3/19/2024
Today from Hiiraan Online:  _
Wararka Maanta- Talaado, July 10, 2012
Markab weyn oo xoolaha qaadda oo xalay dab ku qabsaday Dekadda Berbera oo lagu guuleystay in la badbaadiyo


Talaado, July, 10 2012 (HOL)-  Markab weyn oo nooca xoolaha qaadda ah oo magaciisa la yidhaa M/V-Al-iimaan ayaa xalay fiidkii dab ku qabsaday dekadda Berbera, haseyeeshee markiiba waxa lagu guuleystay in la bakhtiiyo.

Markabkan oo ah ay leedahay shirkada Al-jaabiri ayaa ah nooca xoolaha qaadda, waxaana markaa la saarayey xoollo lagu qiyaasay sondon kun oo neef iyo Caws, iyadoo markaa uu guban doono lagu jiray in la saaro cawskii ay xooluhu cuni lahaayeen, haseyeeshee ila hadda si rasmi ah looma garanayo waxa sababay dabkaasi, iyadoo wararka qaar sheegayaan cawska markabka la saarayey uu sababay, halka warar kalana sheegayaan in shoodh koronto oo ka dhashay wiishka markabku leeyahay ee gurayey cawska uu sababay dabkaasi.
Markabkan ayaa markii la arkay qiiqa iyo ololka ka baxaya waxaa si degdega ah uga hawlgalay bakhtiintiisa maamulka degmada,oo adeegsanaya gaadiidka dab-demiska dekeda,waxaa iyana ka qayb-qaatey booyadaha biyaha ee shacabka ee magaalada oo gurmadka markabka u yimid.

Mareeye xigeenka dekeda ,ahna kusimaha mareeyaha dekeda Cumar Abokor Jamac oo isagu ku sugnaa dekeda gudaheeda ayaa saxaafada uga waramey sida dabka gubashada markabka ku yimid,waxaana uu sheegay in la baadhayo waxa sababay dabkaasi, balse uu u malaynayo shoodh ka dhashay wiishka gurayey cawska.

“Dabkan waxaanu fileyna inuu ka dhashay Wiishka markabka,waayo waxa uu ka bilaabmay caws saarnaa markabka, anagoo ku jira salaadii maqrib ayaa warku soo dhacay,kadib waxaanu bilowney sidii aanu u badbaadin lahayn markabka iyo dekedaba, xiligaas dabku waxaa uu marayey cawska oo qiiqu cirka isku shareeray”ayuu yidhi maareeye ku xigeenka Dekada Berbera Cumar Abokor Jamaac oo ka hadlayey markabka dabku qabsaday.


Gaadiidka dab-demiska dekeda iyo shaqaalaha ayaa ka hawlgalay, waxaanay ku guuleysteen inay bakhtiiyaan, waxaanu maareeye ku xigeeku u mahadnaqay Ilaahay oo u fududeeyey in la bakhtiiyo dabkaasi, waxa kale oo uu u mahadnaqay dadkii kala duwanaa iyo shirkadii kala qaybqaatay bakhtiinka markabka gubanayey.

Maareeye ku xigeenku waxa uu sheegay in Afar ka mid ah shaqaalaha dekaddu uu dhaawac ka soo gaadhay, kuwaas oo lagu dawaynayo cisbitaalka magaaladda Berbera.

Markabka ayaa waxa leh ganacsadaha sucuudiga ah ee Saleebaan Al-jaabiri waana markab aad u weyn oo ka kooban toddoba dabaq, balse wax khasaare badani ma soo gadhin waana laga gaadhay gurmad badan oo uu helay.

Barkhad-Ladiif  M. Cumar, Hiiraan Online
[email protected]
Hargeysa, Somaliland













Click here
7/10/2012 5:14 PM EST
Talaado, July 10, 2012(HOL): Dab khasaare maaliyadeed geystey ayaa goor hore oo saaka ah ka kacay mid kamid ah xeryaha ay dadka soo barakacay ku dhaqan yihiin ee ku yaal bariga magaalada Boosaaso. Dabka oo ay demintiisu mudo saacado ah qaadatay wuxuu ciida ku daray in ka badan 200 oo guri, kuwaas oo dhamaantood ahaa kuwo cooshado ka samaysan.

7/10/2012 8:46 AM EST
Talaado, July 10, 2012(HOL): Magaalada Garoowe waxaa maanta soo gaarey wefdi uu horkacayo xiriiriyaha Qaramada Midoobey u qaabilsan gargaarka bini aadminimada ee Soomaaliya Mark Bowden.

