11/30/2023
Today from Hiiraan Online:  _
Wararka Maanta- Isniin, Nov 20, 2023
Faahfaahin ku saabsan xaaladda magaalada Garowe iyo dadaalo nabadeed oo socda
 

Isniin, November, 20, 2023 (HOL) - Waxaa socda dadaalo loogu jiro sidii looga hortagi lahaa colaad ka dhacda magaalada Garowe, xilli magaalada ay dad badani ka qaxeen xalay illaa iyo shalay.

newsinideMaanta, waxaa magaalada kusoo wajahan salaadiinta dhaqanka SSC- Khaatumo, kuwaas oo u imaanaya sidii uga qeyb qaadan lahaayeen dadaalada nabadda.

Madaxweyne Deni iyo mucaaradka hubaysan ayaa kala taagan mowqif adag, taasoo haddii aan xal loo helin keeni karta in gacan ka hadal xaaladu isku beddesho.

Dhinaca kalena, saakay waxaa baaqday kalfadhiggii baarlamaanka Puntland ee lagu waday in looga doodo xeer doorashooyinka ee wax la beddelay.

Qoraal kasoo baxay guddoonka baarlamaanka, ayaa lagu wargaliyay xildhibaanada, in saddex berri dib loo dhigay fadhigga baarlamaanka. Waxaana loo baajiyay sababo la xiriira colaadda mgaalada Garowe ka jirta.

Waxaa xusin mudan in aysan jirin ciidamo haatan is horfahdhiya, marka laga reebo ciidamada taabacsan mucaaradka oo kasoo baxay saldhigyadoodi, kuwaas oo soo dagay qeybo kamid ah xaafadaha magaalada.

Wixii soo kordha kula socda wararkeenna dambe.












Click here
11/20/2023 9:32 AM EST
Isniin, November, 20, 2023 (HOL) - Raysal wasaaraha Xukuumadda Fedaraalka Soomaaliya Xamse Cabdi Barre ayaa maanta degmada Dooloow ee gobolka Gedo u tagay u kuur galida xaaladaha Bani'aadanimo ee ka dhashay daadadka roobabka ka da'ay degmadaas iyo nawaaxigeeda.

11/20/2023 4:01 AM EST
Isniin, November, 20, 2023 (HOL) - Golaha ammaanka ee Qaramada Midoobay ayaa kordhiyay cunaqabateynta hubka ee saaran Soomaaliya ilaa dhamaadka sanadkan.

11/20/2023 3:55 AM EST
Isniin, November, 20, 2023 (HOL) - Ciidamada xoogga dalka Soomaaliyeed, gaar ahaan kuwa Kumaandooska Gorgor ayaa howlgalo qorsheysan oo ay ka sameeyeen deegaano ku yaala dhinaca Galbeed ee degmada Xarardheere ee gobolka Mudug ku dilay xubno ka tirsan kooxda Al Shabaab.

11/20/2023 3:32 AM EST
Isniin, November, 20, 2023 (HOL) - Madaxweynaha dowladda Fedaraalka Soomaaliya Xasan Sheekh Maxamuud ayaa gaaray magaalada London ee Caasimadda dalka ingiriiska oo uu ka qeyb galayo shirka hoggaamiyeyaasha caalamka ee ka hortagga cunno yarida iyo aafooyinka sababa oo ka dhacaya magaaladaas.

11/20/2023 3:23 AM EST
Isniin, November, 20, 2023 (HOL) - Hay'adda Sirdoonka iyo Nabad-sugidda Puntland, (PISA) ayaa sheegtay inay fashilisay Qaraxyo la doonaayey in lagu dhibaateeyo Shacabka magaalada Bosaso iyo hantidooda,