9/27/2022
Today from Hiiraan Online:  _
Wararka Maanta- Khamiis, Sept 22, 2022
Puntland oo gacanta ku dhigtay ninkii sameeyay qaraxii ka dhacay Tuulada Milxo ee lixda qof ku dhinten
 

Khamiis, September, 22, 2022 (HOL) - Puntland ayaa sheegtay inay gacanta ku dhigtay ninkii sameeyay qarax ay lix qof ku dhinteen oo ka dhacay tuulada Macdanta laga qodo ee Milxo oo hoos tagta degmada Laasqorey ee gobolka Sanaag.

War qoraal kasoo baxay hay’adda PSF ayaa lagu sheegay in ninkaan oo katirsanaa Alshabaab lagu qabtay magaalada Boosaaso, kadib markii hay’addaha amnigu baaritaan sameeyeen ayna ogaadeen inuu yahay shakhsigii maleegay qaraxa.

Ugu yaraan lix qof ayaa ku geeriyooday qaraxaas, halka ay 11 kale ku dhaawacmeen. Taliska PSF ayaa sheegay inay ninkan kusoo qabteen howl gal qorshaysan oo ay ka fuliyeen Bosaso.

Waxay ku tilmaameen inuu ahaa farsamo yaqaan ku takhsusay sameynta waxyaabaha Qarxa. Ciidanka PSf ayaa horey gacanta ugusoo dhigay shakhsiyaad dhowr ah oo katirsanaa Alshabaab iyo Daacish, kuwaas oo dhawaan maxkamadda ciidamadu ay dil ku xuntay.

Deegaanka Milxo ee qaraxa ka dhacay waa deegaan ay ku nool yihiin dad xoogsato ah oo ka shaqeysta qodista dhulka si ay macdan uga baaraan.

Alshabaab ayaa meelo ku dhow deegaankaas ku sugan. Waxaana dhowr dhacay iska hor imaad u dhaxeeya Alshabaab iyo xoogsatada deegaankaas.












Click here
9/22/2022 10:22 AM EST
Khamiis, September, 22, 2022 (HOL) - Shirka todobaadlaha ee golaha wasiiradda maamul goboleedka Jubaland oo uu Maanta shir gudoomiyay madaxweynaha dowladda goboleedka Jubbaland Axmed Maxamed Islaam, Axmed Madoobe ayaa diirada lagu saarayay arimaha amniga iyo la dagaalanka Al-shabaab.

9/22/2022 7:02 AM EST
Khamiis, September, 22, 2022 (HOL) - Golaha wasiirrada ee Soomaaliya ayaa maanta isku raacay in la xoojiyo kaalinta siyaasadda amniga qaranka ee ku aadan hagista howlgallada dalka looga xoreynayo kooxda Alshabaab.

9/22/2022 6:50 AM EST
Khamiis, September, 22, 2022 (HOL) - Wararka nagasoo gaaraya degmooyinka Maxaas iyo Buulaburte ee gobolka Hiiraan ayaa sheegaya in ciidamo ka tirsan kuwa dib u xoreynta deegaanka iyo ciidanka dowladda Soomaaliya ay ka kala ruqaan sadeen degmooyinka Maxaas iyo Buulaburte, islamarkaana ay ku wahajan yihiin degmada Moqokori ee gobolka Hiiraan.

9/22/2022 3:41 AM EST
Khamiis, September, 22, 2022 (HOL) - Guddoomiyaha maamulka gobolka Banaadir ahna duqa magaalada Muqdisho Yuusuf Xuseen Jimcaale Madaale oo Xalay warbaahinta kula hadlay magaalada Muqdisho, kadib markii ciidamada dowladda howlgalo saacado badan qaatay ay ka sameeyeen qaar ka mid ah xaafadaha degmada Kaaraan ee Waqooyiga magaalada Muqdisho.

9/22/2022 1:31 AM EST
Khamiis, September, 22, 2022 (HOL) - Wasiirka horumarinta UK Vicky Ford ayaa ku dhawaaqday taageero cusub oo lagu taageerayo dadka ay saameysay abaartii ugu xumayd ee ku dhufatay Soomaaliya.

9/22/2022 1:23 AM EST
Khamiis, September, 22, 2022 (HOL) - Daraasad lagu sameeyay shacabka Somaliland ayaa lagu ogaaday heerka aaminsanaanta shacabka ee qaranimada Somaliland, heerka taageerada ay u hayaan xisbiyada siyaasada, halka ay ka taaganyihiin khilaafka siyaasadeed iyo arrimo kale oo muhiima.