1/27/2023
Today from Hiiraan Online:  _
Wararka Maanta- Sabti, Jan 21, 2023
Puntland oo ka digtay in la faro galiyo shirweynaha aayo ka tashiga deeganada SSC ee ka furmaya Laascaanood
 

Sabti, January, 21, 2023 (HOL) - Madaxweyne ku xigeenka maamulka Puntland, Axmed Cilmi Cismaan (Axmed Karaash), ayaa ka digay in fara galin lagu sameeyo aayo katashiga deegaanada SSC.

Madaxweyne ku xigeenka oo maanta Garowe kulan la qaatay qaar kamid ah madax dhaqameedka gobolka Sool, ayaa sheegay inay kasoo horjeedaan in la siyaasadeeyo kacdoonka bulsho ee ka socda SSC.

Axmed Karaash wuxuu sheegay inay si buuxda u taageersan yihiin dadka deegaanku inay isugu yimaadaan shirweynaha aayo ka tashi ah SSC, kaas oo dhowaan ka furmaya magaalada Laascaanood.

Karaash wuxuu sheegay inay rajeynayaan inuu shirweynahaas kasoo baxo wax dan u ah masiirka bulshada.

Karaash waxa uu ku eedeeyay Somaliland inay dil iyo barakac joogta ah ku hayso shacabka, isagoo sheegay inuu guulaysan doono kacdoonka bulsho ee socdo.

Si kastaba ha ahaatee, magaalada Laascaanood waxaa kusii qulqulaya isimada dhaqanka ee kasoo jeeda gobolka Sool, kuwaas oo markii ugu horraysay la filayo inay go’aan masiiri ah kasoo saaraan xaaladda Laascaanood.

Dadka ku nool deegaanada SSC ayaa badi doonaya inay yeeshaan maamul ka madax bannaan Somaliland iyo Puntland.












Click here
1/21/2023 12:22 PM EST
Sabti, January, 21, 2023 (HOL) - Taliyaha booliska gobolka Banaadir Gaashaanle sare Macalin Mahdi, ayaa sheegay in askar loosoo xiray dilkii saakay Maxamed Cabdi Salaan oo Bajaajle ahaa loogu geystay degmada Howlwadaag.

1/21/2023 10:09 AM EST
Sabti, January, 21, 2023 (HOL) - Dowladda Mareykanka ayaa shaacisay in 30 ka mid ah dagaalamayaasha kooxda Al-shabaab lagu dilay duqeyn diyaaradeed oo laga fuliyay duuleedka deegaanka Galcad ee gobolka Galgaduud.

1/21/2023 7:00 AM EST
Sabti, January, 21, 2023 (HOL) - Xubnaha wasiirada Somaliland ee Laascaanood ku sugan ayaa sheegay in ay ogolyihiin shirkasta oo dhan oo aan ka hor imanayn qaranimada Somaliland, waxayna ka digeen faragalin shisheeye.

1/21/2023 5:51 AM EST
Sabti, January, 21, 2023 (HOL) - Ciidamada Xoogga Dalka iyo ciidamada ammaanka Jubbaland ayaa Alshabaab kala wareegay deegaanka Janaay Cabdalle oo 60 KM dhanka galbeed kaga beegan magaalada Kismaayo ee gobolka Jubbada hoose.

1/21/2023 3:46 AM EST
Sabti, January, 21, 2023 (HOL) - Cod laga duubay Wasiirka Arrimaha Guddaha Somaliland Maxamed Kaahin Axmed, ayaa muujinaya in xukuumadu ogolaatay in ay Laascaanood soogalaan odayaal wata ciidamo hubaysan.

1/21/2023 2:52 AM EST
Sabti, January, 21, 2023 (HOL) - Waxaa goordhaw lagu dilay isgoyska Howlwadaag ee magaalada Muqdisho wiil dhalinyaro ah oo ku shaqeeysanaayay Mooto Bajaaj oo lagu magacaabayay Maxamed Xeyle, kaasoo dilkiisa uu geystay askari ka tirsan ciidanka dowladda Soomaaliya.

1/21/2023 2:03 AM EST
Sabti, January, 21, 2023 (HOL) - Waxaa Maanta degan xaalada deegaanka Galcad ee gobolka Galgaduud oo shalay subaxnimadii hore ay ka dhaceen weerar khasaaro badan geystay, waxaana saakay halkaasi howlgalo baaritaano ah ka wada ciidamada dowladda iyo kuwa dadka deegaanka.

1/21/2023 12:47 AM EST
Sabti, January, 21, 2023 (HOL) - Maamulka Koonfur Galbeed sheegay inay jab xoogan u gaysteen kooxda Al-shabaab, kadib markii ay weerar ku soo qaadeen Deegaanka Goof-gaduud Buurey ee Gobolka baay.

1/21/2023 12:38 AM EST
Sabti, January, 21, 2023 (HOL) - Wararka ka imaanaya dalka Itoobiya ayaa sheegaya in Ciidamada Eritariya ay ka baxeen goobo ay kaga sugnaayeen Adwa iyo Aksum oo ka tirsan gobolka Tigray ee Waqooyiga dalka Itoobiya.