6/26/2022
Today from Hiiraan Online:  _
Wararka Maanta- Arbaco, Apr 20, 2022
Maxkamadda sare ma qaadi kartaa dacwadda kursiga Fahad Yaasiin?

 

Arbaco, April, 20, 2022 (HOL) - Maxkamadda Sare ee dalka ayaa shalay billowday dhagaysiga dacwad uu Fahad Yaasiin, la taliyaha amniga qaranka ee madaxweyne Farmaajo ka gudbiyay Guddiga Hirgalinta Doorashooyinka Heer Federaal, kaddib markii guddiga uu diiday natiijada kursiga HOP86.

Fahad Yaasiin Xaaji Daahir, oo horeyna u soo noqday agaasimaha hay'adda sirdoonka, ayaa kursigaasi ku guuleystay 20-kii bishii Febraayo ee sanadkan, kaddib doorasho ka dhacday magaalada Beledweyne.

Maxkamadda ayaa dhegaysanaysa dacwadda u dhaxeysa qareenka musharraxa ku guuleystay kursiga ee Fahad Yaasiin iyo xafiiska garyaqaanka guud ee dalka oo ka wakiil ah guddiga doorashooyinka Soomaaliya.

Maxkamadda waxaa hareeyay doodo ku saabsan awooda ay u leedahay qaadista dacwadda noocaasi ah, maadaama Golaha Wadatashiga Qaran ay horay isugu raaceen in ay xal ka gaarayaan cabasho kasta oo kasoo laabata doorashada dadban.

Garyaqaan Zakariye Yuusuf, oo ka tirsan hay'adda ka faaloota xasaradaha caalamka ee ICG, ayaa sheegay in maxkamadda aysan xaq u laheyn in ay gasho dacwadda kiiskan, maadaama uu ka reebayo sharciga law number 30, 11/10/2020 oo ka soo baxay shirkii Golaha Wadatashiga Qaran, isla markaana ay saxiixeen baarlamaankii 10-aad iyo madaxweyne Maxamed Cabdullahi Farmaajo.

Sharcigaasi ayaa mamnuucaya in nooc kasta oo maxkamad ah loo qorto cabasho ama maxkamad ay ka fariisato cabashooyinka doorashada, balse taas beddelkeed sharcigaasi ayaa tilmaamaya in wax kasta oo cabasho ah lala aado Golaha Wadatashiga Qaran, ayuu yiri garyaqaanka.

“Maxkamadda waa tan ugu sarreysay dalka, laakiin doorashada dadban wey ka gedisantahay nidaamka maxkamadda sare ee xeerka garsoorka uu u qoondeeyay dacwaddaha ay geli karto. Maxkamaddu xaq uma lahan in ay gasho dacwadda kiiskan, markii horeba waxaa ay aheyd in ay tiraaahdo sharci law number 30 ayaa iga xayiraya qaadista dacwadan”, ayuu raaciyay.

Garyaqaan Zakariye Yuusuf, ayaa hoosta ka xariiqay in maxkamaddu ay qancineyso muwaadinka soo dacwooday, balse laga filayo in ay caddeyso in aysan gar u laheyn qaadista dacwadan. Waxaa uu sii raaciyay in aan la qaadan doonin haddii ay go’aan soo saarto.

Xafiiska garyaqaanka guud ee dalka ayaa ku doodaya in heshiiska doorashada ee 17 September uu yahay sharci awood siinaya guddiga doorashada, islamarkaana aysan jirin cid kaga sarreysa go’aannada doorashada la xiriira.

Dastuurka KMG waxaa ku jira sharci sheegaya in garsoorka uusan xukumi karin waxa sharciga aanu u tilmaamin, sidaasi si lamid ahna uusan sameyn karin wax sharciga uusan u jideynin.













Click here
4/20/2022 12:41 PM EST
Arbaco, April, 20, 2022 (HOL) - La taliyaha amniga qaranka ee Madaxweyne Farmaajo Fahan Yaasiin Xaaji Daahir ayaa shaaciyay inuu aqbalay go'aankii maanta kasoo baxay maxkamadda sare ee Soomaaliya.

4/20/2022 10:41 AM EST
Arbaco, April, 20, 2022 (HOL) - Waxaa Maanta shirjaraa'id si wadajir ah ugu qabtay magaalada Kismaayo ee Xarunta gobolka Jubbada Hoose guddiyada doorashada heer Fedaraal, heer dowlad gobobleed ee Jubbaland iyo kan xalinta khilaafaadka dalka.

4/20/2022 10:04 AM EST
Arbaco, April, 20, 2022 (HOL) - Madaxweynaha Somaliland Muuse Biixi Cabdi, oo xafiiskiisa ku qaabilay safiirka Ingiriiska ee Soomaaliya Kate Foster, ayaa kala hadlay xaalada suuqii gubtay ee Hargaysa, iyo taakulaynta abaaraha.

4/20/2022 7:36 AM EST
Arbaco, April, 20, 2022 (HOL) - Maxkamada Sare ee dalka ayaa goordhaw Laashay kiiska dacwada uu Fahad Yaasiin Xaaji Daahir kasoo gudbiyay guddiga hirgelinta doorashooyinka heer Fedaraal ee FEIT, kaasoo ku saabsana doorashada kursigii uu u tartamay ee HOP 086.

4/20/2022 5:03 AM EST
Arbaco, April, 20, 2022 (HOL) - Waxaa Xalay lagu dilay gudaha magaalada Baledweyne ee xarunta gobolka Hiiraan Allah u naxariistee Saciid Xasan Axmed oo loo yaqiinay Saciid Madaxeey.

4/20/2022 3:51 AM EST
Arbaco, April, 20, 2022 (HOL) - Dowladda Soomaaliya iyo shirkad laga leeyahay dalka Mareykanka ayaa waxaa ka dhex taagan muran ku saabsan sax ahaanshaha heshiiskii shidaal baarista ee bishii February lagu gaaray magaalada Istanbul.

4/20/2022 2:58 AM EST
Arbaco, April, 20, 2022 (HOL) - Garab katirsan guddiga doorashada heer federal iyo guddiga xallinta khilaafaadka oo shalay tagay magaalada Garbaaheerey ayaa sheegay inay fulinayaan heshiiska doorashada 16 ka kursi ee taala gobolka Gedo.

4/20/2022 1:55 AM EST
Arbaco, April, 20, 2022 (HOL) - Guddoomiyaha xisbiga mucaaradka Somaliland ee UCID Faysal Cali Waraabe, ayaa madaxweynaha Somaliland ku eedeeyay in uu Somaliland burburinayo.

4/20/2022 1:45 AM EST
Arbaco, April, 20, 2022 (HOL) - Madaxweyne ku xigeenka maamulka Puntland Axmed Karaash ayaa sheegay inuu sii dayndoono warbixin ku saabsan xaaladda guud ee Puntland.

4/20/2022 1:40 AM EST
Arbaco, April, 20, 2022 (HOL) - Madaxweynaha maamulka Galmudug Axmed Cabdi Kaariye Qoorqoor ayaa wareegto uu soo saaray waxa uu ku magacaabay guddoomiyaha maamulka gobolka Galgaduud.

4/20/2022 1:29 AM EST
Arbaco, April, 20, 2022 (HOL) - Waxaa xalay magaalada Laascaanood dablay hubaysani ku dishay Isu-duwihii Hay'adda Qandaraasyada Somaliland ee gobolka Sool Maxamed Cabdilaahi Faarax (Jeeri).