3/29/2024
Today from Hiiraan Online:  _
Wararka Maanta- Talaado, Jan 11, 2022
Madaxweynaha Somaliland oo markii ugu horaysay Maraykanka u safraya
 

Talaado, January, 11, 2022 (HOL) - Wasiirka Arrimaha Dibadda Somaliland D.R Ciise Kayd Maxamuud, ayaa sheegay in madaxweyne Biixi uu safar ku tagi doono dalka Maraykanka bisha saddexaad ee sannadkan.

Wasiir Kayd oo safaradiisii u danbeeyay xog kasiinayay Golaha Wakiilada Somaliland, ayaa sheegay in la qaban qaabiyay safar uu madaxweynaha Somaliland ku tagayo dalka Maraykanka, kadib waftigii ka socday shaqaalaha aqalka Koongaraska Maraykanka ee Somaliland soo booqday.

"Safarkaygii dabadii waa kuwii yimid waftigii Maraykanka ahaa, kuwiina waxay keeneen in aniga iyo madaxweynuhu cisha dhaw aanu kulan la yeelan doono Heritage Foundation, taasina ay sii xaadhi doonto safar loo qaban qaabiyay in madaxweynuhu uu ku tago waddanka Maraykanka March" ayuu yidhi wasiir Kayd.

Xidhiidhka Somaliland iyo dowlada Maraykanka, ayaa dad badan oo siyaasada falanqeeyaa ay aaminsanyihiin in uu isku badali karo xidhiidh adag oo dhab ah, waxaana jira xildhibaano ka tirsan Koongaraska Maraykanka, oo dabada ka riixaya in Maraykanku Somaliland la yeesho xidhiidh amaan oo ka madax banaan dowlada Soomaaliya.

Waxa jira qaybo kamid ah warbaahinta caalamka iyo dibulumaasiyiin bilihii u danbeeyay qorayay in  xidhiidhka Somaliland uu  Maraykanka ka caawin karo in uu is hortaago is balaadhinta dowlada China ee Afrika.

Abdilahi Geel-maal, Hiiraan Online
[email protected]












Click here
1/11/2022 3:17 PM EST
Talaado, Janaayo, 11, 2022 (HOL) - Qaar kamid ah Puntland oo uu horkacayo Boqor Burhaan Boqor Muuse ayaa go'aan kasoo saaray khilaafka madaxweynaha Puntland iyo hay'adda PSF.

1/11/2022 10:00 AM EST
Talaado, Janaayo, 11, 2022 (HOL) - Wasiirka Wasaaradda Ganacsiga iyo Warshadaha Xukuumadda xilgaarsiinta dowladda Soomaaliya ayaa wareegto uu soo saaray waxa uu ku sheegay inuu shaqada kaga joojiyay Maareeyaha guud ee hay'adda Tayo dhowrka Soomaaliyeed Aadan Xasan Barre.

1/11/2022 9:35 AM EST
Talaado, Janaayo, 11, 2022 (HOL) - Guddoomiyaha maamulka gobolka Banaadir ahna duqa magaalada Muqdisho Cumar Maxamuud Maxamed ayaa maanta shir guddoomiyay kulan ay isugu yimaadeen guddoomiyaasha degmooyinka gobolka Banaadir iyo laamaha amniga gobolka Banaadir.

1/11/2022 8:59 AM EST
Talaado, Janaayo, 11, 2022 (HOL) - Dowladda Soomaaliya ayaa maanta bilowday qeybinta gargaarkii dhawaan ka yimid dowladda Imaaraatka, waxaana loo daabulay magaalooyinka, Garbahaareey, Baladweyne iyo Xudur oo kamid ah meelaha ugu daran ee lagasoo sheegayo saamaynta abaaraha.

1/11/2022 7:28 AM EST
Talaado, January, 11, 2022 (HOL) - Waxa qarxay khilaaf u dhexeeya ganacsada wax kala soo degta Dekedda Berbera iyo shirkada DPworld ee gacanta ku haysta dib u dhiska iyo maamulka dekedda, kadib markii ay shirkadu kordhisay tacriifada ay ka qaado alaabaha dekedda kasoo daga.

1/11/2022 5:02 AM EST
Talaado, Janaayo, 11, 2022 (HOL) - Dowladda Kenya ayaa xoojisay howlihii shidaal baarista ee gobolka xeebta ee Lamu, ku dhawaad sanad kadib markii ay diiday go’aankii maxkamadda caddaalada adduunka ee la xiriirtay muranka ay galisay badda Soomaaliya.

1/11/2022 3:58 AM EST
Talaado, Janaayo, 11, 2022 (HOL) - Beesha caalamka ayaa soo dhoweysay shirkii golaha wadatashiga Qaran ee socday 3-9 Janaayo lagu gaaray is-afgarad ku saabsan wax ka bedelka iyo dib u habaynta habraaca iyo dedejinta waqtiga doorashada Golaha Shacabka.

1/11/2022 3:00 AM EST
Talaado, Janaayo, 11, 2022 (HOL) - Maxkamada ciidamada Qalabka Sida qeybta 27-aad ayaa maanta xukun dil toogasho ah ku fulisay askari ka tirsanaa ciidamada dowladda Soomaaliya oo horay u dilay qof shacab ah oo ka mid ah dadka reer Baled Xaawo.

1/11/2022 1:22 AM EST
Talaado, Janaayo, 11, 2022 (HOL) - Xamse Warfaa oo ahaa gudoomiye ku xigeenka waaxda shaqada iyo horumarinta dhaqaalaha ee gobolka Minnesota ayaa madaxweynaha dalka Maraykanka Joe Biden wuxuu u magacaabay lataliye sare oo ka tirsan wasaaradda arrimaha dibadda Maraykanka.

1/11/2022 1:12 AM EST
Talaado, Janaayo, 11, 2022 (HOL) - Wararka ka imaanaya deegaanka Qalimow ee gobolka Sh/dhexe ayaa sheegaya in goordhaw dagaalamayaal ka tirsan Al-shabaab ay si buuxda ula wareegeen gacan ku heynta deegaankaasi.

1/11/2022 12:06 AM EST
Talaado, Janaayo, 11, 2022 (HOL) - Madaxweynaha Soomaaliya Maxamed Cabdullaahi Farmaajo ayaa soo dhoweeyay shirka wadatashiga qaran iyo go'aannada kasoo baxay.