7/10/2012 8:44 AM EST
Talaaddo, July 10, 2012 (HOL)- Dhallinyaro Aqoonyahano ah oo ku dhaqan xaafadaha kala duwan ee magaaladda Hargeysa ayaa dawladda hoose ku eedeeyey in meelihii danta guud ahaa bililiqaysanayaan, iyagoo ka faa’iidaysanaya wakhtigan kala guurka ah ee golaha deegaankii hore wakhtiga ka dhamaatay mid kalana la sugayo inuu bedelo.

7/10/2012 8:44 AM EST
Talaado, July 10, 2012 (HOL) — Ra'iisul wasaaraha DKMG ah ee Soomaaliya, C/weli Maxamed Cali iyo ergayga xoghayaha guud ee Qaramada Midoobay uga wakiilka ah arrimaha Soomaaliya, danjire Augustine Phillip Mahiga ayaa maanta kula kulmay Muqdisho odayaasha dhaqanka Soomaaliyeed.

7/10/2012 7:35 AM EST
Talaado, July 10, 2012 (HOL) — Degmada Baydhabo ee xarunta gobolka Bay ayaa maanta lagu weeraray hoobiyeyaal kuwaasoo ku dhacay suuqa xoolaha Baydhabo, iyadoo sidoo kalena laga dareemayo degmada dhaqdhaqaaqyo ciidan.

7/10/2012 7:14 AM EST
Talaado, July 10, 2012 (HOL) — Guddoomiyahha gobolka Banaadir ahna duqa Muqdisho, Maxamuud Axmed Nuur (Tarsan) ayaa ka dalbaday shacabka ku nool magaalada Muqdisho inay gacan ka geystaan qabsoomidda shirka lagu ansixinayo dastuurka oo maalmahan ka furmaya Muqdisho.

7/10/2012 4:32 AM EST
Talaado, July 10, 2012 (HOL) — Ergayga xoghayaha guud ee Qaramada Midoobay u qaabilsan arrimaha Soomaaliya, Augustine Mahiga ayaa u digay cid walba oo isku dayda inay carqaladayso hanaanka geedi-socodka ah ee looga baxayo xilliga kala guurka ah.

7/10/2012 4:16 AM EST
Talaado, July 10, 2012 (HOL) — Madaxweynaha DKMG Soomaaliya, Sheekh Shariif Sheekh Axmed ayaa ugu baaqay odayaasha dhaqanka ee ku shirsan Muqdisho inay faraha kala baxaan ansixinta dastuurka oo lagu wado in maalmaha soo socda uu ka dhaco magaalada Muqdisho.

7/10/2012 4:11 AM EST
Talaado, July 10, 2012 (HOL) — Cutubyo katirsan ciidamada Militariga Kenya ayaa dhowrkii habeen ee ugu danbeeyay waxa ay howlgallo ballaaran ka bilaabeen xaafadda ay Soomaalidu ku badantahay ee Eastleigh, iyadoona howlgalladaasi ay ciidamadu ku qabqabteen dad badan oo sharci la'aan ah.

7/10/2012 3:49 AM EST
Talaado, July 10, 2012 (HOL) — Warsaxaafadeed kasoo baxay xafiiska murashaxa madaxweynenimo ee Soomaaliya, Dr. C/raxmaan Macallin C/llaahi (Baadiyoow) ayaa looga digay inaan la carqaladeyn geeddi-socodka xilliga kala-guurka ah ee socda.

7/10/2012 3:21 AM EST
Talaado, July 10, 2012 (HOL) — Kooxo hubeysan ayaa xalay degmada Dharkeynley ee gobolka Banaadir ku dilay sarkaal ka tirsanaa ciidamada xoogga dalka, xilli uu ku socday gurigiisa, waxaana kooxaha dilka geystay u suurogashay inay ka baxsadaan halkaas.

7/10/2012 3:04 AM EST
Talaado, July 10, 2012 (HOL) — Abaanduulaha ciidamada xoogga dalka Sooamaliya, Jen. Cabdikariin Yuusuf Aadan Dheg-badan) oo ka hadlay falalka dilka ah ee ka dhaca degmooyinka Muqdisho qaarkood ayaa sheegay in qofkii dil geysta ama tuute ha wato ama yuusan wadane lagu dili doono halkii uu dilka ku geystay.