7/6/2020
Today from Hiiraan Online:  _
Wararka Maanta- Isniin, Nov 26, 2012
MADAXWEYNE XASAN SHEEKH: "Ciddii lagu helo Kufsi waa dil toogasho, Isbaaro lacag lagu qaadi karana ma jirto"


Isniin, November 26, 2012 (HOL) — Madaxweynaha dowladda Soomaaliya, Xasan Sheekh Maxamuud ayaa sheegay in ciddii lagu helo kufsi lagu fulinayo dil toogasho, isagoo sidoo kalena sheegay inaysan jiri karin isbaarooyin lacago lagu qaadayo.

Xasan Sheekh ayaa hadalkan ka sheegay kulan uu xarunta madaxtooyada kula qaatay xalay guddoomiyeyaasha degmooyinka gobolka Banaadir iyo guddoomiyeyaasha gobollada Shabeellada Hoose, Shabeellada dhexe iyo Galguduud.

"Ciddii lagu helo kufsi xukunkiisu waa dil toogasho, arrintaanna waxaa la waafajin doonaa shuruucda dalka," ayuu yiri Xasan Sheekh oo intaas ku daray:"In oday iyo haween uu qabay oo isla jooga inta guriga loo galo in haweeneydii lagu kufsado odaygeedii hortiisa ma ahan mid loo dulqaadan karo."

Madaxweynuhu wuxuu sheegay in dowladda Soomaaliya ay diyaar u tahay inay ka hortagto cid walba oo dhibaateynaysa shacabka, isagoo xusay in askari iyo qof kale aan laga ogolaan doonin inay shacabka dhibaatooyin u geystaan.

"Ciddii lagu helo dambi waa dil toogasho, sharciyada dalkana waa la waafajinayaa arrintaas," ayuu yiri madaxweyne Xasan Sheekh, wuxuuna hadalkiisa kusii daray: "Isbaaro wixii caawa ka dambeeya la dhigan karo ma jirto, askarigii lagu helo iyo taliyihiisanna waa la isla soo qabanayaa."

Sidoo kale, madaxweynuhu wuxuu sheegay in Muqdisho ay yaallaan 60 isbaaro oo dadka shacabka ah looga qaado lacago baad ah, isagoo xusay in lasoo ogaaday lacagta lagu qaado isbaaro walba iyo halka ay ku dhacdo, wuxuuna xusay inaan la ogolaan doonin hadda kaddib in isbaaro la dhigto.

"Wasaaradda maaliyadda iyo lacagta iyo maamulka gobolka Banaadir ma jirto lacago ay qaadi karaan caawa wixii ka dambeeya, waxaana laga doonayaa haddii ay lacag qaadanayaan inay la yimaadaan habkii lagu qaadi lahaa iyo halkii ay ku dhici lahayd," ayuu yiri Xasan Sheekh.

Madaxweynuhu wuxuu sheegay in lacagaha isbaarooyinka yaalla Muqdisho laga qaado ay ku dhacaan jeebab kale oo aysan ku dhicin qasnadda dowladda taasna ay tahay mid aan la ogolaan karin.

Isgoysyo ay maamulka gobolka Banaadir ay lacago uga qaadi jireen gaadiidka ayaa gabi ahaan la joojiyay, inkastoo ay weli degmooyinka gobolka Banaadir qaarkood yaallaan isbaarooyin ay dhigteen guddoomiyeyaasha degmooyinkaas, kuwaasoo aan la ogeyn tallaabada ay dowladdu ka qaadi doonto.

Dhanka kale, madaxweynuhu wuxuu ka hadlay ammaanka, isagoo sheegay in wax lala yaabo ay tahay in qof lagu dilo magaalada cid dabal dilkaas ku sameysana aysan jirin, isagoo xusay in ciidamada booliiska looga baahan yahay inay dambi kasta oo dhaca ay daba-gal ku sameeyaan.

"Waxyaabaha la yaabka leh ee Muqdisho ka dhaca waxaa ka mid ah in la yiraahdo kooxo bastoolado ku hubesan ayaa qof dilay, 10-daqiiqo kaddibna ay xaaladdu isku bedesho sida iyadoo aysan waxba dhicin. Murugaduna waxay ku haraysaa qoyskii qofka laga dilay, taasna waa damiir xumo," ayuu yiri madaxweynaha.

Intaas kaddib madaxweynuhu wuxuu amar ku siiyay ha'yadaha nabadsugidda dalka inay ka hortagaan dambiyada, haddii uu dambigu dhaca wuxuu sheegay in ciidanka booliiska ay daba-gal ku sameeyaan ayna xiraan goobta uu dambigu ka dhacay si ay baaritaanno u sameeyaan.

Guddoomiyeyaashii degmooyinka iyo kuwii gobollada ee madaxweynaha kulanka la qaaday oo iyaguna goobta ka hadlay ayaa sheegay inay diyaar u yihiin inay ka shaqeeyaan sidii loo adkeyn lahaa ammaanka deegaannada ay gacanta ku hayaan.

