3/29/2024
Today from Hiiraan Online:  _
Wararka Maanta- Talaado, Jun 26, 2012
Wafdi ka socda Ururka Midowga Afrika, IGAD, Mareykanka iyo AMISOM oo Booqday Magaalada Baydhabo ee Gobolka Bay

Talaado, June 26, 2012 (HOL) — Wafdi ka socday Ururka Midowga Afrika, IGAD, AMISOM oo ay ku jireen saraakiil ka socda dalka Sierra Leone iyo Mareykanka ayaa maanta booqasho ku tagay magaalada Baydhabo ee xarunta gobolka Bay iyagoo kulammo la yeeshay saraakiisha ciidamada iyo xubnaha bulshada rayidka ah.

Xubnaha wafdigan oo ay wehliyeen saraakiil Soomaali ah ayaa waxay sheegeen in socdaalkooda uu salka ku hayo sidii ay ugu kuurgeli lahaayeen amaanka degmada ka jira, iyagoo sheegay in wax laga qaban doono degmooyinka kale ee ay weli ku sugan yihiin xoogagga Al-shabaab.

Saraakiishan ayaa waxay si gooni ah kulan albaabbadu u xiran yihiin ula qaateen saraakiisha hoggaaminaya ciidamada Itoobiya iyo kuwa AMISOM ee Baydhabo ku sugan, iyadoo aan la ogeyn wixii ay kala hadleen.

Degmada Baydhabo oo ah xarunta gobolka Bay kagana beegan Muqdisho dhinaca waqooyi-bari illaa 245-KM ayaa waxay ka mid tahay degmooyinkii ay ciidamada Itoobiya iyo kuwa DKMG ah ay sannadkan horraantiisa kala wareegay xoogagga Al-shabaab oo muddo sannado ah ka talinayay.

Wafdigan oo ka dhoofay Muqdisho ayaa waxay gallinkii dambe ee maanta dib ugu ugu soo laabteen caasimadda Soomaaliya, mana jiro hadal ku saabsan booqashada wafdigan oo kasoo baxay maamulka gobolka Bay.

Tan iyo markii Al-shabaab lagala wareegay degmadan bishii Feberaayo ee sanadkan waxaa booqasho ku tagay wafdiyo kala duwan oo xaaladda degmadaas indho-indheyn ku sameynayay, waxaana degmadaas ku sugan 100-askari oo ka tirsan AMISOM.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
6/26/2012 7:04 PM EST
Arbaco, June 27, 2012(HOL): Wafdi uu hogaaminayo Ra’iisul Wasaaraha Soomaaliya, Dr, Cabdiweli Maxamed Cali ayaa maanta booqday Degmada Balcad ee gobalka Sh/Dhexe oo saakay gelinkii hore Ciidamada Xoogga dalka Soomaaliya iyo kuwa AMISOM ay la wareegeen gacan ku heynta Degmadaasi.

6/26/2012 8:03 AM EST
Talaado, June 26, 2012 (HOL) — Madaxda DKMG Soomaaliya ayaa waxay hambalyo ku aaddan 26-ka Juun oo ah markii ugu horreysay oo calan Soomaaliyeed la suro ciidda Soomaaliya u diray guud ahaan shacabka Soomaaliyeed, iyagoo u rajeeyay in ciiddan teeda kale ay ku gaaraan nabad iyo barwaaqo.

6/26/2012 7:42 AM EST
Talaado, June 26, 2012 (HOL) — Booliiska ayaa sheegay inay xireen shan qof oo u dhashay dalka Bakistaan, kuwaasoo looga shakiyay inay xiriir la leeyihiin Xarakada Al-shabaab oo ka dagalaanta Soomaaliya.

6/26/2012 7:15 AM EST
Talaado, June 26, 2012 (HOL) — Madaxweynaha Somaliland Mudane, Axmed Maxamed Maxamuud (Siilaanyo), ayaa Shacbiga Somaliland meelkasta oo ay joogaan ku hambalyeeyey Xuska Munaasibada 52-guurada ka soo wareegtay 26-June-1960-kii, oo ah maalintii ay Somaliland madax-banaanideeda ka qaadatay Boqortooyadii Ingiriiska.

6/26/2012 7:04 AM EST
Talaado, June 26, 2012 (HOL) — Xukuumadda Soomaaliya ayaa guddi ka shaqeeya xulitaanka ergooyinka ansixinaya dastuurka cusub ee Soomaaliya ku magacaabay kulan aan caadi ahayn oo golaha wasiirradu DKMG ah ay ku yeesheen Muqdisho shalay oo Isniin ahayd.

6/26/2012 5:59 AM EST
Talaado, June 26, 2012 (HOL) — Ciidamada DKMG ah iyo kuwa AMISOM ayaa saakay oo Talaado la wareegay gacan ku haynta degmada Balcad ee gobolka Shabeellad Dhexe oo 30-km dhinaca waqooyi kaga beegan Muqdisho.

6/26/2012 5:57 AM EST
Talaado, June 26, 2012 (HOL) — Xubno a tirsan gudiga dhaqaalaha u qaabilsan aqalka hoose ee baarlamaanka [Congress] Mareykanka ayaa dhageystay shaqsiyaad Soomaali ah oo uga warbixinayey baahida guud ee bulshada Soomaalidu ay u qabto in ay sii shaqeeyaan xawaaladaha Soomaalida, kuwaasi oo mudooyinkii ugu dambeeyey ay soo wajaheen dhibaatoyin sabab u noqday in ay gaabis gasho shaqadoodi, sidoo kalana ay qaarkood xirmeen, kadib markii bangiyadii ay adeegsan jireen uu soo kala dhexgalay isfahamwaa wada’shaqeyn la’aaneed.

6/26/2012 5:46 AM EST
Talaado, June 26, 2012 (HOL) — Ciidamada dowladda KMG oo garab ka helaya kuwa Kenya iyo xarakada Al-shabaab ayaa u dagaalamay degmada badhaadhe ee gobolka Jubada Hoose, waxaana dagaalku uu ahaa mid xooggan oo ay labada dhinac isu adeegsadeen hubka noocyadiisa kala duwan.