1/27/2022
Today from Hiiraan Online:  _
Wararka Maanta- Isniin, Jan 10, 2022
Midowga Musharaxiinta oo war kasoo saaray War murtiyeedkii kasoo baxay shirkii Golaha Wadatashiga Qaran

Isniin, Janaayo, 10, 2022 (HOL) - Golaha Midowga Musharaxiinta madaxweynaha Soomaaliya ayaa war qoraal ah oo ay soo saareen waxa ay kusoo dhaweeyeen War murtiyeedkii kasoo baxay shirkii Golaha Wadatashiga Qaran ee Shalay galinkii dambe lagu soo gabagabeeyay magaalada Muqdisho.

Qoraalka kasoo baxay Midowga Musharaxiinta ayaa lagu sheegay iney bogaadinayaan tixgalinta la siiyay talaabooyinka ku aadana sixitaanka habraaca doorashada dalka iyo in Goluhu adkeynayo in raysal wasaaraga iyo golaha wasiiradda ay si buuxdo masuul uga yihiin amniga dalka, islamarkaana madaxweynahii hore uu ku ekaado musharaxnimadiisa.

"Golaha Midowga Murashaxiinta wuxuu bogaadinayaa tixgelinta la siiyey talooyinkii uu soo jeediyey ee ku aaddanaa sixitaanka habraaca doorashooyinka. Goluhu wuxuu adkaynayaa in Raysalwasaaraha iyo golaha wasiirada ay si buuxda masuul uga yihiin amniga dalka, madaxweynihii horena uu ku ekaado murashaxnimadiisa" ayaa lagu yiri qoraalka Musharaxiinta kasoo baxay.

Hoos ka akhriso qoraalka kasoo baxay Musharaxiinta oo dhameystiran.


Jamaal Cali Cabdi, Hiiraan Online












Click here
1/10/2022 3:03 PM EST
Isniin, January, 10, 2022 (HOL) - Guddoomiyaha Xisbiga Waddani Xirsi Cali Xaaji Xasan, ayaa cambaareeyay isku day uu maamulka gobolka Togdheer ku doonayay in ay ku joojiyo, shir madaxda xisbigu ay la lahaayeen qaybo kamid ah bulshada reer Burco.

1/10/2022 10:51 AM EST
Isniin, Janaayo, 10, 2022 (HOL) - Maxkamada Ciidamada Qalabka Sida qeybta 27-aad ayaa maanta xukun dil toogasho ah waxay ku fulisay askari ka tirsanaa ciidamada dowladda Soomaaliya, kaasoo horay ugu dilay qof shacab ahaa degmada Luuqa ee gobolka Gedo.

1/10/2022 6:49 AM EST
Isniin, Janaayo, 10, 2022 (HOL) - Xafiiska Qaramada Midoobay ee Soomaaliya ayaa soo dhoweeyay in golaha wadatashiga qaran ay heshiis ku gaareen hannaanka doorashada iyo dardar gelinta doorashada Golaha Shacabka.

1/10/2022 1:57 AM EST
Isniin, Janaayo, 10, 2022 (HOL) - Ciidamada Booliiska Puntland ayaa sheegay inay gacanta kusoo dhigeen dadkii ka dambeeyay dil xalay magaalada Garowe loogu geystay wiil dhalinyaro ah oo katirsanaa shaqaalaha dowladda hoose ee Garowe.

1/10/2022 12:45 AM EST
Isniin, Janaayo, 10, 2022 (HOL) - Guddi nabadayn ah oo Puntland u xilsaartay colaadda Saaxmaygaag iyo Sange jebiye ayaa ku guulaystay in ay kala qaadaan labadii maleyshiyo beeleedkii ee isku horfadhiyay deegaannadii dhowaan lagu dagaalamay.

1/10/2022 12:40 AM EST
Isniin, Janaayo, 10, 2022 (HOL) - Afhayeenka Xisbiga Kulmiye Cabdinaasir Muxumed Xasan Buuni, oo waraysi siiyay HCTV, ayaa sheegay in furista ururrada siyaasadu ay tahay arrin qaanuuni ah oo aan la dhaafi karin.

1/10/2022 12:26 AM EST
Isniin, Janaayo, 10, 2022 (HOL) - Warar dheeraad ah ayaa laga helaya dagaal xoogan oo khasaare badan dhaliyay oo Al-shabaab iyo ciidamo ka tirsan dowladda Soomaaliya iyo kuwa Galmudug ku dhexmaray deegaanka lagu magacaabo Cadakibir.