6/25/2022
Today from Hiiraan Online:  _
Wararka Maanta- Axad, Jun 19, 2022
Goobaha Ganacsiga Suuqa Xamarweyne oo Maalintii sadaxaad Xiran
 

Axad, Juun, 19, 2022 (HOL) - Waxaa Maalintii sadaxaad xiran ganacsiga  Suuqa degmada Xamarweyne ee magaalada Muqdisho, kadib markii ganacsatada Suuqaasi lagu soo rogay lacago Canshuur ah oo ay sheegeen iney horay u bixiyeen.

Ganacsiga Suuqa Xamarweyne ee xiran maalintii sadaxaad ayaa ah qeybta lagu iibiyo qalabka dhismaha, waxayna ganacsatada ka cabanayaan ciidamo ka tirsan dowladda Soomaaliya oo xirxiray goobahooda ganasiga, kuwaas oo ku amray iney bixiyaan lacago canshuur ah oo ay sheegeen ganacsatada iney horay u siyeen wasaaradda Maaliyada markalana aysan suurtagal aheyn iney bixiyaan lacag kale.

Qaar ka mid ah ganacsatada oo la hadlay warbaahinta ayaa waxay sheegeen inaysan garaneen lacagaha laga doonayo, iyagoo tlmaamay iney horay u dhiibeen dhamaan waxii canshuur ah ee looga baahna oo ay kusoo bixiyeen Dekada weyn laba canshuur tan haatan la weydinayana ay tahay mideysan garaneyn halka ay ka socoto.

"Dhamaan goobahii ganacsiga waa kuwa xiran oo waxaa xirxiray ciidamo ka tirsan dowladda mana garaneynayo sababta wasaaradda Maaliyadda Canshuur aan soo bixinay markale inaloo weydiinayo, madaxweynaha cusub, raysal wasaaraha cusub iyo kan hada xilka haayo waxaan ugu baaqeyna in arrintaan ay soo faragaliyaan" ayuu yiri mid ka mid ah ganacsatada Suuqa Xamarweyne.

Ganacsatada waxay sidoo kale tilmaamen in sanad waliba sidaan oo kale looga xirxiro goobahooda ganacsiga, iyaga oo si sax ah u dhiiba dhamaan Canshuurta laga rabo oo ay sheegeen inay ku bixiyaan gudaha Dekada weyn ee magaalada Muqdisho.

"Xirnaashaha ganacsigeena waxa uu saameyn nololeed ku yeeshay marka anaga nalaga soo tago dad kala duwan oo nolol maalmeed ka heli jiray furnaashaha Suuqa, sida Xoogsatada, masaakiinta tuugsata oo maalin walba shilimaad kala tagi jiray suuqa dabkana ugu shidan jiray reerahooda" ayuu yiri mid ka mid ah ganacsatada Suuqa Xamarweyne.

Todobaadkii lasoo dhaafay ayay aheyd markii sidaan oo kale ciidamo ka tirsan dowladda Soomaaliya ay u xirxireen goobaha ganacsiga lagu iibiyo qalabka dhismaha ee ku yaala Suuqa Bakaaraha gaar ahaan qeybta wadooyinka Howlwadaag iyo Aadan Cadde ama jid Mareexaan ee magaalada Muqdisho.



Jamaal Cali Cabdi, Hiiraan Online












Click here
6/19/2022 2:51 PM EST
Axad, Juun, 19, 2022 (HOL) - Hay’ada Hidosoor ayaa suuro galisay Soomalida degan nawaaxiga magaalooyinka mataanaha ee Minneapolis iyo St. Paul (Tiwin Cities area) gaar ahaan Plymouth, Minnesota in ay helaan Maalinta Hiddaha iyo Dhaqanka iyo Hibayoonka Somalida. Maallinta june 18 ayaa noqotay maalin lagu calaamadeeyay Maalinta Dhaqanka Somalida.

6/19/2022 11:13 AM EST
Axad, Juun, 19, 2022 (HOL) - Madaxweynaha dowladda Fedaraalka Soomaaliya Xasan Sheekh Maxamuud iyo wafdi uu hoggaaminaayo ayaa Maanta u ambabaxay dalka isutaga Imaaraadka Carabta.

6/19/2022 8:10 AM EST
Axad, Juun, 19, 2022 (HOL) - Guddoomiyaha xisbiga mucaaradka Somaliland ee UCID Faysal Cali Waraabe, ayaa sharci daro ku tilmaamay furista urrurada siyaasada, isagoo sheegay in aanu jirin sharci loo cuskado.

6/19/2022 8:05 AM EST
Axad, Juun, 19, 2022 (HOL) - Guddoomiye ku xigeenka 1-aad ee barlamaanka Soomaaliya, Marwo Sacdiyo Yaasiin Samatar, ayaa noqotay ku-simaha madaxweynaha Soomaaliya, kadib markii maanta madaxweynaha Soomaaliya uu safar labo cishe qaadanaya ku aaday dalka Imaaraatka Carabta

6/19/2022 7:58 AM EST
Axad, Juun, 19, 2022 (HOL) - Duqa magaalada Hargaysa Cabdikariin Axmed Mooge, ayaa sheegay in dib loo bilaabayo wadahadaladii u dhexeeyay mucaaradka iyo xukuumada Somaliland.

6/19/2022 5:26 AM EST
Axad, Juun, 19, 2022 (HOL) - Saraakiil ka tirsan Booliska Soomaaliya oo uu hoggaaminayo Taliyaha Ciidanka Booliska Soomaaliyeed Gen. Cabdi Xasan Maxamed Xijaar ayaa magaalada Addis Ababa ee dalka Itoobiya uga qeyb galay shirka Booliska Adduunka ee Interpol.

6/19/2022 5:22 AM EST
Axad, Juun, 19, 2022 (HOL) - Wasiirka Gaashaandhigga Soomaaliya Cabdulqaadir Maxamed Nuur ayaa wadahadal kula yeeshay magaalada Muqdisho safiirka Midowga Yurub ee Soomaaliya, Tiina Intelmann.

6/19/2022 3:49 AM EST
Axad, Juun, 19, 2022 (HOL) - Dowladda Kenya ayaa ku dhow inay dib u bilowdo dhoofinta Qaadka Miirowga ee loo iib gayn jiray Soomaaliya, iyadoo heshiis arrintaas ku saabsan la saxiixayo horraanta bisha Luulyo.

6/19/2022 2:38 AM EST
Axad, Juun, 19, 2022 (HOL) - Hay’adda Duulista Rayidka Soomaaliyeed ayaa sheegtay in aysan jirin wax khatar ku ah badqabka duulimaadyada dalka gudahiisa ah, kadib markii shalay qaar kamid ah shirkaddaha duulimaadyada ay sheegeen inay sababo amni awgeed u joojiyeen duulimaadyada.

6/19/2022 2:21 AM EST
Axad, Juun, 19, 2022 (HOL) - Madaxweynaha maamulka Hirshabeelle Cali Guudlaawe Xuseen ayaa xilka qaadis ku sameeyay laba ka mid ah Golaha Wasiiradda Maamulkiisa.

6/19/2022 1:53 AM EST
Axad, Juun, 19, 2022 (HOL) - Ciidamada Booliiska Soomaaliya ayaa Xalay toogasho ku dilay mid ka mid ah afar rag oo burcad ah, kuwaas dhac u geysan jiray dadka ku dhaqan Xaafadaha Ceymiska, Carafaat iyo Suuqa Xoolaha, waxaana la sheegay in sadaxdii kale ay baxaadeen.