3/28/2024
Today from Hiiraan Online:  _
Wararka Maanta- Arbaco, Nov 23, 2022
Xukuumadda Somaaliya oo sheegtay in 600 Al-shabaab ah lagu dilay howlgallo lagu xoreeyay 68 deegaan
 

Arbaco, November, 23, 2022 (HOL) - Xukuumadda Soomaaliya ayaa sheegtay tiro ka badan 600 dagaalame oo katirsan AlShabaab in lagu dilay, sidoo kalena 1,200 lagu dhaawacay howlgallada ciidamada xooggu ku xoreeyeen in ka badan 68 deegaan.

Warbixin kasoo baxday xafiiska raysal wasaaraha oo looga hadlayay waxqabadka boqolka maalmood ee xukuumadda, ayaa lagu sheegay, inay dowladdu ku guulaysatay in ciidan ahaan, dhaqaale ahaan iyo fikrad ahaanba loola dagaalamay Alshabaab.

Xukuumadda Soomaaliya waxay sheegtay in la xasiliyay deegannadii laga saaray Alshabaab, islamarkaana la gaarsiiyay adeegyadii bulshada. Sidoo kalena dayactir lagu sameeyay ceelashii ay Alshabab burburiyeen.

Waxay xukuumaddu sheegtay in markii ugu horreysay la mideeyay aragtida culimada Soomaaliyeed ee ku aadan dagaalka ka dhan ah Alshabab, sidoo kalena xukuumaddu waxay sheegtay in lagu guulaystay in Alshabaab laga xayiro barihii ay ku faafin jireen dacaayadooda.

Inkastoo dowladdu sheegtay in guulo laga gaaray Alshabaab, haddana howlgalladii dib u xoraynta ayaa hakad ku yimid, taasoo keentay in Alshabaab ay helaan fursad ay isku urursadaan.

Siyaasiyiin horey xilal u soo qabtay ayaa sidoo kale ku dhaliilay dowladda in qorshe la’aan looga soo baxo deegaanno muhiim ah oo Alshabaab laga xoreeyay, waxayna sheegeen in arrintaas ay dhaawacayso kalsoonida howlgalka dib u xoraynta.













Click here
11/23/2022 4:04 PM EST
Arbaco, November, 23, 2022 (HOL) - Ganacsade Maxamed Jabuutaawi Caraale, oo leh mid kamid ah shirkadaha qaadka keena magaalada Laascaanood, ayaa si adag uga soo horjeestay shirkad cusub oo uu sheegay in xukuumadu ruqsad siisay.

11/23/2022 9:41 AM EST
Arbaco, November, 23, 2022 (HOL) - Xukuumada Somaliland ayaa sheegtay in marka la gaadho 26 December oo wakhtigii sharciga ahaa ee xisbiyadu ku egyahay, in xisbiga WADDANI urur noqonayo.

11/23/2022 8:54 AM EST
Arbaco, November, 23, 2022 (HOL) - Wasaaradda Warfaafinta Xukuumadda Fedaraalka Soomaaliya ayaa goordhaw shaacisay in howlgalo qorsheysan iyo duqeymo cirka ah oo ay ciidamada xoogga dalka, kuwa Nabadsugida iyo Sirdoonka Qaranka oo kaashanaya saaxiibada Caalamiga ah ka sameeyeen gobolka Shabeellaha Hoose lagu dilay dagaalamayaal badan oo ka tirsan Al-shabaab.

11/23/2022 8:48 AM EST
Arbaco, November, 23, 2022 (HOL) - Ugu yaraan todobo qof ayaa dhimatay kadib markii nin hubeysan uu rasaas ku furay dukaan ku yaalla magaalada Chesapeake, ee gobolka Virginia ee dalka Mareykanka, sida ay sheegeen saraakiisha amniga.

11/23/2022 7:12 AM EST
Arbaco, November, 23, 2022 (HOL) - Madaxweynaha Somaliland Muuse Biixi Cadi, ayaa xilkii ka qaaday xeer ilaaliyihii guud iyo wasiirkii horumarinta iyo maalgashiga Somaliland.

11/23/2022 4:14 AM EST
Arbaco, November, 23, 2022 (HOL) - Maxkamadda ciidamada qalabka sida ayaa xukun dil toogasho ah ku riday askari ka tirsana ciidanka Booliiska maamulka Koonfur Galbeed ee ka howlgala degmada Afgooye ee gobolka Shabeellaha Hoose.

11/23/2022 1:21 AM EST
Arbaco, November, 23, 2022 (HOL) - Wasaaradda Maaliyadda xukuumadda Soomaaliya ayaa sheegtay inay jawaab ka bixin doonto warbixintii uu Hanti-dhowrka guud ee Qaranka ee sida tooska ah warbaahinta looga sii daayay.