6/25/2022
Today from Hiiraan Online:  _
Wararka Maanta- Sabti, Jun 18, 2022
Madaxwayne Mustafe cagjar oo ka warbixiyay xaaladda galbeedka Sitti
 

Sabti, Juun, 18, 2022 (HOL) - Madaxwaynaha dowlad degaanka Soomaalida Mustafe cagjar oo waraysi siiyay Warbaahinta ayaa si guud uga warbixiyay xaaladda galbeedka gobolka Sitti, iyo waxay salka ku hayso colaadda aan xalkeeda la helin ee Soomaalida iyo Canfarta.

Madaxwaynuhu wuxuu xusay in arrinta galbeedka Sitti ay ahayd dhibaato laga dhaxlay xukuumaddii hore ee Cabdi Maxamuud Cumar, " Arrintani waa dhibaato aan dhaxalnay, dad Soomaali ah oo aan lagala tashan ayaa maamulkii hore ee degaanku hoos geeyay Canfarta". ayuu yiri Madaxwayne Mustafe cagjar.

Sidoo kale waxa uu sheegay Madaxwaynuhu in wixii isbaddalka ka dambeeyay iyo markii ay dhacday xukuumaddii hore ee degaanku, ay dadkaasi Soomaalida ah ee sida khaldan Canfarta loo hoosgeeyay ay kaceen, iskana diideen Canfartii la hoos geeyay, halkaasna ay ka bilowdeen Colaadda Soomaali iyo Canfar, iyo waliba dagaallo aan joogsi lahayn oo u dhaxeeya labadaasi shacab.

Dhinaca xallinta Colaaddan Soomaali iyo Canfar u dhaxaysa, Madaxwaynuhu waxa uu sheegay in xalku ku jiro dhanka Odayaal dhaqameedka, mar walbana ay ka xukuumad ahaan iyo shacab ahaan diyaar u yihiin in xal laga gaaro arrintan, oo ilaa Jigjiga ay ugu yeereen maamulka Canfarta si loo xalliyo colaaddan.

Arrinta galbeedka gobolka Sitti ee colaadda u dhaxaysa Soomaali iyo Canfar ayaa marar badan shirar iyo kulamo laga yeeshay si xal loogu helo colaaddan, waxaana ugu dambeysay kulankii Naasireet ka dhacay ee masuuliyiinta iyo Odayaal dhaqameedada labada degaan ka sokow ay goob joog ahaayeen madaxda heer federal, kaas oo la isku afgartay in xabbad joojin degdeg ah lasameeyo, isla markaana Odayaal dhaqameedada labada dhinac loo kala diro goobaha la isku hayo, si ay usoo wacyi galiyaan dadka halkaas ku dhaqan.

Colaadda Soomaali iyo Canfar ayaa xal u helideedu waxay dowladda ku noqotay Laf dhuun gashay, oo maalin walba ay cabasho ka timaaddo.

Abdilahi Jawhar, Hiiraan Online
[email protected]












Click here
6/18/2022 4:28 PM EST
Sabti, Juun, 18, 2022 (HOL) - Ciidanka Booliiska Somaliland, ayaa musharaxa madaxweynaha xisbiga mucaaradka Somaliland ee Waddani Cabdiraxmaan Maxamed Cabdillahi Cirro, ku eedeeyay in uu haysto ilaalo aan ciidan ahayn.

6/18/2022 10:04 AM EST
Sabti, Juun, 18, 2022 (HOL) - Waxaa Maanta magaalada Muqdisho kulan ku yeeshay guddiga shirkadaha diyaaradaha ka howlgala gobolada dalka Soomaaliya ee ku mideysan Ururka AOA, kuwaas oo warsaxafadeed kasoo saaray caqabado kasoo cusboonaaday qeybo ka mid ah garoomada diyaaradaha ee ku yaala gobolada dalka Soomaaliya.

6/18/2022 8:07 AM EST
Sabti, Juun, 18, 2022 (HOL) - Dad aan haybtooda la aqoonsan ayaa dab qabadsiiyay afaafka hore ee guriga uu magaalada Hargaysa ka daganyahay, xogeeyaha guud ee xisbiga mucaaradka Somaliland ee Waddani Khadar Xuseen Cabdi.

6/18/2022 6:12 AM EST
Sabti, Juun, 18, 2022 (HOL) - Kooxo bastoolado ku hubeysan ayaa Maanta ku dilay gudaha degmada Afgooye ee gobolka Sh/hoose Kormeerahii guud ee Wasaaradda Waxbarashada gobolka Sh/hoose ee maamulka Koonfur Galbeed Soomaaliya.

6/18/2022 5:02 AM EST
Sabti, Juun, 18, 2022 (HOL) - Ra'iisul Wasaare Maxamed Xuseen Rooble ayaa daah-furay imtixaanka shahaadiga ah ee dugsiyada sare oo maanta si rasmi ah uga bilaabmay qaar kamid ah gobollada dalka.

6/18/2022 4:40 AM EST
Sabti, Juun, 18, 2022 (HOL) - Madaxweynaha Soomaaliya Xasan Sheikh Maxamuud iyo madaxda Bankiga Adduunka ayaa ka wada hadlay xoojinta wada shaqeynta ka dhaxeysa hay’addaha deymaha bixiya iyo madaxda federaalka Soomaaliya.

6/18/2022 1:35 AM EST
Sabti, Juun, 18, 2022 (HOL) - Puntland ayaa ku eedeysay hay’addaha qaramada Midoobay iyo kuwa kale ee samafalka inay faafiyeen digiin hubanti la’aan ah oo ku saabsan khatar amni oo Alshabaab la maleegayaan Garowe.

6/18/2022 12:55 AM EST
Sabti, Juun, 18, 2022 (HOL) - Maraakiibta Spain iyo Faransiiska ee dhawaan lagu helay iyagoo si sharci darro ah uga kalluumeysanayay badweynta Hindiya ayaa lagu daray liiska madow kaddib markii Hay'ada Blue Marine ay Kashiftay Boobka ay wadeen Maraakiibta labadan waddan.

6/18/2022 12:51 AM EST
Sabti, Juun, 18, 2022 (HOL) - Xukuumadda degaanka Soomaalida ayaa go'aansatay in shacabka beeralayda ah ee degaanka Soomaalida ay ka guuraan qaabkii hore ee ay beeraha u falan jireen una guuraan qaab casri ah, iyadoo sidoo kale shacabka ku dhiirigalisay inay dhulka wax kala soo baxaan si looga kaaftoomo cuntada dibadda ka imaanaysa.