1/27/2022
Today from Hiiraan Online:  _
Wararka Maanta- Sabti, Jun 30, 2012
Kenya oo heegan gelisay ciidamadeeda ku sugan Soomaaliya, baadi goobna ku haysa Shaqaale laga Afduuba Dhadhaab
Sabti, June 30, 2012 (HOL) — Dowladda Kenya ayaa sheegtay inay heegan buuxa gelisay ciidamadeeda ku sugan gudaha Soomaaliya kuwaasoo ay sheegtay inay baadi-goob ku hayaan shaqaale samafal oo shalay laga afduubay deegaanka Dhadahaab oo ay ku yaallaan xeryaha qoxootiga ee dunida ugu weyn.

Shaqaalahan samafalka ah ee la afduubay oo tiradooda lagu sheegay afar ruux oo u kala dhashay dalalka Canada, Norway, Bakistaan iyo Fillibiin ayaa waxaa afduubay saddex ruux oo hubeysan, kuwaasoo kala tallaabay xududda Soomaaliya.

Ciidamada Kenya ee ku sugan gudaha Soomaaliya oo isticmaalaya diyaarado kuwa qummaatiga u kaca ah ayaa la sheegay inay baadi-doon ku hayaan shaqaalahaas oo aan la ogeyn meel rasmi ahaan lagu haysto.

Mas'uuliyiinta Kenya ayaa ku eedeeyay afduubkan Xarfakada Al-shabaab, balse ma jiro hadal kasoo baxay dhinaca Al-shabaab, iyadoo saraakiishu ay sheegeen inay dadaal ugu jiraan sidii ay shaqaalahaas kuso furan lahaayeen.

Wararka qaarkood ayaa sheegaya in laba shaqaale ah oo u dhashay dalka Kenya ay ka mid yihiin kuwa la afduubay, waxaana gaarigii lagu kexeystay samafalayaashan laga helay soohdinta u dhexeysa Soomaaliya iyo Kenya.

Samafalayaashan oo Jimcihii laga afduubay xerada IFO II ee deegaanka Dhadahaab ayaa waxay u shaqeynayeen haya'dda NRC iyagoo kormeer ku sameynayay xeryaha qoxootiga Kenya oo ay ku nool nus-malyuun qof oo qoxooti Soomaaliyeed ah.

Deegaanka Dhadhaab ee dalka Kenya oo 100-km u jira soohdinta ay wadaagaan Soomaaliya iyo Kenya ayaa tan iyo sannadkii hore waxaa ka dhacayay afduubyo loo geysanayo shaqaalaha samafalka, taasoo keentay in hay'adaha samafalka ay hakad geliyaan howlihii ay ka hayeen xeryahaas.

Maxamed Xaaji Xuseen, Hiiraan Online
[email protected]
Muqdisho, Soomaaliya












Click here
6/30/2012 9:31 AM EST
Sabti, June 30, 2012 (HOL) — Guddoomiyaha guddida Imtixaanaadka Qaranka Somaliland Md Daa’uud Axmed Faarax ayaa sheegay in si rasmi ah u saakka guud ahaanba dalka uu ka bilaabmay imtixaanka shahaadiga ahaa ee fasaladda afraad ee dugsiyada sare iyo fasaladda 8aad ee dugsiyadda dhexe.

6/30/2012 8:23 AM EST
Sabti, June 30, 2012 (HOL) — Madaxweynaha Soomaaliya, Sheekh Shariif Sheekh Axmed ayaa sheegay in maamulka Somaliland ay u geeyeen ralligelin maadaama ay tabanayaan tacaddi horay loogu geystay, ayna ku heshiiyeen in wadahadalladu ay sii socdaan.

6/30/2012 7:51 AM EST
Sabti, June 30, 2012 (HOL) — Madaxweynaha Soomaaliya Sheekh Shariif Sheekh Axmed iyo wafdi uu hoggaaminayo ayaa booqasho ku jooga degmada Balcad ee gobolka Shabeellada Dhexe, halkaasoo toddobaadkii hore ay ciidamada DKMG ah iyo kuwa AMISOM kala wareegeen Al-shabaab.

6/30/2012 7:18 AM EST
Sabti, June 30, 2012 (HOL) — Kooxahan oo tiradoodu ahayd afar nin oo sitay qoryo fudud kuna labistaa dharka ciidamada dowladda KMG ah ayaa maanta dhac u geystay xarunta shirkadda xawaaladda Mustaqbal ay ku leedahay degmada Waaberi ee gobolka Banaadir.

6/30/2012 6:46 AM EST
Sabti, June 30, 2012 (HOL) — Kulan ay yeesheen dhallinyarada, odayaasha dhaqanka, siyaasiyiinta iyo haweenka ku nool xaafadda Nasteexo ee degmada Wadajir ee gobolka Banaadir ayaa waxay kaga mahad-celiyeen xildhibaan, C/qaadir Xasan Cabdi (Shacab) oo ka mid ah mudanayaasha baarlamaanka Soomaaliya, howlo lagu horumarinayay deegaankooda.

6/30/2012 6:15 AM EST
Sabti, June 30, 2012 (HOL) — Maamulka gobollka Hiiraan ayaa talaabo horay loo qaaday ku sheegay wada hadallada u bilaawday mas’uuliyiinta dowladda KMG iyo Soomaaliland, kadib kulankii ugu danbeeyay ee Dubai ku dhaxmaray madaxweyne Shariif iyo Axmed Siilaanyo madaxweynaha Soomaaliland.

6/30/2012 3:58 AM EST
Sabti, June 30, 2012 (HOL) — Iyadoo ay soo kordhayaan murashaxiinta isku soo taagaya xilka madaxweynenimo ee Soomalaiya ayuu Muqdisho kaga dhawaaqay Dr C/raxmaan Maxamed Cabdi Xaashi inuu yahay murashax u taagan xilka madaxnimo ee Soomaaliya.

6/30/2012 3:40 AM EST
Sabti, June 30, 2012 (HOL) — Ururka Midowga Afrika iyo xukuumadda Uganda ayaa kala saxiixday heshiis is-afgarad ah oo Kampala ay 140-askari oo booliis ah ku geynayso magaalada Muqdisho ee xarunta Soomaaliya.

6/30/2012 3:39 AM EST
Sabti, June 30, 2012 (HOL) — Guddoomiyaha gobolka Banaadir ahna duqa Muqdisho Maxamuud Axmed Nuur (Tarsan) ayaa sheegay in Muqdisho ay diyaar u tahay marti-gelinta shirka lagu ansixinayo dastuurka cusub ee Soomaaliya, isagoo xusay in Muqdisho ay sharaf weyn u tahay in lagu dhiso dowladdii labaad ee Soomaaliya marka laga soo tago dowladdii 19960-kii.