1/28/2022
Today from Hiiraan Online:  _
Wararka Maanta- Sabti, Jun 30, 2012
Guddoomiyaha Imtixaanka Somalliland oo sheegay inuu Maanta Billowday Imtixaankii Shahaadiga ee Dugsiyada Sare iyo Dhexe
Sabti, June 30, 2012 (HOL) — Guddoomiyaha guddida Imtixaanaadka Qaranka  Somaliland Md  Daa’uud Axmed Faarax  ayaa sheegay in si rasmi ah u saakka guud ahaanba dalka uu ka bilaabmay imtixaanka shahaadiga ahaa ee fasaladda afraad ee dugsiyada sare iyo fasaladda 8aad ee dugsiyadda dhexe.

Md Daa’uud Axmed faarax oo warbaahinta la hadlay maanta ayaa sheegay in dhamaan xarumihii, agabkii iyo hawl-wadeenadii loo diyaariyey xarun kasta oo imtixaan lagu galiyey, iyagoo 143 goobood ay ku gali doonaan imtixaanka dalka oo dhan.

“Waxaan idiin sheegayaa in Imtixaankii  saaka si wanaagsan uga wada bilaabmay gobolada iyo degmooyinka oo dhan”ayuu yidhi guddoomiyaha imtixaanaadka Somaliland.

Gudoomiyaha imtixaanaadka Qaran waxa uu sheegay inay dhamaan wada direen hawl wadeenadii iyo agabkii lagu galayey gobolada dalka, islamarkaana ay diyaar ku yihiin goobilhii loogu talogalay hawl wadeenadii, waxaanu ardayda ugu bushaareeyey guul iyo inay natijo fiican keenaan.

Gudoomiyaha Imtixaanaadka Qaranka waxaa uu hambalyo u direy ciidamada bileyska ee ka shaqaynaya ilaalinta iyo habsami u socodka imtixaanka iyo sidoo kele  waalidiinta iyo ardeyda,  “waxaan jeclahay inaan hambalyo u jeediyo hawl wadeenada ciidamada Bileyska, Waalidiinta iyo ardeyda ee hawshaasi dusha kaga dhacayso, waxaanan rajeynayaa in sidaasi qabow ee ay noogu bilaabantay ay inoogu dhamaato hadii Alle idmo” ayuu yidhi.

Md Daa’uud Axmed faarax ayaa sheegay in sanadkan ay imtixaanka shahaadiga ah ee dugsiyada sare iyo kuwa dhexe ee dalka u fadhiisanayan arday ay tiradoodu gaadhayso sideed iyo toban kun oo arday, kuwaas oo iskugu jira fasaladda sideedaad ee dugsiga dhexe iyo fasaladda afraad ee dugsiga sare, waxaanu sheegay in lix cisho uu socon doono dugsiyadda sare, halka kuwa hoosana saddex cisho.
 
Barkhad-Ladiif M. Cumar, Hiiraan Online  
[email protected]
Hargeysa, Somaliland












Click here
6/30/2012 8:23 AM EST
Sabti, June 30, 2012 (HOL) — Madaxweynaha Soomaaliya, Sheekh Shariif Sheekh Axmed ayaa sheegay in maamulka Somaliland ay u geeyeen ralligelin maadaama ay tabanayaan tacaddi horay loogu geystay, ayna ku heshiiyeen in wadahadalladu ay sii socdaan.

6/30/2012 7:51 AM EST
Sabti, June 30, 2012 (HOL) — Madaxweynaha Soomaaliya Sheekh Shariif Sheekh Axmed iyo wafdi uu hoggaaminayo ayaa booqasho ku jooga degmada Balcad ee gobolka Shabeellada Dhexe, halkaasoo toddobaadkii hore ay ciidamada DKMG ah iyo kuwa AMISOM kala wareegeen Al-shabaab.

6/30/2012 7:39 AM EST
Sabti, June 30, 2012 (HOL) — Dowladda Kenya ayaa sheegtay inay heegan buuxa gelisay ciidamadeeda ku sugan gudaha Soomaaliya kuwaasoo ay sheegtay inay baadi-goob ku hayaan shaqaale samafal oo shalay laga afduubay deegaanka Dhadahaab oo ay ku yaallaan xeryaha qoxootiga ee dunida ugu weyn.

6/30/2012 7:18 AM EST
Sabti, June 30, 2012 (HOL) — Kooxahan oo tiradoodu ahayd afar nin oo sitay qoryo fudud kuna labistaa dharka ciidamada dowladda KMG ah ayaa maanta dhac u geystay xarunta shirkadda xawaaladda Mustaqbal ay ku leedahay degmada Waaberi ee gobolka Banaadir.

6/30/2012 6:46 AM EST
Sabti, June 30, 2012 (HOL) — Kulan ay yeesheen dhallinyarada, odayaasha dhaqanka, siyaasiyiinta iyo haweenka ku nool xaafadda Nasteexo ee degmada Wadajir ee gobolka Banaadir ayaa waxay kaga mahad-celiyeen xildhibaan, C/qaadir Xasan Cabdi (Shacab) oo ka mid ah mudanayaasha baarlamaanka Soomaaliya, howlo lagu horumarinayay deegaankooda.

6/30/2012 6:15 AM EST
Sabti, June 30, 2012 (HOL) — Maamulka gobollka Hiiraan ayaa talaabo horay loo qaaday ku sheegay wada hadallada u bilaawday mas’uuliyiinta dowladda KMG iyo Soomaaliland, kadib kulankii ugu danbeeyay ee Dubai ku dhaxmaray madaxweyne Shariif iyo Axmed Siilaanyo madaxweynaha Soomaaliland.

6/30/2012 3:58 AM EST
Sabti, June 30, 2012 (HOL) — Iyadoo ay soo kordhayaan murashaxiinta isku soo taagaya xilka madaxweynenimo ee Soomalaiya ayuu Muqdisho kaga dhawaaqay Dr C/raxmaan Maxamed Cabdi Xaashi inuu yahay murashax u taagan xilka madaxnimo ee Soomaaliya.

6/30/2012 3:40 AM EST
Sabti, June 30, 2012 (HOL) — Ururka Midowga Afrika iyo xukuumadda Uganda ayaa kala saxiixday heshiis is-afgarad ah oo Kampala ay 140-askari oo booliis ah ku geynayso magaalada Muqdisho ee xarunta Soomaaliya.

6/30/2012 3:39 AM EST
Sabti, June 30, 2012 (HOL) — Guddoomiyaha gobolka Banaadir ahna duqa Muqdisho Maxamuud Axmed Nuur (Tarsan) ayaa sheegay in Muqdisho ay diyaar u tahay marti-gelinta shirka lagu ansixinayo dastuurka cusub ee Soomaaliya, isagoo xusay in Muqdisho ay sharaf weyn u tahay in lagu dhiso dowladdii labaad ee Soomaaliya marka laga soo tago dowladdii 19960-kii.