6/26/2022
Today from Hiiraan Online:  _
Wararka Maanta- Axad, Apr 17, 2022
Wasiir ka tirsan Xukuumadda Soomaaliya oo booqday Jaamacadda Cilmiga Amniga ee dalka Sacuudiga

Axad, April, 17, 2022 (HOL) - Wasiirka Amniga Soomaaliya Cabdullaahi Maxamed Nuur ayaa booqasho ku tagay Jaamacadda Naif Carab ee Culuumta Amniga ee magaalada Riyadh ee dalka Sacuudiga.

Wasiirka amniga Soomaaliya iyo wafdigii la socday ayaa waxaa qaabilay Madaxweynaha jaamacadda Naif, Dr. Abdulmajeed bin Abdullah Al-Bunyan iyo mas’uuliyiin dhowr ah.

Labada dhinac ayaa ka wada hadlay sidii loo horumarin lahaa wadashaqeynta NUSS, Wasaaradda Amniga Gudaha Soomaaliya iyo Hay’adaha Amniga ee labada dal.

Wasiirka ayaa muujiyay sida uu ugu faraxsan yahay dadaalka ay Jaamacadda Naif ugu adeegeyso amniga Carabta, isagoo ku ammaanay doorka ay ka qaadanayaan xoojinta amniga Carabta iyo guud ahaan gobolka.

Waxa uu sidoo kale carrabka ku adkeeyay rabitaanka hay'adaha amniga Soomaaliya si ay u xoojiyaan iskaashiga tacliinta, tababarka iyo cilmi-baarista ee jaamacadda NUSS.

Horay, Wasiirka amniga Soomaaliya ayaa Jeddah kula kulmay Wasiirka Arrimaha Gudaha Sacuudiga Amiir C/casiis Bin Sacuud Bin Naa’if. Labada dhinac ayaa ka wada hadlay sidii loo xoojin lahaa iskaashiga amniga ee wadajirka ah.

Abdiweli M. Sheikh, Hiiraan Online












Click here
4/17/2022 12:45 PM EST
Axad, April, 17, 2022 (HOL) - Xisbiga talada Somaliland haya ee Kulmiye, ayaa qaar kamid ah xildhibaannada golaha wakiilada ugu jira xisbiga Waddani ku eedeeyay in ay caadaysteen, wax ka sheega iyo u gacan qaadka ciidanka.

4/17/2022 6:38 AM EST
Axad, April, 17, 2022 (HOL) - Guddiga qaban qaabada doorashada guddoonka Golaha Shacabka Baarlamaanka Fedaraalka Soomaaliya oo maanta kulan ku yeeshay magaalada Muqdisho ayaa iska dhex doortay guddoomiyaha iyo xoghayaha guddiga.

4/17/2022 6:35 AM EST
Axad, April, 17, 2022 (HOL) - Xisbiga Waddani ayaa hanjabaadii uu xildhibaan Maxamed Abiib sheegay in uu kala kulmay taliyaha booliiska Somaliland, ku tilmaamay meel ka dhac, isagoo madaxweynaha ugu baaqay in uu raaligalin ka bixiyo.

4/17/2022 5:14 AM EST
Axad, April, 17, 2022 (HOL) - Wafdi uu hoggaaminayo Guddoomiyaha Guddiga Doorashooyinka Heer Federaal ee FEIT Muuse Geelle ayaa maanta soo gaaray Magaalada Kismaayo ee xarunta kumeel gaarka ah ee Jubbaland.

4/17/2022 4:10 AM EST
Axad, April, 17, 2022 (HOL) - Warar dheeraad ah ayaa kasoo baxaya qarax xoogan oo goordhaw ka dhacay duuleedka Magaalada Jowhar ee xarunta gobolka Sh/dhexe, kaasoo geystay khasaare isugu jira dhimasho iyo dhaawac.

4/17/2022 1:48 AM EST
Axad, April, 17, 2022 (HOL) - Kooxo hubeysan ayaa Xalay magaalada Muqdisho waxay ku dileen Allah u naxariiste Nabadoon Yuusuf Daahir Kheyre oo ka mid ahaa Nabadoonada caanka ka ahaa magaalada Muqdisho.

4/17/2022 1:28 AM EST
Axad, April, 17, 2022 (HOL) - Guddoomiyaha gobolka Gedo, Axmed Buule, ayaa sheegay inay Garbahaareey ku qabanayaan doorashada 16 ka kursi ee aqalka hoose, isagoo beeniyay inay jirto haba yaraatee wax nabad galyo darro ah oo caqabad ku ah doorashada.