1/27/2023
Today from Hiiraan Online:  _
Wararka Maanta- Isniin, Jan 23, 2023
Shirweynaha Culimadda Soomaaliyeed oo Maanta ka furmay Muqdisho

Isniin, January, 23, 2023 (HOL) - Waxaa Maanta magaalada Muqdisho ka furmay shir weynaha Culimada Soomaaliyeed oo uu horay ugu baaqay madaxweynaha dowladda Fedaraalka Soomaaliya Xasan Sheekh Maxamuud.

Shir weynahaan ayaa waxaa ka qeybgalaya inta badan Culimada Soomaaliyeed oo ka kala yimid dalka iyo dibadiisa, kaasoo looga arinsan doono doorka Culimada ka qaadan karaan dagaalada ka dhanka ah kooxda Al-shabaab, waxaana si qoto dheer doono looga hadli doona sixida Fahamka saxda ah ee Diinta Islaamka.

Waxaa la tilmaanay in Culimada ilaa sadax qodob ay si aad ah uga doodi doonaan oo kala ah, Sharciyad ka qaadista Al-Shabaab Sixida fahamka saxda ah ee Diinta Islaamka, Sharciyad siinta dowladda  Xukunka Islaamka iyo dowladnimada casriga ah iyo Dhisidda Golaha Sare ee Culumada Soomaaliyeed: Muhiimadiisa iyo Sharciyeyntiisa.

“Shirka culimada wuxuu noqon doonaa mid isku keena madaahiibta kala duwan, waxaana rajeynaya inuu noqdo mid uu kasoo baxo wax wanaagsan, Diinta waa nasteexo Culimada ayaga ayaa isku nasteexeyn doona, dowladana u nastexeyn doono" ayuu yiri Sheekh Usuuli oo ka mid ah Culimada caanka ah ee ka qeyb galeysa shirka maanta ka furmay magaalada Muqdisho.

Shirkan Maanta Muqdisho uga furmay Culimada Soomaaliyeed ayaa ku soo aadaya xili muhiim ah oo dowladda Fedaraalka Soomaaliya oo kaashaneysa dadka deegaanka ay wadaan howlgallo culus oo ka dhan ah Al-Shabaab, kaasoo ay dowladu sheegtay inay sii wadeyso.













Click here
1/23/2023 9:37 AM EST
Isniin, January, 23, 2023 (HOL) - Warar dheeraad ah ayaa kasoo baxaya khasaaraha ka dhashay howlgal ay barbar socdeen duqeymo dhanka cirka ah oo la sheegay in ciidamada dowladda Soomaaliya ay ka fuliyeen deegaanka Beer Faarax oo ka mid ah deegaanada hoostaga degmada Xarardheere ee gobolka Mudug.

1/23/2023 9:04 AM EST
Isniin, January, 23, 2023 (HOL) - Xukuumada Somaliland ayaa imaanshiyaha Garaad Jaamac Garaad Cali 15 sanno kadib ku yimid Laascaanood ku tilmaantay nin gurigiisii yimid.

1/23/2023 6:19 AM EST
Isniin, January, 23, 2023 (HOL) - Garaad Jaamac Garaad Cali oo ah Garaadka guud ee deegaannada SSC, ayaa maanta si ballaaran loogusoo dhoweeyay magaalada Laascaanood ee gobolka Sool, halkaas oo ay ugu dambeeysay sannadkii 2007, xilligaas oo Laascaanood ay la wareegeen Somaliland.

1/23/2023 3:16 AM EST
Isniin, January, 23, 2023 (HOL) - Warar dheeraad ah ayaa kasoo baxaya dagaal geystay khasaare kala duwan oo saacadahii lasoo dhaafay ku dhexmaray deegaanka Sijngaleyr oo ka mid ah deegaanada hoostaga magaalada Kismaayo ciidamada maamulka Jubbaland iyo kuwa Al-shabaab.

1/23/2023 1:15 AM EST
Isniin, January, 23, 2023 (HOL) - Garaad Jaamac Garaad Cali oo ah isinka guud ee beelaha SSC ayaa maanta markii ugu horreysay 15 sano kadib tagaya magaalada Laascaanood.

1/23/2023 12:33 AM EST
Isniin, January, 23, 2023 (HOL) - Dowladda Soomaaliya ayaa si xooggan u cambaareysay falkii ay mas’uuliyiinta Sweden ugu ogolaadeen nin xag-jir ah inuu ku gubo safaaradda Turkiga ee magaalada Stockholm horteeda kutub ka mid ah Qur’aanka Kariimka ah, Sabtidii January 21.

1/23/2023 12:23 AM EST
Isniin, January, 23, 2023 (HOL) - Madaxweynaha dowlad degaanka Soomaalida Mustafe Cagjar ayaa qoraal uu soo dhigay bartiisa Facebook, waxa uu kaga hadlay arrimo dhawr ah oo ku saabsan Tulli-guuleed, Jigjiga iyo Diridhabe oo maalmihii u dambeeyay ka dhex guuxayay maskaxda shacabka dowlad degaanka Soomaalida.