5/20/2022
Today from Hiiraan Online:  _
Wararka Maanta- Jimco, May 13, 2022
Maraykanka oo badalay luuqadii uu shalay Somaliland kula hadlay
 

Jimco, May, 13, 2022 (HOL) - Taliska Ciidamada Maraykanka ee Afrika (AFRICOM),oo warbixin labaad kasoo saaray safarkii madaxda talisku ay shalay ku tageen Somaliland, ayaa sheegay in ay doonayaan in ay iskaashi millateri la yeeshaan Somaliland.

Warbixintan labaad oo aad uga duwan warbixintii Khamiistii, isla markaana aan lagu xusin siyaasada "Soomaaliya kali ah" oo warbixintii hore aad loogu nuux nuuxsaday, ayaa lagu sheegay in Somaliland ay tahay dimuquraadiyad dagan, nabad ah oo adkaysi leh, isla markaana uu Maraykanku aad u doonayo in uu xidhiidh la yeesho.

"Waanu qadarinaynaa doorka Somaliland ay ku leedahay gobolka ee ah in ay tahay dimuquraadiyad adkaysi leh, dagan oo nabad ah, AFRICOM waxay aad u danaynaysa in ay sahamiso fursado dheeraad ah, si ay u xoojiso xidhiidhka Somaliland ee ku dhisan danaha aynu wadaagno, si aynu ula dagaalano argagixisada, budhcad badeeda iyo tahriibinta" ayaa lagu yidhi warbixinta AFRICOM.

Talisku waxa uu xusay in kulamadii ay madaxda Somaliland la yeesheen Khamiistii diirada lagu saaray, xidhiidh laba geesood ah oo ay yeeshaan Somaliland iyo Maraykanka, layskana kaashan doono ilaalinta nabada gobolka Geeska Afrika.

"Kulamadii 12 May ka dhacay Hargaysa iyo Berbera waxaa diirada lagu saaray faa'iidada laga helayo xidhiidh laba,  geesood ah oo ay yeeshaan Maraykanka iyo xukuumada Somaliland, xidhiidh balaadhan oo dhexmara AFRICOM iyo millateriga Somaliland iyo ciidanka xeebaha, wixuu kor u qaadayaa danaha la wadaago ee nabada gobolka, iyo ilaalinta waddooyinka ganacsiga ee muhiim ka ah" ayaa lagu yidhi warbixinta AFRICOM.

Warbixintii hore ee uu taliska AFRICOM kaga faalooday kulamadii dhex maray madaxda Somaliland ee shalay, aya lagu sheegay in uu Maraykanku Somaliland ula macaamilayo sidii qayb Soomaaliya kamid ah, qoraalkaas oo ka cadhaysiiyay bulshada Somaliland, isla markaana, dadka reer Somaliland ee Twitterka isticmaala oo si toosa uga jawaabay qoraalka taliska, ayaa muujiyay cadho.

Abdilahi Geel-maal, Hiiraan Online












Click here
5/13/2022 4:15 PM EST
Jimco, May, 13, 2022 (HOL) - Xisbiga mucaaradka Somaliland ee Waddani oo taageerayaashiisa ugu baaqay mudaharaad, hadii doorashada madaxtooyada Somaliland ay qabsoomi waydo 13 bisha November ee sannadkan.

5/13/2022 4:04 PM EST
Jimco, May, 13, 2022 (HOL) - Guddiga xallinta khilaafka dhex yaalla labada deegaan ee Soomaalida iyo Canfarta oo maanta kulan ku yeeshay magaalada Jig-jiga, ayaa soo saaray qodobo muhiim ah, oo xal u noqon kara khilaafaadka dhex yaal labada degaan.

5/13/2022 12:28 PM EST
Jimco, May, 13, 2022 (HOL) - Ciidamada Dowladda iyo kuwa Galmudug ayaa si buuxda dib gacantooda ugusoo celiyay magaalada Dhuusomareeb, halkaas oo aay Saakay weerar kusoo qadeen ciidamo Ahlusunna Waljameeca.

5/13/2022 7:23 AM EST
Jimco, May, 13, 2022 (HOL) - Dowlad degaanka Canfarta ayaa deeq lacageed oo gaaraysa 10 milyan ugu deeqay shacabka degaanka Soomaalida, deeqdan ayaa waxaa degaanka Soomaalida soo gaarsiiyay Madaxwaynaha degaanka Canfarta Awal Arbe.

5/13/2022 4:27 AM EST
Jimco, May, 13, 2022 (HOL) - Dagaal u dhaxeeya ciidamada Galmudug iyo kuwa Ahlusunna waljamaaca ayaa weli ka socda qeybo kamid ah magaalada Dhuusomareeb, waxaana ka dhashay khasaare dhimasho iyo dhaawac leh oo aan weli xog sugan laga haynin.

5/13/2022 4:22 AM EST
Jimco, May, 13, 2022 (HOL) - Wasiirka ciidamada ee dalka UK, James Heappey, ayaa booqasho ku tagay dalalka bariga Afrika ee ay Soomaaliya ku jirto, si uu ugala hadlo dadaallada wadajirka ah ee lagu horumarinayo xasilloonida gobolka iyo dhismaha amniga Soomaaliya.

5/13/2022 2:45 AM EST
Jimco, May, 13, 2022 (HOL) - Ammaanka magaalada Muqdisho ee caasimadda Soomaaliya ayaa si weyn loo adkeeyay, iyadoo la soo gaba gabeeyay diyaar garowgii ugu dambeeyay ee doorashada Madaxweynaha dowladda Federaalka Soomaaliya.

5/13/2022 1:50 AM EST
Jimco, May, 13, 2022 (HOL) - Xubno ka tirsan ururka xuquuqul insaanka ee İHD ee ka jira dalka Turkiga, ayaa booqday qaxootiga ka imaanaya Soomaaliya ee ku sugan magaalada caasimadda ah ee Ankara, kuwaas oo la kulmay cadaadis lagu xirayo dukaamadooda.

5/13/2022 1:23 AM EST
Jimco, May, 13, 2022 (HOL) - Dagaal xooggan oo u dhaxeeya ciidamada maamulka Galmudug iyo kuwa Ahlusuna Waljamaaca ayaa saakay waaberigii ka bilowday magaalada Dhuusomareeb ee caasimadda Galmudug.

5/13/2022 12:57 AM EST
Jimco, May, 13, 2022 (HOL) - Cabdikariin Xuseen Guulleed oo kamid ah musharraxiinta isku diiwaan galiyay tartanka doorashada madaxweynaha Soomaaliya, ayaa isaga haraya tartanka doorashada, isagoo u tanaasulay Cabdiraxmaan Cabdishakuur Warsame.