6/26/2022
Today from Hiiraan Online:  _
Wararka Maanta- Khamiis, Apr 21, 2022
Guddiyada Doorashada Gudoonka labada Aqal oo ka hadlay arrimaha doorashooyinka guddoonadda labada Gole

Khamiis, April, 21, 2022 (HOL) - Iyadoo maalintii sadaxaad ay socoto howlaha diiwaan gelinta Musharaxiinta dooneysa iney u tartamaan xilka guddoonka Golaha Shacabka iyo labadiisa ku xigeen ayaa guddoomiyaha guddiga doorashada guddoonka Golaha Shacabka waxuu sheegay in maalinta berito ah ay soo gabagabeyn doonaan diiwaan gelinta Musharaxiinta.

Guddoomiyaha guddiga doorashada guddoonka Golaha Shacabka Cabdirisaaq Cumar Maxamed ayaa sheegay in xilka guddoomiyaha Golaha Shacabka iyo labadiisa ku xigeen ay isku diiwaan geliyeen 25 Musharax.

"Waxaa maalintii sadaxaad aan wadna holaha diiwaan gelinta Musharaxiinta dooneysa iney u tartamaan xilka guddoonka iyo ku xigeenadiisa waxaana diiwan gelinay ilaa hada 25 Musharax oo u taagan u tartamida guddoonka Golaha Shacabka iyo labadiisa ku xigeen beri galinka dambe ayaan soo gabagabeyn doona diiwaan gelinta, Sabtigana waa hadal jeedinta Musharaxiinta" ayuu yiri guddoomiye Cabdirisaaq.

Dhinaca kale guddiga doorashada guddoonka Aqalka sare ayaa dhankooda Maanta shaaciyay iney soo gabagabeyeen diiwaan gelinta Musharaxiinta dooneysa iney qabtaan xilka guddoonka Aqalka sare iyo labadiisa ku xigeen.

"Waxaan Galabta oo taariiqda tahay 21-ka bisha Apriil aan soo gabagabeynay fiiwaan gelinta Musharaxiinta guddoonka aqalka sare oo ay isku diiwaan galiyeen ilaa 12 Musharax oo u taagan xilka guddoonka iyo ku xigeenadiisa, Maalinta Sabtiga ahna waxaa la dhageysan doona khudbahada Musharaxiinta, 26-ka bishaan Apriil-na waxaa inoo qabsoomi doono sida qorshuhu yahay doorashada guddoonka Aqalka sare iyo labadiisa ku xigeen" ayuu yiri guddoomiye Aadan Cabdinaasir Maxamed.

Doorashada guddoonada Golaha Aqalka Hoose iyo Aqalka sare ayaa lagu wadaa in magaalada Muqdisho ay ka dhacdo 26,ka ilaa 27-ka bishaan Apriil sida ay horay u shaaciyeen guddiyada doorashada labada Aqal ee Baarlamaanka 11-aad ee dalka Soomaaliya.

Jamaal Cali Cabdi, Hiiraan Online












Click here
4/21/2022 5:13 PM EST
Khamiis, April, 21, 2022 (HOL) - Gudoomiyaha gobolka Mudug Cabdiladiif Muuse Nuur Sanyare, ayaa ku eedeeyay wasiirka arrimaha dibadda Soomaaliya, Cabdi Siciid Muuse inuu masuul ka yahay iska hor imaadkii caawa ka dhacay magaalada Gaalkacyo ee lagu dhaawacay taliye ku xigeenkii booliiska gobolka Mudug iyo nabadoon Yaasiin Cabdisamad.

4/21/2022 4:47 PM EST
Khamiis, April, 21, 2022 (HOL) - Hoggaamiyaha TPLF Debrtsion oo warqad udiray Qaramada midoobay, ayaa waxa uu sheegay in Shacabka Tigray aysan wali helin waxyaabo badan oo kamid ah nolosha aasaasiga ah, sida Biyaha, Korontada iyo waxyaabaha lamidka ah.

4/21/2022 2:04 PM EST
Khamiis, April, 21, 2022 (HOL) - Iska hor imaad xooggan oo caawa ka dhacay waqooyiga magaalada Gaalkacyo ayaa waxaa ku dhaawacmay taliye ku xigeenkii ciiddanka booliiska gobolka Mudug iyo askar kale oo ciiddanka amniga katirsan.

4/21/2022 7:48 AM EST
Khamiis, April, 21, 2022 (HOL) - Wasiirka betroolka iyo macdanta Soomaaliya ayaa looga yeeray xafiiska xeer ilaaliyaha guud, si wax looga weydiiyo heshiiska uu saxiixay ee dhexmaray wasaaraddiisa iyo Shirkadda Coastline Exploration Limited.

4/21/2022 6:44 AM EST
Khamiis, April, 21, 2022 (HOL) - Taliyaha ciidanka Booliiska Soomaaliyeed Jenaraal Cabdi Xasan Xijaar oo ka hadlaayay dilalka ay geystaan ciidanka Booliiska Soomaaliya ayaa sheegay in ciidanka Booliiska dilalka ay geystaan ay ka badan tahay dilalka ayaga loo geysto.

4/21/2022 3:22 AM EST
Khamiis, April, 21, 2022 (HOL) - Xildhibaan Sareedo Maxamed Cabdalla ayaa maanta mar kale dib loogu doortay kursigeeda aqalka hoose ee sumadiisu tahay hop154.

4/21/2022 3:16 AM EST
Khamiis, April, 21, 2022 (HOL) - Guddiga hirgelinta doorashada maamulka Hirshabeelle ayaa shaaciyay jadwalka doorashada kursiga HOP 009 oo ka mid ah kuraasta Golaha Shacabka ee ku dhiman maamulka Hirshabeelle.

4/21/2022 2:20 AM EST
Khamiis, April, 21, 2022 (HOL) - Wasiirka Maaliyadda Soomaaliya Cabdiraxmaan Ducaale Beyle ayaa ka qeyb galay shirarka sanadlaha ah ee Bankiga Adduunka iyo Hay’adda IMF oo ka socda magaalada Washington ee dalka Mareykanka.

4/21/2022 1:46 AM EST
Khamiis, April, 21, 2022 (HOL) - Madaxweyne ku xigeenka Puntland, Axmed Cilmi Cismaan Karaash ayaa ku dhawaaqay inuu la wareegay masuuliyadda hoggaamineed ee Puntland.