka aan mudada dheer helin gargaarkii ay u baahnaayeen.

6/9/2012 6:58 AM EST
Sabti, June 09, 2012 (HOL) — Ciidammo Itoobiyaan ah oo wata gaadiid dagaal oo fara badan ayaa maanta soo buuxiyay degmada Luuq ee gobolka Gedo, halkaas oo ay gacanta ku hayaan ciidamada dowladda Soomaaliya.

6/9/2012 6:38 AM EST
Sabti, June 09, 2012 (HOL) — Kulankan oo lagu taageerayey shirkii dhawaan lagu qabtay dalka Turkiga ee looga arinsanayey aayaha Soomaaliya, ayaa waxaa ka soo qeybgalay kala dad kala duwan oo isugu jira aqoon-yahano, siyaasin, cuqaal iyo waliba qeybaha ee bulshada Soomaalida ah ee ku dhaqan gobolka Minnesota.

6/9/2012 6:35 AM EST
Sabti, June 09, 2012 (HOL) — Iska-horimaadkan ayaa yimid kaddib markii xoogag ka tirsan Al-shabaab ay saaka weerareen fariisimo ay ciidamada dowladda KMG, kuwa Raaskaambooni iyo ciidamada Kenya ay ku lahaayeen duleedka degmada Afmadow ee gobolka Jubbada Hoose.

6/9/2012 3:55 AM EST
Sabti, June 09, 2012 (HOL) — Afhayeenka dagaalyahannada taageersan DKMG ah ee Raaskambooni, Cabdinaasir Seeraar Maax ayaa sheegay in xoogaggooda oo gacan ka helaya ciidamada dowladda KMG ah iyo kuwa Kenya oo ka tirsan AMISOM ay ku dhow yihiin magaalada Kismaayo ee xarunta gobolka Jubbada hoose.

6/9/2012 3:22 AM EST
Sabti, June 09, 2012 (HOL) — Maxamed Cumar Xabeeb (Maxamed Dheere) oo soo qabtay xilka guddoomiyaha gobolka Banaadir iyo duqa Muqdisho ayaa lacagihii la dul-dhigay saraakiisha Al-shabaab ku sheegay inuu soo dhaweynayo; isagoo ku tilmaamay mid guul u ah Soomaaliya iyo calaamka oo dhan.

6/9/2012 3:19 AM EST
Sabti, June 09, 2012 (HOL) — Sheekh Fu'aad Maxamed Khalaf (Shan-gole) oo ka mid ahaa toddoba xubnood oo hoggaanka Al-shabaab ka tirsan ee Mareykanku uu sheegay inuu malaayiin dollar ku bixinayo xogtooda ayaa hadlalkaas ka jawaabay, isagoo sheegay in iyaguna ay xoolo nool ku bixniayaan xogta ku saabsan madaxda Mareykanka.