Hiiraan Online

 

Talaado, November, 5, 2024 (HOL) - Ra’iisul Wasaaraha Israel Benjamin Netanyahu ayaa xil ka qaadis ku sameeyay Wasiirkii Difaaca Israel Yoav Galant, sida laga soo xigtay channel 12 israel.

Netanyahu wuxuu u magacaabay Yasrael Katz inuu beddelo Galant, halka Gideon Saar loo magacaabay wasiirka arrimaha dibadda.

Netanyahu ayaa kalsooni la'aan ku eedeeyay Wasiir Gallant iyo habka maareeynta dagaalka ka socda Jiida Gaza.

Dhankiisa, Gallant ayaa sheegay in shaqada laga eryay kaddib in ammaanka dawladda Israa'iil uu ahaan doono hawshiisa nololeed.

Qoysaska la haystayaasha Isra’il ee gacanta ugu jira Xamaas ayaa sheegay in cayrinta Gallant "ay tahay sii wadida dadaalka Netanyahu ee uu ku doonayo in uu ku fashiliyo dadaallada lag soo celinayo lahaystayaasha.

Booliiska Israa’iil ayaa xiray waddooyinka agagaarka guriga Netanyahu ee magaalada Quddus kadib markii lagu dhawaaqay xil ka qaadista Gallant.