5/20/2022
Today from Hiiraan Online:  _
Wararka Maanta- Isniin, May 9 , 2022
Guddiga doorashada oo diiwaan galiyay Haweeneydii ugu horreysay oo u tartami doonta xilka madaxweynaha Soomaaliya

Isniin, May, 9, 2022 (HOL) - Fowsiyo Yuusuf Xaaji Aadan ayaa noqondoonta haweeneyda Soomaaliyeed ee ugu horreysay ee u tartami doonta xilka madaxweyna Soomaaliya.

Fowsiyo ayaa maanta si rasmi ah isaga diiwaan galisay guddiga qaban qaabada doorashada madaxweynaha, iyadoo buuxisay dhamaan sharuudihii looga baahnaa.

Fowsiyo oo hadda ah xildhibaan katirsan barlamaanka aqalka hoose waxay sannadkii hore shaacisay inay u taagan tahay xilka madaxweynaha.

Waxay horey usoo noqotay Ra'iisul wasaare ku xigeen iyo wasiirkii arrimaha dibadda Soomaaliya ee dowladdii uu madaxweynaha ka ahaa Xasan Sheikh Maxamuud, waxayna sidoo kale muddo ka badan toban sano tahay xildhibaan katirsan golaha shacabka.

Waa siyaasad caan oo kasoo jeeda gobolada waqooyi ee Somaliland, waxayna sidoo kale madax ka tahay xisbi siyaasadeed lagu macaabo UDP .

Ma jirto haweeney Soomaaliyeed oo xilka madaxweynaha horey ugusoo tartantay, waxaana la ogyahay inta badan haweenka hanku kaga jiro xilka madaxweynaha inay ku hari jireen marka la gaaro sharuudaha diiwaan galinta.

Dhowaan ayay ahayd markii guddoomiye ku xigeenka koowaad ee barlamanka ay ku guulaysatay sacdiyo Yaasiin Xaaji Salaad oo noqotay haweeneydii ugu horreysay ee xilkaas qabata.

Abdiweli M. Sheikh, Hiiraan Online
[email protected]












Click here
5/9/2022 1:52 PM EST
Isniin, May, 9, 2022 (HOL) - Guddiga qabanqaabada doorashada madaxweynaha Soomaaliya ayaa soo saaray habraaca amniga doorashada madaxweynaha goobta ay ka dhaceyso oo ah Teendhada Afisyooni ee magaalada Muqdisho.

5/9/2022 11:09 AM EST
Isniin, May, 9, 2022 (HOL) - Guddoomiyaha Xisbiga Waddani Xirsi Cali Xaaji Xasan, ayaa qudbad sannadeedka madaxweynaha Somaliland uu u jeediyay labada gole baarlamaan ku tilmaamay qudbad aan nuxur badan lahayn.

5/9/2022 11:03 AM EST
Isniin, May, 9, 2022 (HOL) - Iyadoo maalintii labaad ay ka socoto magaalada Muqdisho diiwaan galinta Musharaxiinta dooneysa xilka madaxweynaha Jamhuuriyadda Fedaraalka Soomaaliya, ayaa waxaa sii kordhaya tirada Musharaxiinta is diiwaan galineysa.

5/9/2022 10:38 AM EST
Isniin, May, 9, 2022 (HOL) - Madaxweynaha Somaliland Muuse Biixi Cabdi, ayaa sheegay in xukuumadiisu ay dadaal badan galisay xoojinta siyaasada arrimaha dibadda Somaliland, isla markaana guulo laga gaadhay.

5/9/2022 9:47 AM EST
Isniin, May, 9, 2022 (HOL) - Madaxweynaha Somaliland Muuse Biixi Cabdi, oo qudbad sannadeedkii dastuuriga ahaa u jeediyay baarlamaanka, ayaa isaga oo ka jawaabaya shakiga mucaaradku ka qabaan in uu muddo korodhsi samaysto, ayaa balan qaaday in uu doorashooyinka wakhtigooda ku qabanayo.

5/9/2022 8:32 AM EST
Isniin, May, 9, 2022 (HOL) - Wasaaradda warfaafinta Soomaaliya ayaa ururka Somalia Debates u fasaxday inay qabsadaan dooddaha musharraxiinta madaxweynaha Soomaaliya.

5/9/2022 7:07 AM EST
Isniin, May, 9, 2022 (HOL) - Maxkamadda Ciidanka Millatariga Somaliland ayaa xukun dil toogasho ah ku riday Gaashaanle Dhexe, Saalax Bullaale Jaamac oo ka tirsanaa ciidanka millateriga oo toogasho ku dilay gabadh la odhan jiray Najma Cabdillaahi Maykal.

5/9/2022 6:57 AM EST
Isniin, May, 9, 2022 (HOL) - Xildhibannadii lagusoo doortay magaalada Garbahaareey ee gobolka Gedo ayaa ka hor yimid go’aankii kasoo baxay guddoomiyaha barlamaanka, kaasoo xildhibaannada Ceelwaaq u aqoonsaday inay yihiin kuwa saxda ah ee sharciga ku yimid.

5/9/2022 5:59 AM EST
Isniin, May, 9, 2022 (HOL) - Laamaha amaanka dalka Kenya ayaa kordhiyay feejignaantooda kadib markii kooxda Al-Shabaab ay weerar ku qaadeen saldhiga ciidamada midowga Afrika ee Burundi ay ku lahaayeeen gobolka Shabeelada dhexe.

5/9/2022 2:55 AM EST
Isniin, May, 9, 2022 (HOL) - Waxaa Maalintii labaad si toos ah uga socota xarunta Golaha Aqalka Sare ee Baarlamaanka Fedaraalka Soomaaliya diiwaan galinta Musharaxiinta u taagan tartanka madaxweynaha Soomaaliya.

5/9/2022 12:33 AM EST
Isniin, May, 9, 2022 (HOL) - Madaxweynaha xilku ka dhamaaday Maxamed Cabdullaahi Farmaajo ayaa xalay si rasmi ah ugu dhawaaqay inuu mar kale u sharraxan yahay xilka madaxweynaha dowladda federalka Soomaaliya.