11/27/2022
Today from Hiiraan Online:  _
Wararka Maanta- Arbaco, Nov 23, 2022
Madaxweynaha Somaliland oo isku shaandhayn ku sameeyay xukuumadiisa
 

Arbaco, November, 23, 2022 (HOL) - Madaxweynaha Somaliland Muuse Biixi Cadi, ayaa xilkii ka qaaday xeer ilaaliyihii guud iyo wasiirkii horumarinta iyo maalgashiga Somaliland.

Wareegto ka soo baxday Madaxtooyada Somaliland, ayaa lagu sheegay in madaxweyne Biixi uu xilkii ka qaaday Wasiirka Maalgashiga Cabdillaahi Cabdiraxmaan Aare, iyo Xeer Ilaaliyihii Guud Xasan Axmed Aadan.

Madaxweynaha ayaa wasiirka wasaarada maalgashiga u magacaabay Aamina Cilmi Fariid Badeed, halka uu xeer ilaaliyaha guudna u magacaabay Cabdiraxmaan Jaamac Hayaan Hoorri.

"Waxaan go’aamiyey in Cabdiraxmaan Jaamac Hayaan Hoorri laga bilaabo taariikhda maanta uu ahaado Xeer-ilaaliyaha Guud ee Qaranka Jamhuuriyadda Somaliland, Aamina Cilmi Fariid Badeed na laga bilaabo taariikhda maanta ay ahaato Wasiirka Wasaaradda Horumarinta Maalgashiga iyo Warshadaha Jamhuuriyadda Somaliland".

Wareegtada xilka qaadista iyo magacaabista ah, ayaa waxa ku saxeexnaa Madaxweynaha Somaliland Muuse Biixi Cabdi.

Abdilahi Geel-maal, Hiiraan Online
[email protected]












Click here
11/23/2022 4:04 PM EST
Arbaco, November, 23, 2022 (HOL) - Ganacsade Maxamed Jabuutaawi Caraale, oo leh mid kamid ah shirkadaha qaadka keena magaalada Laascaanood, ayaa si adag uga soo horjeestay shirkad cusub oo uu sheegay in xukuumadu ruqsad siisay.

11/23/2022 9:41 AM EST
Arbaco, November, 23, 2022 (HOL) - Xukuumada Somaliland ayaa sheegtay in marka la gaadho 26 December oo wakhtigii sharciga ahaa ee xisbiyadu ku egyahay, in xisbiga WADDANI urur noqonayo.

11/23/2022 8:54 AM EST
Arbaco, November, 23, 2022 (HOL) - Wasaaradda Warfaafinta Xukuumadda Fedaraalka Soomaaliya ayaa goordhaw shaacisay in howlgalo qorsheysan iyo duqeymo cirka ah oo ay ciidamada xoogga dalka, kuwa Nabadsugida iyo Sirdoonka Qaranka oo kaashanaya saaxiibada Caalamiga ah ka sameeyeen gobolka Shabeellaha Hoose lagu dilay dagaalamayaal badan oo ka tirsan Al-shabaab.

11/23/2022 8:48 AM EST
Arbaco, November, 23, 2022 (HOL) - Ugu yaraan todobo qof ayaa dhimatay kadib markii nin hubeysan uu rasaas ku furay dukaan ku yaalla magaalada Chesapeake, ee gobolka Virginia ee dalka Mareykanka, sida ay sheegeen saraakiisha amniga.

11/23/2022 4:14 AM EST
Arbaco, November, 23, 2022 (HOL) - Maxkamadda ciidamada qalabka sida ayaa xukun dil toogasho ah ku riday askari ka tirsana ciidanka Booliiska maamulka Koonfur Galbeed ee ka howlgala degmada Afgooye ee gobolka Shabeellaha Hoose.

11/23/2022 4:08 AM EST
Arbaco, November, 23, 2022 (HOL) - Xukuumadda Soomaaliya ayaa sheegtay tiro ka badan 600 dagaalame oo katirsan AlShabaab in lagu dilay, sidoo kalena 1,200 lagu dhaawacay howlgallada ciidamada xooggu ku xoreeyeen in ka badan 68 deegaan.

11/23/2022 1:21 AM EST
Arbaco, November, 23, 2022 (HOL) - Wasaaradda Maaliyadda xukuumadda Soomaaliya ayaa sheegtay inay jawaab ka bixin doonto warbixintii uu Hanti-dhowrka guud ee Qaranka ee sida tooska ah warbaahinta looga sii daayay.