1/27/2022
Today from Hiiraan Online:  _
Wararka Maanta- Isniin, Jan 10, 2022
Qaramada Midoobay oo soo dhoweysay heshiiska dhameystirka doorashada. Kana digtay in carqalad cusub la abuuro

Isniin, Janaayo, 10, 2022 (HOL) - Xafiiska Qaramada Midoobay ee Soomaaliya ayaa soo dhoweeyay in golaha wadatashiga qaran ay heshiis ku gaareen hannaanka doorashada iyo dardar gelinta doorashada Golaha Shacabka.

UNSOM ayaa qoraal ku sheegtay muhiimaddu in ay tahay in  la dhaqan geliyo go'aamadan si loo gaaro natiijo lagu kalsoonaan karo oo si weyn loo wada aqbalay  ugu dambayn 25 February.

Qaramada Midoobay ayaa sidoo kale ku boorisay madaxda Soomaaliya inay ka fogaadaan wax kaste oo abuuri kara xiisado cusub ama khilaaf cusub ka dib go'aankii Golaha Wadatashiga Qaran ee ku saabsanaa in la caddeeyo hannaanka Doorashada.

Golaha wadatashiga ayaa shalay Muqdisho ku gaaray heshiis ku saabsan dhameystirka doorashada aqalka hoose oo hakad uu ku yimid kadib markii uu khilaaf siyaasadeed hareeyeeyay doorashada.

Khilaafka Farmaajo iyo Rooble iyo kala qeybsanaan guddiyada doorashada ayaa weli saamayn ku yeelan karta dhamaystirka doorasho hufan.

Abdiweli M. Sheikh, Hiiraan Online












Click here
1/10/2022 3:03 PM EST
Isniin, January, 10, 2022 (HOL) - Guddoomiyaha Xisbiga Waddani Xirsi Cali Xaaji Xasan, ayaa cambaareeyay isku day uu maamulka gobolka Togdheer ku doonayay in ay ku joojiyo, shir madaxda xisbigu ay la lahaayeen qaybo kamid ah bulshada reer Burco.

1/10/2022 10:51 AM EST
Isniin, Janaayo, 10, 2022 (HOL) - Maxkamada Ciidamada Qalabka Sida qeybta 27-aad ayaa maanta xukun dil toogasho ah waxay ku fulisay askari ka tirsanaa ciidamada dowladda Soomaaliya, kaasoo horay ugu dilay qof shacab ahaa degmada Luuqa ee gobolka Gedo.

1/10/2022 1:57 AM EST
Isniin, Janaayo, 10, 2022 (HOL) - Ciidamada Booliiska Puntland ayaa sheegay inay gacanta kusoo dhigeen dadkii ka dambeeyay dil xalay magaalada Garowe loogu geystay wiil dhalinyaro ah oo katirsanaa shaqaalaha dowladda hoose ee Garowe.

1/10/2022 12:45 AM EST
Isniin, Janaayo, 10, 2022 (HOL) - Guddi nabadayn ah oo Puntland u xilsaartay colaadda Saaxmaygaag iyo Sange jebiye ayaa ku guulaystay in ay kala qaadaan labadii maleyshiyo beeleedkii ee isku horfadhiyay deegaannadii dhowaan lagu dagaalamay.

1/10/2022 12:40 AM EST
Isniin, Janaayo, 10, 2022 (HOL) - Afhayeenka Xisbiga Kulmiye Cabdinaasir Muxumed Xasan Buuni, oo waraysi siiyay HCTV, ayaa sheegay in furista ururrada siyaasadu ay tahay arrin qaanuuni ah oo aan la dhaafi karin.

1/10/2022 12:31 AM EST
Isniin, Janaayo, 10, 2022 (HOL) - Golaha Midowga Musharaxiinta madaxweynaha Soomaaliya ayaa war qoraal ah oo ay soo saareen waxa ay kusoo dhaweeyeen War murtiyeedkii kasoo baxay shirkii Golaha Wadatashiga Qaranka ee Shalay galinkii dambe lagu soo gabagabeeyay magaalada Muqdisho.

1/10/2022 12:26 AM EST
Isniin, Janaayo, 10, 2022 (HOL) - Warar dheeraad ah ayaa laga helaya dagaal xoogan oo khasaare badan dhaliyay oo Al-shabaab iyo ciidamo ka tirsan dowladda Soomaaliya iyo kuwa Galmudug ku dhexmaray deegaanka lagu magacaabo Cadakibir.