11/27/2022
Today from Hiiraan Online:  _
Wararka Maanta- Khamiis, Nov 24, 2022
Madaxweyne Xasan Sheekh oo gaaray deegaanka Nuur-Dugle oo laga xoreeyay Alshabaab
 

Khamiis, November, 24, 2022 (HOL) - Madaxweynaha dowladda Soomaaliya Xasan Sheekh Maxamuud ayaa gaaray deegaanka Nuur-dugle ee Hirshabelle oo ka mid ah goobaha ciidamada Xoogga dalka iyo shacabka oo iskaashanaya ay ka xoreeyeen Alshabaab.

Madaxweyne Xasan Sheekh ayaa ciidamada Xoogga dalka iyo shacabka ku nool Hirshabelle, gaar ahaan Nuur-dugle iyo deegaanada ku xeeran ku ammaanay guulaha ay ka gaareen dagaalka ay kula jiraan Alshabaab, waxa uuna ku dhiirri geliyay in ay sii wadaan halgankooda.

“Soomaaliya maanta waxa ay leedahay hal cadaw, cadawgaasna waa Alshabaab, argagixisadu door kuma lahan dalkeenna, dowladda Soomaaliya waxaa ka go’an in waddankaan laga ciribtiro Alshabaab, qofkasta oo Soomaali ah waxaa saaran masuuliyad in uu kaalintiisa ka qaato dagaalka aan kula jirno cadawga,” ayuu yiri madaxweynuhu.

Madaxweynaha waxa uu sheegay in dowaladdu ay sii wadi doonto dagaalka inta Alshabaab ay ku harsan tahay meel ka mid ah dhulka Soomaaliya, waxa uuna intaas raaciyay in adeegga dowladnimada la gaarsiin doono degmooyinka iyo deegaanada laga xoreeyay Alshabaab.

Waa safarkii labaad oo madaxweynuhu ku tagayo deegaannada laga xoreeyay Alshabaab, muddo labo todobaad gudaheed. Todobaadkii hore wuxuu madaxweynuhu isku maray deegaano ka kala tirsan Hirshabeelle iyo Galmudug, kuwaas oo Alshabaab laga xoreeyay.












Click here
11/24/2022 10:43 AM EST
Khamiis, November, 24, 2022 (HOL) - Hanti-dhowrka guud ee Qaranka, Maxamed Maxamuud Cali Afgooye ayaa kulan la qaatay guddiga Miisaaniyadda, Maaliyadda, qorsheynta, iyo iskaashiga caalamiga ah iyo la xisaabtanka hay’adaha dowladda ee baarlamaanka.

11/24/2022 9:38 AM EST
Khamiis, November, 24, 2022 (HOL) - Waxaa maanta magaalada Maqalle ee gobolka Tigray gaaray Ergayga gaarka ah ee Midawga Afrika u qaabilsan Geeska Afrika Olusegun Obasanjo, iyadoo halkaas uu ku soo dhaweeyay Hoggaamiyaha TPLF ahna Madaxweynaha degaanka Tigray Debretsion G/Michael.

11/24/2022 8:36 AM EST
Khamiis, November, 24, 2022 (HOL) - Shirka Golaha Wasiirrada Xukuumadda Fedaraalka Soomaaliya oo uu shir guddoomiyey Raysal wasaaraha Soomaaliya Xamse Cabdi Barre, ayaa lagu ansixiyey laba Hindse Sharciyeed oo kala ahaa Qaraar la xiriira deegaannada laga xorreeyay Kooxda Shabaab iyo soo jeedinta magacaabista guddoomiye ku xigeenka cusub ee Bangiga Dhexe.

11/24/2022 2:42 AM EST
Khamiis, November, 24, 2022 (HOL) - Golaha Midowga Afrika (AU) ayaa kulankiisii 1121-aad, ee la qabtay 11-kii bishaan November 2022, ku tixgaliyay codsi ka yimid Dowladda Soomaaliya ee ah dhimista ciidamada ATMIS.

11/24/2022 2:12 AM EST
Khamiis, November, 24, 2022 (HOL) - Warar dheeraad ah ayaa kasoo baxaya khasaaraha ka dhashay dagaalo culus oo ku dhexmaray deegaanka Ceeldheere Buraale ciidamada dib u xureynta deegaanka oo garab ka helaya ciidanka dowladda Soomaaliya iyo kuwa Al-shabaab.

11/24/2022 1:23 AM EST
Khamiis, November, 24, 2022 (HOL) - Ugu yaraan 12 dagaalame oo ka tirsan Al-Shabaab ayaa lagu dilay tiro kalena waa lagu dhaawacay kaddib dagaallo ay ciidamada Kenya la galeen kooxda Alshabaab.