3/29/2024
Today from Hiiraan Online:  _
Wararka Maanta- Isniin, May 22, 2023
Itoobiya oo sheegtay in dagaalkii gobolka Tigray ay kaga khasaartay lacag dhan 22 bilyan oo Dollar

Isniin, May 22, 2023 (HOL) - Dowladda Itoobiya ayaa shaaca ka qaaday khasaaraha dhabta ah ee ka dhashay dagaalkii mudada labada sano ah ka socday gobolka Tigray, kaas oo dhinacyadii uu dagaalku ka dhaxeeyay ay dhawaan heshiiyeen.

Haddaba Wasiirka Maaliyadda ee dalka Itoobiya Axmed Shide Maxamed oo warbixinta 9ka biilood ka horjeediyay Gudida qorsheynta miisaaniyadda ee Golaha Shacabka, ayaa sheegay in dowladda Itoobiya ay dagaalkii gobolka Tigray ku khasaartay lacag dhan 1.5 Tiriliyar oo Birr una dhiganta 22 bilyan oo Dollar, taas oo u dhiganta 20.4 boqolkiiba wax soosaarka guud ee dalka Itoobiya.

Wasiirku waxa uu xusay in khasaarahaas ay ka baxsan tahay lacagaha toos loogu shubay dagaalka, iyo qiyaastii dadkii ku geeriyooday dagaalkaas kuwaas oo aan wali tiro sugan lagu ogaan, balse dadka ku nool goobaha ay dagaalladu ka dhaceen ayaa waxaa soo gaartay saamayn dhinacyo kala duwan ah, dadkaas saamayntu soo gaadhay waxaa la ogaaday inay gaarayaan ilaa 3 milyan oo qof.

Dhinaca kale Wasiir Axmed Shide waxa uu sheegay inay ku talo jiraan sidii khasaarahaas looga soo kaban lahaa, isla markaana dib u dhis loogu samayn lahaa gobolka Tigray, oo si ba'an ugu burburay dagaalladii degaankaas ka socday mudada dheer.

Hadalka Wasiirka ayaa kusoo hagaagaya xilli laga dayrinayo dhaqaalaha dalka Itoobiya oo la sheegay inuu hoos u dhacay, sababo la xiriira dagaalladii uu dalku ku jiray labadii sano ee lasoo dhaafay,  waxa kale oo jirtay in sicir barar baahsan uu saameeyay guud ahaan dalka Itoobiya, kaas oo ka qayb qaatay dhaqaalo burbur ku yimaadda dalka Itoobiya, iyadoo lacagtii birta ee dalka Itoobiyana ay marba marka xigta hoos u dhacayso.












Click here
5/22/2023 2:30 PM EST
Isniin, May 22, 2023 (HOL) - Beesha caalamka ayaa Puntland ku bogaadisay sida ay uga go'antahay inay ka mirodhaliyaan ballanqaadkooda ku aadan hirgalinta nidaamka dimoqraadiyadda.

5/22/2023 6:13 AM EST
Isniin, May 22, 2023 (HOL) - Cabdulqaadir Xasan Cabdulle (Sheelare) oo ahaa askari dowladda katirsan, kaasoo lix qof oo shacab ah ku dilay qori Dhashiike ah intii lagu gudo jiray shaqaaqo ka dhacday isgoyska Siinaay ee degmada Yaaqshiid, ayaa maanta lagu xukumay dil toogasho.

5/22/2023 4:36 AM EST
Isniin, May 22, 2023 (HOL) - Sarkaal ciidan oo horey usoo noqday taliye ku xigeenkii ciidanka ilaalada ee garoonka diyaaradaha ee magaalada Garowe ayaa saakay lagu dilay magaalada Garowe.

5/22/2023 4:01 AM EST
Isniin, May 22, 2023 (HOL) - Warar dheeraad ah ayaa kasoo baxaya howlgalo qorsheysan oo ay Xalay ciidanka dowladda ka sameeyeen degmada Howlwadaag ee magaalada Muqdisho, kaasoo lagu soo qabtay xubno ka tirsan Al-shabaab iyo waxyabaaha maanka dooriya.

5/22/2023 2:30 AM EST
Isniin, May 22, 2023 (HOL) - Ciidamada Booliska Soomaaliya iyo kuwa Midowga Afrika ee AMISOM ayaa ku heshiiyey in sare loo qaado amniga dowlad goboleedka Hirshabeelle kadib wada hadalo magaalada Jowhar ku dhex maray taliyeyaasha labada dhinac.

5/22/2023 2:19 AM EST
Isniin, May 22, 2023 (HOL) - Wabiga Shabeelle ee dhexmara gudaha magaalada Baledweyne ee xarunta gobolka Hiiraan oo sagaalkii bishaan ku fatahay xaafadaha Baledweyne oo sababatay barakaca kumanaan qoys ayaa saacadahii lasoo dhaafay bilaabay inuu ka naqo xaafadaha qaar.

5/22/2023 2:11 AM EST
Isniin, May 22, 2023 (HOL) - Dadka ku nool tuulooyinka xuduudka Kenya iyo Soomaaliya ee ismaamulka Lamu ayaa aad ugu farxay kadib markii lagu dhawaaqay in 90 maalmood gudahood la furayo xadka Kenya iyo Soomaaliya.