6/25/2022
Today from Hiiraan Online:  _
Wararka Maanta- Talaado, Jun 21, 2022
Faahfaahino kasoo baxaya qarax ka dhacay goob Caafimaad oo ku taala duleedka magaalada Muqdisho

Talaado, Juun, 21, 2022 (HOL) - Warar dheeraad ah ayaa kasoo baxaya qarax Xalay ka dhacay Tabeelaha Sheekh Ibraahin ee duuleedka magaalada Muqdisho.

Qaraxa ayaa jugtiisa laga maqlay qaar ka mid ah degmooyinka gobolka Banaadir, waxaana la sheegay inuu ka dhex dhacay Farmashi ku yaala Tabeelaha Sheekh Ibraahin ee duuleedka Muqdisho.

Dad goobjoogayaal ah oo la hadlay warbaahinta ayaa sheegay in qaraxa uu ahaa miino nuuca dhulka lagu aaso, taasoo lagu dhex qariyay Farmashiga gudahisa, waxaana ka dhashay qaraxa burbur xoogan oo gaaray dhismaha Farmashiga iyo dhaawacyo fudud oo gaaray qaar ka mid ah shaqaalihii Farmashiga.

Wararka soo baxayo ayaa shegaya in qaraxa Farmashiga ka dhacay uu salka ku haayo amar kasoo baxay Al-shabaab oo ay diideen maamulka Farmashga, kasoo la xariiray bixinta lacag sakawaad ah.

Qaraxa kadib waxaa goobta gaaray ciidami ka tirsan Booliiska Soomaaliya, kuwas oo baaritaano ka sameeyay goobta qaraxa ka dhacay iyo nawaaxigeeda, hayeeshe majirin wax natiijo ah oo kasoo baxay baaritaankooda.

Jamaal Cali Cabdi, Hiiraan Online












Click here
6/21/2022 3:08 PM EST
Talaado, Juun, 21, 2022 (HOL) - Cayaaryahanka Romelu Lukaku ayaa dib ugu soo laabtay Inter Milan ka dib markii kooxda reer Talyaani ay wadahadalo muuqaal ah oo saddex saacadood qaatay ay la yeelatay kooxda Chelsea.

6/21/2022 12:44 PM EST
Talaado, Juun, 21, 2022 (HOL) - Kooxda Futsal ee dalka Morocco ayaa 16-0 kaga badisay kooxda Futsalka Soomaaliya oo ay wada cayaareen koobka Futsal ee wadamada Carabta, kaas oo ka socda Saudi Arabia.

6/21/2022 7:52 AM EST
Talaado, Juun, 21, 2022 (HOL) - Maxkamadda Ciidamada qalabka ee Puntland ayaa maanta dil toogasho ah ku xukuntay 4 kamid ah shabakad katirsan Alshabaab, kuwaas oo qaraxyo iyo dilal madax jabis ah ka geysan jirey Boosaaso.

6/21/2022 7:44 AM EST
Talaado, Juun, 21, 2022 (HOL) - Kadib kulan ay yeesheen madaxweynaha Somaliland Muuse Biixi Cabdi iyo guddidii isku xilqaantay xalinta khilaafka doorashada, ayaa isku afgartay in qorshaynta howsha xalinta khilaafka loo daayo golaha guurtida.

6/21/2022 3:09 AM EST
Talaado, Juun, 21, 2022 (HOL) - Wasiirka caafimaadka maamulka Puntland, Jaamac Faarax Xasan ayaa xaqiijiyay in la lunsaday 300 kartoon oo ay ku jireen Buskutka Plumpy Nut, oo loo isticmaalo in lagu daweeyo nafaqo-xumada ba'an ee carruurta yaryar.

6/21/2022 1:48 AM EST
Talaado, Juun, 21, 2022 (HOL) - Maxkamada ciidamada qalabka sida ee Puntland ayaa lasoo taagay afar nin oo ku eedeysan inay katirsanaayeen shabakad kooxaha Daacish iyo Ashabaab, kuwaas oo magaalada Bosaso ka geysan jiray qaraxyada iyo dilalka.

6/21/2022 12:56 AM EST
Talaado, Juun, 21, 2022 (HOL) - Guddoomiyaha xisbiga mucaaradka Somaliland ee UCID Faysal Cali Waraabe, ayaa madaxweyne Biixi ku eedeeyay in uu doonayay in golaha wakiiladu diidaan xubnaha cusub ee guddida doorashooyinka.

6/21/2022 12:48 AM EST
Talaado, Juun, 21, 2022 (HOL) - Maxamed Axmed Faarax (Aflahaar), oo ahaa guddoomiyihii xisbiga mucaaradka Somaliland ee UCID ee gobolka Sool, ayay dablay hubaysani xalay ku dileen magaalada Laascaanood.