11/27/2022
Today from Hiiraan Online:  _
Wararka Maanta- Khamiis, Nov 24, 2022
Hanti-dhowrka guud iyo guddiga barlamaanka ee miisaaniyadda oo ka wada hadlay la xisaabtanka hay’adaha dowladda

Khamiis, November, 24, 2022 (HOL) - Hanti-dhowrka guud ee Qaranka, Maxamed Maxamuud Cali Afgooye ayaa kulan la qaatay guddiga Miisaaniyadda, Maaliyadda, qorsheynta, iyo iskaashiga caalamiga ah iyo la xisaabtanka hay’adaha dowladda ee baarlamaanka.

Kulanka ayaa intii uu socday waxaa warbixin kooban oo ku saabsan waxyaabihii ugu muhiimsanaa ee ka soo baxay warbixin sanadeedka 2021-ka uu hanti dhowrku la wadaagay guddiyada maaliyadda ee golaha Shacabka.

Kulanka ayaa sidoo kale lagu lafa guray dardar gelinta dadaallada lagu saxayo qaladaadka uu soo bandhigay Xafiiska Hanti dhowrka guud iyo doorka guddiga Maaliyadda ee la xisaabtanka hay’adaha dowladda ee sida gaarka ah ay khuseyso warbixinta.

Maalmo kahor ayay ahayd markii  Xafiiska Hantidhowrka uu shaaciyay warbixin sanadeedka dakhliga iyo dhaqaalaha iyo habka ay u maamuleen hay’addaha dowladda.

Warbixinta oo ka kooban 238 bog waxaa lagu soo bandhigay faahfaahinta baaritaan dhaqaale oo lagu sameeyay 29 hay’addaha dowladda ah iyo labo safaarad oo ay Soomaaliya ku leedahay dibedda.

Baaritaankaas ayaa muujiyay dhaqaale loo maamulay hab shaki leh oo aan caddeyn, sida heshiisyo dhaqaale oo aan la caddeyn, lacago lagu shubay bangi aan ahayn kii dowladda, iyo xisaab xir aan isu-dheellitirnayn. Khaladaadkaas maaliyadeed waxay dhaceen sanadkii 2021dii.












Click here
11/24/2022 10:53 AM EST
Khamiis, November, 24, 2022 (HOL) - Madaxweynaha dowladda Soomaaliya Xasan Sheekh Maxamuud ayaa gaaray deegaanka Nuur-dugle ee Hirshabelle oo ka mid ah goobaha ciidamada Xoogga dalka iyo shacabka oo iskaashanaya ay ka xoreeyeen Alshabaab.

11/24/2022 9:38 AM EST
Khamiis, November, 24, 2022 (HOL) - Waxaa maanta magaalada Maqalle ee gobolka Tigray gaaray Ergayga gaarka ah ee Midawga Afrika u qaabilsan Geeska Afrika Olusegun Obasanjo, iyadoo halkaas uu ku soo dhaweeyay Hoggaamiyaha TPLF ahna Madaxweynaha degaanka Tigray Debretsion G/Michael.

11/24/2022 8:36 AM EST
Khamiis, November, 24, 2022 (HOL) - Shirka Golaha Wasiirrada Xukuumadda Fedaraalka Soomaaliya oo uu shir guddoomiyey Raysal wasaaraha Soomaaliya Xamse Cabdi Barre, ayaa lagu ansixiyey laba Hindse Sharciyeed oo kala ahaa Qaraar la xiriira deegaannada laga xorreeyay Kooxda Shabaab iyo soo jeedinta magacaabista guddoomiye ku xigeenka cusub ee Bangiga Dhexe.

11/24/2022 2:42 AM EST
Khamiis, November, 24, 2022 (HOL) - Golaha Midowga Afrika (AU) ayaa kulankiisii 1121-aad, ee la qabtay 11-kii bishaan November 2022, ku tixgaliyay codsi ka yimid Dowladda Soomaaliya ee ah dhimista ciidamada ATMIS.

11/24/2022 2:12 AM EST
Khamiis, November, 24, 2022 (HOL) - Warar dheeraad ah ayaa kasoo baxaya khasaaraha ka dhashay dagaalo culus oo ku dhexmaray deegaanka Ceeldheere Buraale ciidamada dib u xureynta deegaanka oo garab ka helaya ciidanka dowladda Soomaaliya iyo kuwa Al-shabaab.

11/24/2022 1:23 AM EST
Khamiis, November, 24, 2022 (HOL) - Ugu yaraan 12 dagaalame oo ka tirsan Al-Shabaab ayaa lagu dilay tiro kalena waa lagu dhaawacay kaddib dagaallo ay ciidamada Kenya la galeen kooxda Alshabaab.