11/21/2024
Today from Hiiraan Online:  _
Wararka Maanta- Axad, Nov 17, 2024
Guddiga Doorashooyinka Jubaland oo la kulmay Odayaasha soo xulaya Xildhibaanada Jubaland
 

Axad, October, 17, 2024 (HOL) - Guddiga Doorashooyinka Jubaland ayaa maanta kulan la yeeshay Odayaasha Dhaqanka beelaha Jubaland, kuwaas oo door ku leh soo xulista Xildhibaannada ku matali doona Baarlamaanka Dowladda goboleedka Jubaland.

Kulankaan ayaa ahaa mid ay dhinacyada kaga arinsanayeen arrimaha horutabinta u leh Doorashada Jubaland oo ay ugu horeeyso soo xulista Xildhibaanada.

Guddoomiyaha Guddiga Doorashooyinka Jubaland, Dr. Mursal Siyaad Maxamed ayaa sheegay inay ka guddi ahaan markaan u diyaar garoobeen inay qabtaan doorashada Jubaland isagoona odayaasha iyo salaadiintii Shirkaan joogtay u sharaxay habraaca iyo jadwalka doorashada ee Jubbaland.

Dr. Mursal ayaa intaas ku daray in guddigu ilaa hadda kulamo miro-dhal ah la yeesheen Odayaasha dhaqanka iyo waxgaradka Jubaland si loo xaqiijiyo in beel walba ay si waafaqsan awood qaybsiga u soo xulato Xildhibaannada matalaya.

Wuxuu sidoo kale carrabka ku adkeeyay muhiimadda ay leedahay wada-shaqeynta dhammaan dhinacyada si looga dhabeeyo hannaanka doorasho ee u adeegi doona danta dadka iyo dowladnimada Jubaland.