3/28/2024
Today from Hiiraan Online:  _
Wararka Maanta- Khamiis, Aug 4 , 2022
Xukuumada Somaliland oo markale ka digtay mudaharaadka mucaaradka
 

Khamiis, Ogosto, 4, 2022 (HOL) - Xukuumada Somaliland, ayaa markale xisbiyada mucaaradka uga digtay in ay qabtaan mudaharaad anay ogolaansho uga helin xukuumada.

Wasiirka Arrimaha Guddaha Somaliland Maxamed Kaahin Axmed, oo xafiiskiisa warbaahinta kula hadlay, ayaa sheegay in sharcigu uu xalaaleeyay in muwaadinku mudaharaadi karo, lakiin ay tahay in xeerka nidaamka dad waynaha loo raaco.

"Dastuur keenu waxa uu sheegayaa in qofka muwaadinka ahi uu xaq u leeyahay in la doorto uu waxna doorto iyo in uu mudaharaado, in hadana qaabka mudaharaadka loo samaynayaa uu noqdo mid waafaqsan xeerka" ayuu yidhi wasiir Kaahin.

Waxa uu sheegay in xeerku sheegayo in cidii mudaharaad qabanaysa ay 3 cisho kahor kasoo codsanayso wasaarada arrimaha gudaha, maamulka gobolka, isla markaana ay codsigooda ku xusayaan sababta mudaharaadka, tiradooda, kadibna loo fasaxayo oo booliisku ilaalinayo.

Wasiirka ayaa sheegay in masuuliyiin doonaya in ay umada maamulaan oo ay madaxweynayaal noqdaan anay u haboonayn in ay abaabulaan mudaharaad anay sharciga u marin, oo fawdo iyo nabadgalyo daro ka dhalan karto.

"Mudaharaad ayna cidna u sheegin, oo hanjabaadi ku jirto, oo fawdo ku jirto, oo nabadgalyo daro ku jirto, ayaanu dhigaynaa, berritona waxaanu doonayna in aanu dalka madaxweynayaal ka noqono, labadaasi isma galayaan" ayuu yidhi wasiir Kaahin.

Hadalka wasiirka ayaa noqonaya kii labaad ee uu mudaharaadka kaga digo laba cisho gudahood, isaga oo shalay la shiray madaxda ciidamada, maamulka gobolka Maroodijeex iyo ka caasimada Hargaysa, una sheegay in ay ka hortagaan mudaharaadka.

Hadaba, xisbiga Kulmiye ayaa xiligii uu mucaaradka ahaa ku caan ahaa in ay qabtaan mudaharaado rabshado wata oo anay sharciga u marin, iyadoo marar badan ay dad ku dhinteen, hanti dowladeedna lagu gubay, isku dhacyo dhexmaray taageerayaasha Kulmiye iyo booliiska.

Abdilahi Geel-maal, Hiiraan Online
[email protected]












Click here
8/4/2022 11:01 AM EST
Khamiis, Agoosto, 4, 2022 (HOL) - Madaxweyne ku xigeenadda dowlad goboleedyada Jubbaland iyo Galmudug ayaa ka horyimid Xukuumadda cusub ee Raysal wasaare Xamse uu ku dhawaaqay maalin ka hor, iyagoo sheegay in lagu xad gudbay habka awood qeybsiga beelaha Daarood.

8/4/2022 10:53 AM EST
Khamiis, Agoosto, 4, 2022 (HOL) - Waxaa xalay ku geeriyooday waddanka Talyaaniga allaha unaxariistee, wariye Cali Muuse Cabdi oo ka mid ahaa weriyayaashii ugu magaca dheeraa ee saxaafadda Soomaaliyeed.

8/4/2022 10:46 AM EST
Khamiis, Agoosto, 4, 2022 (HOL) - Puntland ayaa ku eedeysay Somaliland inay duullaan ciidan ku sooo qaadday magaalada Boocame ee gobolka Sool, iyagoo watay 45 tigniko ah, oo galbinayay guddoomiyaha gobolka Sool ee Somaliland iyo saraakiil ciidan oo ka yimid magaalada Laascaanood.

8/4/2022 8:57 AM EST
Khamiis, Ogosto, 4, 2022 (HOL) - Xisbiyada mucaaradka Somaliland ee Waddani iyo UCID, ayaa ku hanjabay in ay iska celin doonaan xukuumada, iyaga madaxweynaha ku eedeeyay in uu ergo walba diiday.

8/4/2022 5:48 AM EST
Khamiis, Agoosto, 4, 2022 (HOL) - Maxkamad ku taalla magaalada Mandheera ee dalka Kenya ayaa 20 sano oo xabsi ah ku xukuntay haweeney Soomaali ah oo si sharci darro ah u haysatay hub.

8/4/2022 4:05 AM EST
Khamiis, Agoosto, 4, 2022 (HOL) - Fu'aad Maxamed Khalaf oo loo garasho og yahay Fu'aad Shongale, islamarkaana ka mid ah madaxda sare ee dagaalyahanada Al-shabaab oo la hadlay warbaahinta Shabaabka ayaa wax lagu qoslo ku tilmaamay sheegashada dowladda Itoobiya ay ku sheegatay iney ku dishay isaga iyo saraakiil kale dagaaladii la dhacay deegaanka Aato iyo Yeed ee gobolka Bakool.

8/4/2022 2:38 AM EST
Khamiis, Agoosto, 4, 2022 (HOL) - Hay'adda Qaramada Midoobay u qaabilsan arrimaha bini'aadantinimada ayaa bixisay 9.5 milyan oo dollar si gargaar bini'aadinimo oo deg deg ah loo gaarsiiyo bulshada ku dhaqan meelaha macaluusha ay ka jirto ee gudaha Soomaaliya.

8/4/2022 2:00 AM EST
Khamiis, Agoosto, 4, 2022 (HOL) - Jaylaani Xuseen, oo ah agaasimaha fulinta ee Golaha Xiriirka Maraykanka iyo Islaamka-Minnesota (CAIR-MN), oo dhawaan booqasho ku tagay Soomaaliya, ayaa soo soo saaray warbixintii ugu weyneyd ee u kaga ka waramayo faragelinta Mareykanka ee Soomaaliya iyo xasillooni darrada siyaasadeed ee ka dhalatay.