1/27/2023
Today from Hiiraan Online:  _
Wararka Maanta- Isniin, Jan 23, 2023
15 sano kadib Garaadka guud ee SSC Garaad Jaamac Garaad Cali oo tagaya magaalada Laascaanood
 

Isniin, January, 23, 2023 (HOL) - Garaad Jaamac Garaad Cali oo ah isinka guud ee beelaha SSC ayaa maanta markii ugu horreysay 15 sano kadib tagaya magaalada Laascaanood.

Garaad Jaamac Garaad Cali ayaa ka qeyb galidoona shirweynaha aayo ka tashiga gobolka Sool iyo deegaanada la isku yiraado SSC ee ah Sool, Cayn iyo qeybo katirsan gobolka Sanaag.

Garaadka ayaa soo dhowayn ballaaran loogu diyaariyay magaalada Laascaanood, halkaas oo ay dhammaan ku sugan yihiin Isimada iyo cuqaasha SSC, iyadoo maanta lagu wado inuu furmo shirweynaha masiirka reer SSC.

Garaad Jaamac Garaad Cali waxaa magaalada Laascaanood ugu dambeysay sanadkii 2007, xilligaas oo Somaliland ay la wareegtay magaalada Laascaanood, kadib dagaallo dhexmaray iyaga iyo maamulka goboleedka Puntland.

Garaad Jaamac Garaad Cali wuxuu kamid yahay Isimada ku adag qaddiyadda midnimada Soomaaliya, wuxuuna katirsan yahay salaadiintii wax ka dhisay maamulkii Khaatuma ee faddhigiisu ahaa Buuhoodle.

Imaanshiyaha Garaadka ee Laascaanood, waxay kusoo beegmaysaa ku dhawaad muddo bil ah oo magaalada Laascaanood uu ka socday kacdoon lagaga soo horjeeday Somaliland.












Click here
1/23/2023 9:37 AM EST
Isniin, January, 23, 2023 (HOL) - Warar dheeraad ah ayaa kasoo baxaya khasaaraha ka dhashay howlgal ay barbar socdeen duqeymo dhanka cirka ah oo la sheegay in ciidamada dowladda Soomaaliya ay ka fuliyeen deegaanka Beer Faarax oo ka mid ah deegaanada hoostaga degmada Xarardheere ee gobolka Mudug.

1/23/2023 9:04 AM EST
Isniin, January, 23, 2023 (HOL) - Xukuumada Somaliland ayaa imaanshiyaha Garaad Jaamac Garaad Cali 15 sanno kadib ku yimid Laascaanood ku tilmaantay nin gurigiisii yimid.

1/23/2023 8:31 AM EST
Isniin, January, 23, 2023 (HOL) - Waxaa Maanta magaalada Muqdisho ka furmay shir weynaha Culimada Soomaaliyeed oo uu horay ugu baaqay madaxweynaha dowladda Fedaraalka Soomaaliya Xasan Sheekh Maxamuud.

1/23/2023 6:19 AM EST
Isniin, January, 23, 2023 (HOL) - Garaad Jaamac Garaad Cali oo ah Garaadka guud ee deegaannada SSC, ayaa maanta si ballaaran loogusoo dhoweeyay magaalada Laascaanood ee gobolka Sool, halkaas oo ay ugu dambeeysay sannadkii 2007, xilligaas oo Laascaanood ay la wareegeen Somaliland.

1/23/2023 3:16 AM EST
Isniin, January, 23, 2023 (HOL) - Warar dheeraad ah ayaa kasoo baxaya dagaal geystay khasaare kala duwan oo saacadahii lasoo dhaafay ku dhexmaray deegaanka Sijngaleyr oo ka mid ah deegaanada hoostaga magaalada Kismaayo ciidamada maamulka Jubbaland iyo kuwa Al-shabaab.

1/23/2023 12:33 AM EST
Isniin, January, 23, 2023 (HOL) - Dowladda Soomaaliya ayaa si xooggan u cambaareysay falkii ay mas’uuliyiinta Sweden ugu ogolaadeen nin xag-jir ah inuu ku gubo safaaradda Turkiga ee magaalada Stockholm horteeda kutub ka mid ah Qur’aanka Kariimka ah, Sabtidii January 21.

1/23/2023 12:23 AM EST
Isniin, January, 23, 2023 (HOL) - Madaxweynaha dowlad degaanka Soomaalida Mustafe Cagjar ayaa qoraal uu soo dhigay bartiisa Facebook, waxa uu kaga hadlay arrimo dhawr ah oo ku saabsan Tulli-guuleed, Jigjiga iyo Diridhabe oo maalmihii u dambeeyay ka dhex guuxayay maskaxda shacabka dowlad degaanka Soomaalida.