3/29/2024
Today from Hiiraan Online:  _
Wararka Maanta- Axad, July 31, 2022
Mustafe Cagjar: Waxaan aaminsannahay in 600 oo Alshabaab ah lagu dilay howlgalladii maalmahan socday

Axad, Luulyo, 31, 2022 (HOL) - Madaxweynaha dowlad deegaanka Soomaalida, Mustafe Muxumed Cagjar, ayaa sheegay in 600 oo askari oo katirsan Alshabaab lagu dilay dagaaladii ugu dambeeyay ee xadka Soomaaliya.

Madaxweynaha dowlad deegaanka, ayaa hadalkaan sheegay, xilli uu la hadlayay barlamaanka deegaanka Soomaalida, kuwaas oo su’aallo ka weydiinayay khasaaraha dagaalka.

Madaxweyne Cagjar waxa uu sheegay inay halis xooggan ka hortageen, kadib toban cishe oo ay dagaal adag kula jireen kooxda Alshabaab. Wuxuu sheegay inay muuqato ififaalo ku aadan inay ka guulaysanayaan Alshabaab.

“Waxaan aaminsannahay in 600 Alshabaab ah lagu dilay howlgalladii maalmahan socday, illaa kuwii shalay. Adna waxbaa kaa dhimanaya dabcan. Aan ku dilo oo waxbana iga dhiman maayaan socon mayso. Waa in la ogaado inaan dagaal ku jirno,” ayuu yiri madaxweynuhu.

Mustafe Cagjar wuxuu sheegay inay ka go’an tahay in ay ka guulaystaan Alshabaab islamarkaana ay ka hortagaan inay farriisin ka sameystaan gudaha deegaanka Soomaalida.

“Ujeedadoodu waxay ahayd inay deegaanka soo galaan, ciidan fara badan soo galiyaan, oo halkaas ay ka jabhadeeyaan. Laakiin, fursadaas lama siin. Waa howl ay ku fashilmeen si weynna loogu jebiyay,” ayuu yiri madaxweyne Cagjar.

Madaxweynuhu wuxuu qiray duulaanka Alshabaab inay sabab u tahay dayac badan oo uu kusoo arkay xuduudaha. Wuxuuse sheegay in la qaadidoono tallaabooyin dib wax loogu saxayo.












Click here
7/31/2022 6:13 PM EST
Axad, Luulyo, 31, 2022 (HOL) - Madaxweynaha Hirshabelle , Cali Cabdullaahi Xuseen (Cali Guudlaawe) ayaa goor dhow magacaabay golaha wasiirrada , ka dib labo sanno oo u xafiiska joogay.

7/31/2022 4:55 PM EST
Axad, Luulyo, 31, 2022 (HOL) - Guddoomiya xisbiga mucaaradka Somaliland ee UCID Faysal Cali Waraabe, ayaa sheegay in axsaabta mucaaradku qabanayaan bannaanbaxyo nabadgalyo.

7/31/2022 4:48 PM EST
Axad, Luulyo, 31, 2022 (HOL) - Shirkadaha lacagaha u dira Soomaaliya ee fadhigoodu yahay Sweden ayaa waxaa la soo daristay walwal wayn oo sabi kara in bisha July 2022 wixii ka danbeeya aanay bankiyada isticmaalin karin dhammaantood.

7/31/2022 9:52 AM EST
Axad, Luulyo, 31, 2022 (HOL) - Dagaalamayaasha Al-shabaab ayaa ka hadlay duqeymo diyaaradeed oo Maanta ka dhacay deegaanka Coomaad oo ka mid ah deegaanada hoostaga degmada Matabaan ee gobolka Hiiraan.

7/31/2022 9:21 AM EST
Axad, Luulyo, 31, 2022 (HOL) - 16-kii markab ee ugu horeeyay oo laga leeyahay dalka Ukraine, kuwaas oo ku socdaalaya marinka uu ilaalinayo dalka Turkiga, ayaa shixnaddoodii ugu horeysay oo gargaar ah gayndoona Soomaaliya.

7/31/2022 7:26 AM EST
Axad, Luulyo, 31, 2022 (HOL) - Wararka ka imaanaya deegaanka Coomaad oo ka mid ah deegaanada hoostaga degmada Matabaan ee gobolka Hiiraan ayaa sheegaya in Barqanimadii Maanta ay halkaasi duqeymo ka geysteen diyaarado dagaal.

7/31/2022 5:36 AM EST
Axad, Luulyo, 31, 2022 (HOL) - Dagaalamayaasha Al-shaaab ayaa 7 ruux oo dhamaantood ahaa rag ku toogtay goob fagaare ah oo ku taala deegaanka lagu magacaabo Buulaay ee ka tirsan gobolka Baay, kuwaas oo ay ku eedeeyeen inay ahayeen basaasiin u shaqenayay dowladda Federaalka ah ee Soomaaliya, dowladda Mareykanka iyo Maamulka Koonfur Galbeed.

7/31/2022 4:46 AM EST
Axad, Luulyo, 31, 2022 (HOL) - Ciidamo ka tirsan Nabadsugida gobolka Banaadir ayaa ku biiray howlgalada maalmahii dambe ciidanka Booliiska gobolka Banaadir ay kula dagaalamayeen Ciyaal weeradda dhibaatada ku haaya shacabka ku nool magaalada Muqdisho.

7/31/2022 2:03 AM EST
Axad, Luulyo, 31, 2022 (HOL) - Taliska ciidamada milatariga dalka Uganda ayaa beeniyay in ciidamo looga dilay weerarkii ismiidaaminta ahaa ee dhawaan ka dhacay magaalada Marka.