8/15/2022
Today from Hiiraan Online:  _
Wararka Maanta- Axad, July 31, 2022
Ciidanka Nabadsugida gobolka Banaadir oo ku biiray howlgalada Booliiska Soomaaliya ay ka wadaan Muqdisho
 

Axad, Luulyo, 31, 2022 (HOL) - Ciidamo ka tirsan Nabadsugida gobolka Banaadir ayaa ku biiray howlgalada maalmahii dambe ciidanka Booliiska gobolka Banaadir ay kula dagaalamayeen Ciyaal weeradda dhibaatada ku haaya shacabka ku nool magaalada Muqdisho.

Ciidamada iskaashanaya ayaa Xalay howlgalo si wadajir ah waxay uga sameeyeen xaafadaha degmada Kaaraan oo maalmahii lasoo dhafay ay si aad ah ugu kordheen falalka la xariira amni daradda loo geysanayo dadka ku dhaqan degmadaasi.

Howlgaladii Xalay ciidanku ka sameeyeen xaafadaha Kaaraan ayaa lagu soo qabqabtay Kooxo Burcad ah iyo hubkii ay wax ku dhici jireen iyo waliba waxyaabaha maanka dooriya sida, Qamri farabadan oo ah kan dalka dibaddiisa laga keeno, Calaq  dalka lagu farsameeyo iyo Xashiish.

Howlgalka ciidamada Booliiska iyo Nabadsugida sida wadajirka ah Xalay uga sameeyeen degmada Kaaraan, waxaa horkacayay Taliyaha Nabad sugida gobolka Banaadir Muxidiin Warbac, Taliyaha qeybta guud ee Booliska gobolka Banaadir Farxaan Maxamuud Qaroole, iyo taliyaha qeybta Bari ee Booliiska gobolka Banaadir Cali Calasow Goofjooge.

Saraakiisha ciidanka Xalay howlgalada ka sameeyay kaaraan ayaa digniino adag u diray waalidiinta ka daba yimaada caruurta lagu soo qabqabto howlgalada ee dhibaatada u geysta shacabka ku dhaqan xaafadaha Kaaraan, iyagoona ka dalbaday waalidiinta in caruurtooda marka hore ay xakameeyaan oo ay ka reebtaan falalka ay ku jiraan.

Si kastaba ha ahaatee ciidamada dowlada Soomaaliya ayaa haatan u muuqda kuwa xooga saaraya wax ka qabashada dhibaatada ay Ciyaal weerada iyo kooxaha burcada ah ku hayaan shacabka ku nool degmooyinka gobolka Banaadir. 

Jamaal Cali Cabdi, Hiiraan Online
[email protected]












Click here
7/31/2022 6:13 PM EST
Axad, Luulyo, 31, 2022 (HOL) - Madaxweynaha Hirshabelle , Cali Cabdullaahi Xuseen (Cali Guudlaawe) ayaa goor dhow magacaabay golaha wasiirrada , ka dib labo sanno oo u xafiiska joogay.

7/31/2022 4:55 PM EST
Axad, Luulyo, 31, 2022 (HOL) - Guddoomiya xisbiga mucaaradka Somaliland ee UCID Faysal Cali Waraabe, ayaa sheegay in axsaabta mucaaradku qabanayaan bannaanbaxyo nabadgalyo.

7/31/2022 4:48 PM EST
Axad, Luulyo, 31, 2022 (HOL) - Shirkadaha lacagaha u dira Soomaaliya ee fadhigoodu yahay Sweden ayaa waxaa la soo daristay walwal wayn oo sabi kara in bisha July 2022 wixii ka danbeeya aanay bankiyada isticmaalin karin dhammaantood.

7/31/2022 9:52 AM EST
Axad, Luulyo, 31, 2022 (HOL) - Dagaalamayaasha Al-shabaab ayaa ka hadlay duqeymo diyaaradeed oo Maanta ka dhacay deegaanka Coomaad oo ka mid ah deegaanada hoostaga degmada Matabaan ee gobolka Hiiraan.

7/31/2022 9:21 AM EST
Axad, Luulyo, 31, 2022 (HOL) - 16-kii markab ee ugu horeeyay oo laga leeyahay dalka Ukraine, kuwaas oo ku socdaalaya marinka uu ilaalinayo dalka Turkiga, ayaa shixnaddoodii ugu horeysay oo gargaar ah gayndoona Soomaaliya.

7/31/2022 7:26 AM EST
Axad, Luulyo, 31, 2022 (HOL) - Wararka ka imaanaya deegaanka Coomaad oo ka mid ah deegaanada hoostaga degmada Matabaan ee gobolka Hiiraan ayaa sheegaya in Barqanimadii Maanta ay halkaasi duqeymo ka geysteen diyaarado dagaal.

7/31/2022 5:36 AM EST
Axad, Luulyo, 31, 2022 (HOL) - Dagaalamayaasha Al-shaaab ayaa 7 ruux oo dhamaantood ahaa rag ku toogtay goob fagaare ah oo ku taala deegaanka lagu magacaabo Buulaay ee ka tirsan gobolka Baay, kuwaas oo ay ku eedeeyeen inay ahayeen basaasiin u shaqenayay dowladda Federaalka ah ee Soomaaliya, dowladda Mareykanka iyo Maamulka Koonfur Galbeed.

7/31/2022 2:03 AM EST
Axad, Luulyo, 31, 2022 (HOL) - Taliska ciidamada milatariga dalka Uganda ayaa beeniyay in ciidamo looga dilay weerarkii ismiidaaminta ahaa ee dhawaan ka dhacay magaalada Marka.

7/31/2022 1:56 AM EST
Axad, Luulyo, 31, 2022 (HOL) - Madaxweynaha dowlad deegaanka Soomaalida, Mustafe Muxumed Cagjar, ayaa sheegay in 600 oo askari oo katirsan Alshabaab lagu dilay dagaaladii ugu dambeeyay ee xadka Soomaaliya.