Kulanka dhexmaray madaxweynaha iyo guddoomiyeyaasha gobolka Banaadir iyo gobollada dalka qaarkood ayaa wuxuu imaanayaa iyadoo kulan noocan oo kale ah uu madaxweynuhu la yeeshay saraakiisha ciidamada, kuwaasoo uu ka dalbaday inay gacan ka geystaan sidii loo adkeyn lahaa ammaanka deegaannada ay dowladdu ka taliso.

Madaxweynaha ayaa intii uu kulammadan ku jiray waxaa dhinacyadii taagaa ra'iisul wasaaraha xukuumadda cusub, Cabdi Faarax Shir-doon (Saacid), qaar ka mid ah wasiirradiisa iyo howlwadeennada madaxtooyad Soomaaliya qaarkood.

Maxamed Xaaji Xuseen, Hiiraan Online
[email protected]
Muqdisho, Soomaaliya









Click here
11/26/2012 12:15 PM EST
Isniin, November 26, 2012 (HOL) —Wafdigii uu hogaaminayay madaxweeynaha dowladda Federaalka Soomaaliya Mudane Xasan Sheekh Max’uud ayaa maanta gaaray dalka Jabuuti, iyadoona halkaasi ay si diiran ugu soo dhaweeyeen madaxda dalkaasi.

11/26/2012 8:36 AM EST
Isniin, November 26, 2012 (HOL) — Munaasabad uu xilka kula wareegayay guddoomiyihii cusub ee Jaaamacadda Soomaaliya ayaa maanta lagu qabtay xarunta Jaamacadaas ee magaalada Muqdisho.

11/26/2012 7:50 AM EST
Isniin, November 26, 2012 (HOL) — Xildhibaannada baarlamaanka Somalia ayaa maanta cod aqlabiyad ah ku ansixiyay miisaaniyadda uu baarlamaanku ku shaqeyn doono sannadka soo socda, iyadoo saxaafadda loo diiday inay goobjoog ka noqoto kulankan.

11/26/2012 7:24 AM EST
Isniin, November 26, 2012 (HOL) — Guddiga doorashooyinka Somaliland ayaa soo saaray amar lagu joojinayo isku socodka gaadiidka magaalooyinka dhexdiisa iyo goboladaba maalinta arbacada ee doorashada golaha deegaanku dhacayso, isla markaana aanay magaalooyinka wax gaadiid ahi soo gali doonin kana bixi doonin inta ay socoto codeyntu.

11/26/2012 7:18 AM EST
Isniin, November, 26, 2012 (HOL) – Munaasabad siweyn loo soo agaasimay oo lagu qabtay magaalada Baladweyne ayeey afar sano kadib gollaha odayaasha dhaqanka gobollka Hiiraan waxaa ay maanta gudoomiye cusub u doorteen Shiikh Max’ed Shiikh Xusseen Maryacade.

11/26/2012 7:16 AM EST
Isniin, November 26, 2012 (HOL) — Dhaqdhaqaaq ciidan oo xoog leh ayaa laga dareemayaa gobollada Sanaag iyo Haylaan ee Puntland, kaddib markii uu soo dhowaadey xilligii la qaban lahaa doorashooyinka goleyaasha deegaanka ee ay ku loollami doonaan ururada siyaasadda ee Somaliland.

11/26/2012 7:14 AM EST
Isniin, November 26, 2012 (HOL) — Ururrada bulshada rayidka ah ee Soomaaliyeed ayaa maanta loo qabtay kulan ulan gaar ah oo ku saabsan sidii shacabka loogu dhiirrigelin lahaa inaysan qarsan xubnaha Al-Shabaab ee ku dhuumaaleysanaya xaafadaha Muqdisho iyo gobollada dalka.

11/26/2012 2:23 AM EST
Isniin, November 26, 2012 (HOL) — Israsaaseyn qaddar daqiiqado ah socotey ayaa xalay xaafadda Garsoor ee magaalada Gaalkacayo ku dhex martay ciidamo ka tirsan Booliska Puntland iyo dabley hubeysan oo aan ilaa iyo hadda haybtooda la aqoonsan.

11/26/2012 2:22 AM EST
Isniin, November 26, 2012 (HOL) — Waxaa shalay xarigga laga jaray xabsiga dhexe ee magaalada Qardho ee xarunta gobolka Karkaar oo ah kan ugu weyn guud ahaan deegaannada Puntland, isla markaana dhismihiisa la waday afartii sano ee lasoo dhaafay.

11/26/2012 2:11 AM EST
Isniin, November 26, 2012 (HOL) — Madaxweynaha dowladda Soomaaliya, Xasan Sheekh Maxamuud ayaa safarkii ugu horreeyay maanta ugu ambabaxay dalalka Jabuuti, Itoobiya iyo Kenya oo daris la ah Soomaaliya, waxaana safarkiisa ku wehliya xubno ka tirsan dowladda.

11/26/2012 1:58 AM EST
Isniin, November 26, 2012 (HOL) — Kooxo hubeysan ayaa toogasho ku dilay saakay guddoomiyihii suuqa weyn ee Bakaaraha, Axmed Nuurre Owdiini iyo sarkaal ka tirsanaa ciidamada dowladda Soomaaliya oo lagu magacaabi jiray, Col. Axmed Cali Siyaad, iyadoo kooxaha dilka geystay ay u suurogashay inay goobta ka baxsadaan.