3/19/2024
Today from Hiiraan Online:  _
Wararka Maanta- Isniin, Jun 25, 2012
Qaraxyo ka dhacay Magaalada Mombasa ee dalka Kenya oo Sababay khasaare isugu jirta Dhimasho iyo Dhaawac
Isniin, June 25, 2012 (HOL) — Ugu yaraan hal qof ayaa ku dhintay 13-qof oo kalena dhaawacyo ayaa kasoo gaaray saddex qarax oo xalay ka dhacay xaafadda Mishomoroni ee magaalada Mombasa ee dalka Kenya.

Qaraxyadan oo loo adeegsaday bambooyinka gacanta ayaa xalay abaare 10:00 habeenimo lagu weeraray baar lagu daawanayay ciyaar ka mid ah kuwa horyaalka Yurub oo dhexmaray dalalka Talyaaniga iyo Ingiriiska.

Dadkii ay dhaawacyada kasoo gaareen qaraxa ayaa waxaa goobta ka qaaaday gaadiidka gurmadka deg-degga ah kuwaasoo isbitaal guud ee Mobasa halkasoo lagu daweynayo.

Goobjoogayaal ayaa sheegay inuu arkay gaari ay wateen laba nin iyo haweeney, kuwaasoo lug ku maray baarka hortiisa, waxyar kaddibna waxaa la maqlyay bay yiraahdeen qaraxyo waaaweyn oo isdaba-joog ah.

"Markuu qaraxii koowaad dhacay waxaan moodayay inay koronto qaraxday, waayo waxaa jiray dhibaato dhinaca kororntada ah, laakiin daqiiqado kaddib waxaan maqlay qarax kale waxaana xigay qarax saddexaad, markaas ayaan ogaaday inay dhaceen qaraxyo," ayuu yiri Emmanuel Omondi oo ku sugnaa meel ku dhow halka lagu weeraray bambooyinka.

Taliyaha ciidanka booliiska Mombasa, Aggrey Adoli oo ay wehliyaan kooxda la dagaalanka argagaxisada iyo kuwa dambiyada baara ayaa goobta tagay, iyagoo sheegay inay wadaan baaritaanno, ayna dib ka bixin doonaan faahfaahinta.

Qaraxyadan ayaa waxay imaanayaan xilli maalin ka hor uu Mareykanku ka digay inay ka dhici karaan magaalada xeebta ku taalla ee Mombasa weeraro argagaxiso, iyadoo dowladda Kenyana ay shalay adkeysay amaanka magaaladaas.

Maxamed Xaaji Xuseen, Hiiraan Online
[email protected]
Muqdisho, Soomaaliya












Click here
6/25/2012 2:09 PM EST
Addis Ababa, Itoobiya - Madaxweynaha Jamhuuriyada Soomaaliya Mudane Sharif Sh. Axmed ayaa galabta la kulmay Ra’iisul wasaaraha dalka Ethiopia Mudane Malez Zenawi.

6/25/2012 9:23 AM EST
Isniin, June 25, 2012 (HOL) — Wasiirka dastuurka iyo arrimaha federaalka DKMG ah ee Soomaaliya, C/ramxaan Xoosh Jabriil ayaa sheegay in xubnaha guddiga qoraalka dastuurka uu waqtigoodu dhamaaday ayna faraha kala baxaan arrimaha dastuurka.

6/25/2012 8:34 AM EST
Isniin, June 25, 2012 (HOL) — Ra'iisul wasaaraha xukuumadda KMG Soomaaliya, Cabdiweli Maxamed Cali ayaa kasoo horjeestay go'aankii odayaasha dhaqanka ee ahaa in tirada xildhibaannada baarlamaanka la kordhiyo lana gaarsiiyo 275-xubnood halka markii hore la qoondeeyay in laga dhigo 225-xubnood.

6/25/2012 8:31 AM EST
Isniin, June 25, 2012 (HOL) — Wararka ka soo baxaya degmada Guri-ceel ee gobollka Galguduud ayaa sheegaya in saraaakiil Itoobiyaan ah iyo mas’uuliyiinta ka tirsan Ahlu Sunna Waljameeca uu wada hadal uga bilaawday degmada.

6/25/2012 8:14 AM EST
Isniin, June 25, 2012 (HOL) — Wararka ka imaanaya degmada Baydhabo ee xarunta gobolka Bay ayaa sheegaya in ciidamada AMISOM ee ku sugna halkaas lagu wado inay la wareegaan ammaanka garoonka diyaaradaha ee Baydhabo oo ay gacanta ku hayaan ciidamada Itoobiya.

6/25/2012 7:28 AM EST
Isniin, June 25, 2012 (HOL) — Madaxweynaha Soomaaliya, Sheekh Shariif Sheekh Axmed iyo wafdi uu hogaaminayo oo ay ka mid yihiin wasiirka gaashaandhigga iyo wasiirka arrimaha dibadda ayaa waxay maanta ka dhoofay Muqdisho iyagoo kusii jeeda magaalada Addis Ababa ee dalka Itoobiya.

6/25/2012 7:07 AM EST
Isniin, June 25, 2012 (HOL) — Qoysas dhowr ah oo ku dhaqan degmada Badhaadhe iyo deegaanada ku xeeran ayaa ka cabanaya dhibaatooyin nolol xumo oo lasoo darsay, xilli mudooyinkii u danbeeyay ay goobahaasi ka taagnaayeen dagaallo u dhexeeya xoogagga Al-shabaab iyo ciidamada dowladda KMG oo garab ka helaya kuwa Raaskaambooni iyo Militariga Kenya.

6/25/2012 3:27 AM EST
Isniin, June 25, 2012 (HOL) — Khilaafkan ayaa yimid kaddib markii guddiga madaxa-bannaan ee qoraalka dastuurka uu sheegay in madaxda DKMG ah ay u soo gudbiyeen dastuur kale oo ay sheegeen inay u gudbiyaan odayaasha ku shirsan Muqdisho, taasoo uu guddigu sheegay inay diideen.

6/25/2012 2:42 AM EST
Isniin, June 25, 2012 (HOL) — Boqolaal ka tirsan ciidamada Mareykanka ayaa loo geeyay Muqdisho si ay uga fuliyaan howlo qarsoodi ah, sida uu baahiyay Press TV oo laga leeyahay dalka Iiraan, ayna soo daabacday wakaaladda wararka Mareyanka ee AP.

6/25/2012 2:39 AM EST
Isniin, June 25, 2012 (HOL) — Ugu yaraan shan ka mid ah dhinacyadii dagaalamay ayaa ku dhintay tiro intaas ka badanna way ku dhaawacmeen dagaal shalay gallinkii dambe ku dhexmaray ciidamada DKMG ah iyo kuwa Itoobiya oo is-garabsanaya iyo xoogagga Al-shabaab.