3/28/2024
Today from Hiiraan Online:  _
Wararka Maanta- Khamiis, Aug 4 , 2022
Kenya oo 20 sano oo xarig ah ku xukuntay haweeney Soomaaliyeed oo lagu eedeeyay inay hub ka soo tahriibisay Soomaaliya
 

Khamiis, Agoosto, 4, 2022 (HOL) - Maxkamad ku taalla magaalada Mandheera ee dalka Kenya ayaa 20 sano oo xabsi ah ku xukuntay haweeney Soomaali ah oo si sharci darro ah u haysatay hub.

Haweeneydan ayaa lagu eedeeyay dambi ah inay hubka kasoo xaday booliiska Soomaaliya, una baxsatay dalka Kenya ee deriska la ah.

Garsooraha Maxkamadda Mandheera Kimani Mukabi ayaa ku helay Jamiila Macallin Xuseen Eymoi dambiga ay gashay March 2021, wuxuuna caddeymo kadib ku xukumay 20 sano inay ku qaadato xabsi dhexdiis.

Jamila waxa ay qiratay dambiga iyada oo qaadatay rafcaan 22-kii Abriil, 2022, laakiin markii dambe waxa ay ka noqotay racfaankeeda markii ay xeer ilaalintu difaacday dambiga lagusoo oogay.

Eedeysanaha ayaa lagusii daayay damiin bishii March 2022, balse waxaa lagu xiray March 26, 2022, magaalada Mooyaale xilli ay isku dayday inay u gudubto Itoobiya.

Sida ay sheegtay xeer ilaalinta, sarkaal ka tirsan dowladda Soomaaliya ayaa ku wargeliyay sarkaal Kenyan ah oo ku sugan xuduudka Buula Xaawo, in qori AK 47 ah laga soo xaday dhinacooda, wuxuuna u gudbiyay lambaro taleefan iyo sawirro eedeysanaha.

Booliska ayaa sheegay in ay Jamiila hubka si qarsoodi ah ugu soo xaday guriga adeerkeed oo ku yaala magaalada Mandheera isaga oo aan ka warqabin. Maalmo ka dib, booliisku waxay xoog ku galeen guriga Jamiila waxayna kasoo saareen hubkii loo haystay.












Click here
8/4/2022 11:01 AM EST
Khamiis, Agoosto, 4, 2022 (HOL) - Madaxweyne ku xigeenadda dowlad goboleedyada Jubbaland iyo Galmudug ayaa ka horyimid Xukuumadda cusub ee Raysal wasaare Xamse uu ku dhawaaqay maalin ka hor, iyagoo sheegay in lagu xad gudbay habka awood qeybsiga beelaha Daarood.

8/4/2022 10:53 AM EST
Khamiis, Agoosto, 4, 2022 (HOL) - Waxaa xalay ku geeriyooday waddanka Talyaaniga allaha unaxariistee, wariye Cali Muuse Cabdi oo ka mid ahaa weriyayaashii ugu magaca dheeraa ee saxaafadda Soomaaliyeed.

8/4/2022 10:46 AM EST
Khamiis, Agoosto, 4, 2022 (HOL) - Puntland ayaa ku eedeysay Somaliland inay duullaan ciidan ku sooo qaadday magaalada Boocame ee gobolka Sool, iyagoo watay 45 tigniko ah, oo galbinayay guddoomiyaha gobolka Sool ee Somaliland iyo saraakiil ciidan oo ka yimid magaalada Laascaanood.

8/4/2022 8:57 AM EST
Khamiis, Ogosto, 4, 2022 (HOL) - Xisbiyada mucaaradka Somaliland ee Waddani iyo UCID, ayaa ku hanjabay in ay iska celin doonaan xukuumada, iyaga madaxweynaha ku eedeeyay in uu ergo walba diiday.

8/4/2022 7:46 AM EST
Khamiis, Ogosto, 4, 2022 (HOL) - Xukuumada Somaliland, ayaa markale xisbiyada mucaaradka uga digtay in ay qabtaan mudaharaad anay ogolaansho uga helin xukuumada.

8/4/2022 4:05 AM EST
Khamiis, Agoosto, 4, 2022 (HOL) - Fu'aad Maxamed Khalaf oo loo garasho og yahay Fu'aad Shongale, islamarkaana ka mid ah madaxda sare ee dagaalyahanada Al-shabaab oo la hadlay warbaahinta Shabaabka ayaa wax lagu qoslo ku tilmaamay sheegashada dowladda Itoobiya ay ku sheegatay iney ku dishay isaga iyo saraakiil kale dagaaladii la dhacay deegaanka Aato iyo Yeed ee gobolka Bakool.

8/4/2022 2:38 AM EST
Khamiis, Agoosto, 4, 2022 (HOL) - Hay'adda Qaramada Midoobay u qaabilsan arrimaha bini'aadantinimada ayaa bixisay 9.5 milyan oo dollar si gargaar bini'aadinimo oo deg deg ah loo gaarsiiyo bulshada ku dhaqan meelaha macaluusha ay ka jirto ee gudaha Soomaaliya.

8/4/2022 2:00 AM EST
Khamiis, Agoosto, 4, 2022 (HOL) - Jaylaani Xuseen, oo ah agaasimaha fulinta ee Golaha Xiriirka Maraykanka iyo Islaamka-Minnesota (CAIR-MN), oo dhawaan booqasho ku tagay Soomaaliya, ayaa soo soo saaray warbixintii ugu weyneyd ee u kaga ka waramayo faragelinta Mareykanka ee Soomaaliya iyo xasillooni darrada siyaasadeed ee ka dhalatay.